තාරකගේ සටහන් පිටුව

Signed Int in Java

2012-01-06T08:22:00.000+05:30

while the code in java sometimes i wanted to use signed integer type. but like C++ coudn't find a way to use signed int. so thought about a way to convert negative integers to positive.

int integerVariable;
 integerVariable =-20;
//now convert negative values to positive
if(integerVariable<0)
     integerVariable=0-integerVariable;

now just use integerVariable as your wish. it will only contain positive values.

How to Convert Integer Variable to String in Java

2012-01-06T07:48:00.000+05:30

This is the simplest way i found on my experiments in type casting int to String in Java

//initialize a integer type variable
int integerVariable = 4;
//initialize a String type variable
String stringVariable;
//Type Cast int to String
stringVariable=integerVariable="";

is there a simple way than that your comments are really appreciate.

Root නොකර Android එකට සිංහල උගන්වමු

2011-12-14T21:40:00.000+05:30

අද කියන්න යන්නේ Android ධාවනය වන ඒවට root නොකර සිංහල දාගන්න විදිය. මුලින්ම කියන්න ඕන මේ ක්‍රමය හඳුන්වාදුන්නේ අපේ ධනික සහෝදරයා.

ඉස්සර ඉතිං Opera දාගෙන යංතං ගැටගහගෙන සිංහල කියව ගත්තට දැන් එච්චර නහින්න ඕන නැහැ.

ඇත්තටම කිවුවොත් මේකත් ඇවිල්ල WEB Browser එකක්. මේකට හැකියාව තියෙනවා Android එකේ සිංහල නැති උනත් සිංහල අකුරු නියම විදියට render කරල පෙන්නන්න. ඒ කියන්නේ අර ස්පිලි පාපිලි පනින ලෙඩ නැතිව නියමාකාරයෙන් සිංහල දර්ශනය කිරීමට මෙම SET Brower එකට පුදුම හැකියාවක් තියෙනවා. වැඩි කතා ඕන නැහැ මෙන්න මෙතනින් අර ගන්න පුලුවන්.

හරි දැන් සිංහල බලාගන්න පුලුවන්. ඒත් ප්‍රශ්නයක් නේ සිංහල නැත්නම් සිංහල ටයිප් කරන විදිය. ඒකටත් විසඳුමක් ධනික සහෝදරයම ඉදිරිපත් කරල තියෙනවා. ඒ තමයි හෙලකුරු

මේ තමයි ජංගම දුරකථන සඳහා වන ප්‍රථම සහ එකම ශබ්දානුකූල සිංහල යතුරුපුවරුව. එහෙනං ඉතිං කරන්න තියෙන්නේ Android එකට සිංහල උගන්නලා සිංහලෙන්ම කියවන ගමන් ලියන එකයි.

මේ වෙද්දි ප්‍රධානම ප්‍රවෘත්ති මාධය්‍යක් මේ SETT rander වෙන ක්‍රමය අරන් යෙදුමක් සකස් කරල තියෙනවා. ඒත් ධනිකට කියලවත් නැහැ භාවිතා කරනව කියලවත්. එයාල ඒක හැදුවේ ධනික ඒ ක්‍රමය සොයාගත්ත නිසානේ. මේ වගේ නිර්මාණ කරන ඔහුව දිරිමත් කරනව වෙනුවට ඒ වගේ දේවල් කිරීමෙන් පේන්නේ අතහිත දෙනවට වඩා හොරකම් කරන්න කට්ටිය බලාගෙන ඉන්නව කියන එක කියලයි මගේ හැඟීම.

ඉර හඳ තරු

2011-12-11T21:12:00.001+05:30

කළුවර අහසට

ආලෝකය දෙන්න

තරු රැසක් මළානික

ආලෝකයක් දෙද්දි

ආවාට පිරුණු

වටකුරු දෙයක්

ඒ එළියට වඩා

හැමෝම ආස කරන

වැඩි මෘදු එළියක්

පතුරුවලා ඒ අඳුර

මකා දමන්න

හැදුවත්,

ඒ හඳට

මෘදු එළිය පතුරවන්න

උදව් වෙන්නේ
වෙන කෙනෙක්.

හැමදෙනාම

බැන්නට,

ගණන් ගත්තෙ
නැති උනාට,

ඉර ඒ හැම දෙයම

උපේක්ෂාවෙන්

විදගෙන ඉවසාදරා

ලෝකයේ හැමදෙනාටම

ජාති බේද නොසලකා

එක සමානව

ආලෝකය මෙන්ම

උණුසුම බෙදා දෙනවා.

ඒත් මිනිස්සු කතා කරන්නේ හඳ තරු ගැන විතරයි.

/\    /\
/  \  /  \
/ /\ \/ /\ \
/ /  \/ /  \ \
\ \  / /\  / /
\ \/ /\ \/ /
/\   \ \/  \ \/   /\
/  \  /\ \  /\ \  /  \
/ /\ \/ /\ \/ /\ \/ /\ \
/ /  \/ /  \/ /  \/ /  \ \
\ \  / /\  / /\  / /\  / /
\ \/ /\ \/ /\ \/ /\ \/ /
\  /  \ \/  \ \/  \  /
\/   /\ \  /\ \   \/
/ /\ \/ /\ \
/ /  \/ /  \ \
\ \  / /\  / /
\ \/ /\ \/ /
\  /  \  /
\/    \/

Tharu

terminal එකෙන් resolution වෙනස් කරමු

2011-11-24T20:00:00.000+05:30

terminal එක විවෘත කර root ලෙස ප්‍රවේශ වෙන්න.

දැන් xrandr විධානය මගින් පවතින resolution බලාගන්න.

Screen 0: minimum 320 x 200, current 1366 x 768, maximum 8192 x 8192
LVDS1 connected 1024x768+0+0 (normal left inverted right x axis y axis) 309mm x 174mm
   1024x768       60.0 
   800x600        60.3     56.2 
   640x480        59.9 
VGA1 disconnected (normal left inverted right x axis y axis)

එහි දැක්වෙන resolution වලට පහසුවෙන් වෙනස් කිරීමට පහත විධානය භාවිතා කරන්න.

xrandr -size <නව resolution එක>

xrandr --size 1024x768

ඉතාමත් පහසුවෙන් resolution වෙනස් වන ආකාරය පේනව නේද?

දැන් බලමු මෙතන නැති resolution එකක් භාවිත කරන්නෙ කොහොමද කියලා

මුලින්ම ළගම ගැලපෙන resolution එක බලාගන්න cvt විධානය විභේදනය සමග ලබාදෙන්න

cvt 1360 768

# 1360x768 59.80 Hz (CVT) hsync: 47.72 kHz; pclk: 84.75 MHz
Modeline "1360x768_60.00"   84.75  1360 1432 1568 1776  768 771 781 798 -hsync +vsync

එහි modeline වලින් පසු ඇති ප්‍රතිඵලය copy කරගෙන එය xrandr වලට එකතු කරගන්න

xrandr --newmode "1360x768_60.00" 84.75 1360 1432 1568 1776 768 771 781 798 -hsync +vsync"

xrandr --addmode "1360x760_60.00"

දැන් xrandr මගින් නැවත පරීක්ෂාකරන්න.

නව විභේදනය එකතු වී තිබෙන අයුරු දැකගත හැකි වනු ඇත.

Screen 0: minimum 320 x 200, current 1366 x 768, maximum 8192 x 8192
LVDS1 connected 1366x768+0+0 (normal left inverted right x axis y axis) 309mm x 174mm
   1366x768       60.0
   1024x768       60.0*+ 
   800x600        60.3     56.2 
   640x480        59.9 
VGA1 disconnected (normal left inverted right x axis y axis)

දැන් පහසුවෙන්ම xrandr --size මගින් නව විභේදනයට මාරුකරගත හැකි වනු ඇත.

xrandr වලින් විභේදනය ඉවත් කිරිමට xrandr --rmmode "" භාවිත කරන්න.

Linux Live USB එකක් සෑදීම

2011-10-27T13:42:00.000+05:30

හන්තාන සමගින් පෙරනිමියෙන් එන LiveUSB Creator මගින් පහසුවෙන් Live USB එකක් සාදාගත හැක.

මේ සඳහා Fedora 15 මත 4GB PenDrive එකක් සහ හන්තාන මෙහෙයුම්පද්ධතියේ ISO එකක් මා භාවිතා කලෙමි.

මෙහිදී දත්ත මැකීයන බැවින් Pen එකෙහි වූ දත්ත බැකප් කර ගැනීම පළමුවෙන් කල යුතුය.

1.පියවර

LiveUSB Creator ආරම්භ කර Browse බොත්තම මත ක්ලික් කරන්න

2.පියවර
දැන් Live USB එකට දැමිය යුතු OS එකෙහි ISO එක තෝරා දෙන්න. මා මෙහිදි ලබාදුන්නේ Hanthana Linux 14.7.12 වෙළුමයි.

3.පියවර
ඔබගේ සැකසුම් සුරැකීමට අවශ්‍ය නම්
තේරූ ISO එක සමගින් Live USB එක තැනීමට Create Live USB බොත්තම ඔබන්න

දැන් Pen එකට OS එක මාරු වන අතර එහි Progress එක නිල් පැහැයෙන් පෙන්වයි.

අවසාන වූ පසු පහත පරිදි කවුලුව දිස්වේ.

දැන් Live USB එක තනා අවසන්.

ඕනෑම පරිගණකයකට මෙම PEN එක සවිකර First Boot එක ලෙස USB තේරුවිට පහසුවෙන් Hanthana Boot කරගත හැක.

* First Boot එක USB ලෙස තේරීමට පැරණි මව්පුවරු සහය නොදැක්විය හැක.
Boot Menu ලබාගැනීමට බොහෝමයක් මව්පුවරු වල ඇත්තේ F12 හෝ F10 යන key එක එබීමටයි.
නැතහොත් POST Test එක අතරතුර එබිය යුතු යතුර දක්වනු ඇත.

ඊට අමතරව BIOS වලින් ස්ථිරවම Boot Sequence එක මාරු කිරීමද සිදුකල හැක

හඳ සහ මව

2011-08-09T22:27:00.000+05:30

අන්න පුතේ අර බලන්න හඳ හාමිගේ හා පැංචා.

අම්මට පිස්සුද හඳේ කෝමද හාවෙක් ඉන්නේ.

ඔය පේන්නේ හඳේ තියෙන ආවාටනේ..

Generator Load Testing..

2011-08-03T22:03:00.000+05:30

ඊයේ (2011-08-02) දින අධි බල විදුලි කණුවක JCB යන්ත්‍රයක් ගැටීම නිසා කාර්ය්‍යාලය අවට ප්‍රදේශයේ විදුලි ඇණ හිටීමක් සිදුවූ නිසා වැඩ කිරීමට විදුලි බලය ලබාගැනීමට විදුලි ජනකයක් පාවිච්චි කලා..

මාස ගණනාවකින් ක්‍රියාත්මක කිරීම නිසා ක්‍රියා කරවීම මඳක් අසීරු වුවත් කෙසේ හෝ ක්‍රියා කරවා 10ට පමණ වැඩ ආරම්භ කල හැකි උනා. 11.15ට පමණ විවේකයෙන් පසු විදුලි බලය මඳිකමක් දැනෙන්නට වූ බැවින් බලය වැඩි කිරීමට උත්සහ කලත් අසාර්ථක වූ නිසා ක්‍රියා විරහිත කර දැමුවා.. ඒ අවස්ථාවේ ජනකය තුල පුළිඟු පනින ආකාරය දැකගැනීමට තිබුනා.. බලය අඩුවීමට හේතුව එය වෙන්නට ඇතැයි අනුමාන කලා.

නැවතත් කෑම පැයෙන් පසු ක්‍රියාත්මක කලත් විදුලිය ලබාගත නොහැකි උනා. කිහිපවරක් උත්සහ කිරීමෙන් අනතුරුව කාර්මිකයෙක් ලවා ඇතිල්ලුම් පරීක්ෂා කර නැවත සවිකිරීමෙන් පසු විදුලිය ලබාගත හැකි උනා.. ජනකයෙන් විද්‍යුත් ගාමක බලය 230 දක්වා ලබා දී UPS ක්‍රියාත්මක කිරීමට හැදුවත් ඒවා ක්‍රියාත්මක වූයේ නැහැ. 250 දක්වා වැඩි කලත් සාර්ථක නොවූ බැවින් ක්‍ෂමතා පරීක්ෂාවක් සිදුකරමු යැයි කාරමිකයා විසින් යෝජනාවක් කලා..

මීට පෙර මෙවන් දෙයක් දැක නැති නිසා මේ ආකාරයෙන් ජංගමයෙන් සටහන් තබා ගත්තා.. මෙහිදි මුලින්ම භාජනයකට වතුර ටිකක් ගෙන ලුණු ස්වල්පයක් දමා 1.44 වයර් දෙකක් එය තුලට දමා ජනකයට සම්බන්ධ කර පණ ගැන්වීම තමයි සිදුකලේ.

විද්‍යුත් විච්චේදන ක්‍රියාවලියක් තමා මෙහිදී සිදුවෙන්නේ.. නමුත් ජනකයෙන් ධාරාව උපරිම ලෙස ලබාගන්නවා.. එබැවින් ක්‍ෂමතාව ගණනය කිරීමට ධාරාව මැනගැනීමෙන් පුලුවන්. මෙන්න අවසාන ප්‍රතිඵලය.

ධාරාව මැනල බැලුවම නම් 5kW ක්‍ෂමතාව ලබාගන්න පුලුවන්. හැබයි අන්තිමට කොප(ර්) දියවෙලා..
අවසානයේදී විද්‍යුත්ගාමක බලය 260ක් දක්වා වැඩි කිරීමෙන් අනතුරුව තමයි UPS ක්‍රියාකල හැකි වූයේ.. 260V වැඩි කියල හිතුණත් සියළුම UPS සහ පරිගණක ක්‍රියාත්මක කල පසු 255V දක්වා පහත වැටී තිබෙනු දක්නට ලැබුනා..

Google Plus හි තමන්ගේ Profile එකට link එකක් හදාගමු

2011-07-28T13:33:00.001+05:30

Google Plus ,G+ , එහෙමත් නැත්නම් ඔයාල දන්න විදියට කියනවනං පස් වල එකවුන්ට් එක කාටවත් දෙන්න ගියාම ලින්ක් එක ටිකක් අවුල් නේ..
මේ තියෙන්නේ මගේ profile එක.
https://plus.google.com/117408766082951350719
ඉතිං ඕකෙ තියෙන නම්බර් ටික නිසානේ අවුල.. ඒකට මෙහෙම වැඩක් කරගන්න පුලුවන්.

http://ongplus.com/ ගිහින් ඔයාල කැමති නමක් දාගන්නකෝ.
Desired username: කියන තැනට ඔයාලට දාගන්න ඕනි නම දෙන්න
දැන් අර උඩ ලින්ක් එකේ තියෙන අංක ටික. plus.google.com එකට පස්සේ තියෙන ටික Google+ ID: කියන තැනට දෙන්න
මෙන්න මේ විදියට.

ඔය ටික කරල ක්ලේම් කලාම දැන් මෙන්න මෙහෙමයි මගේ profile එකට යන්න පාර තියෙන්නේ
http://ongplus.com/kpgtharaka

බස් රේඩියෝවේ හඬ පටියක බුද්ධිමය දේපල සුරැකීමයි

2011-07-27T21:03:00.001+05:30

බස් රේඩියෝවේ ඒසි නොමැති දවස් වල (මළ කෙළියයි ජූලි හතරයි පොළව දෙදරවාගෙන ඒමට පෙර) මා විසින් සකස් කර ගුවනට මුදා හරින ලද ජිංගල් වල කට හඬ පිළිබදව අසන්නන්ගෙන් කල විමසීම් වලදී දැනගත් විස්තර සංක්ශිප්තය මෙපරිදිය..

අසන්නන් : කාගෙද ඒ ලස්සන කටහඬ.. හසී ගේ නේද?
හසී : අසන්නන්ගෙන් හලි කලදලේ හලේ ඔය කටහඬ මගේ කියලා.. ඒක මගේ නෙවෙයි.. ඒක අර තාරක අයියගේ ගෑණු ලමයාගේනේ.. එයා කියන්නැහැ කවුද කියලා..

අසන්නන් : ඇත්ත කියන්න හසී.. ඒ ලස්සන කටහඬ ඔයාගේ නේද?
හසී : තාරක අයියගෙන් අහන්න.. එයා තමයි අයිතිකාරයා..

----------
තවත් අසන්නන් පිරිසක් : කාගෙද ඒ ස්වීට් වොයිස් එක?

මේ අතර ඒසී කල බසයේද මුල්ම කටහඬ වූයේ මෙම කටහඬ වන අතර තවමත් එම කටහඬ බහුතර ප්‍රේක්ෂක පුතිචාර මධ්‍යයේ ප්‍රචාරය වනු අසාගත හැක.

එසේද මෙම කටහඬෙහි හිමිකාරීත්වය හෙළි නොවුනු නිසා තවත් කලක් එම කටහඬෙහි අයිතිකාරිය තවමත් රහසක්ව පවතින අතර තවමත් අසන්නන්ගෙන් විවිධ ප්‍රතිචාර ලැබෙමින් පවතී.. මෙන්න එම විවේචනය වලට ලක්වූ හඩපට

Buzz-Voice01 by kpgtharaka

Buzz-Voice02 by kpgtharaka

මේ වෑයම එහි නියම හිමිකාරියට එහි අයිතිකාරීත්වය ලබා දීමටයි.. මේ වන විට එම හඬට වෙනත් පාර්ශව මගින් අයිතිවාසිකම් කීමට සැරසෙන බැවින් මෙය එහි හිමිකාරිය ප්‍රකාශ කිරීමට හොදම කාලය බව මම සිතමි.

ඇගේ නම කුමක්ද?

මෙම කට හඬවල් තව දුරටත් රහසක් නොවනු ඇත. ඒ හඬෙහි නියම අයිතිකාරය නම්....

මෙම බ්ලොග් අවකාශය තුල වසර දෙකහමාරක් තිස්සේ ලිපි ලියා සිංහල භාෂාව අන්තර්ජාලය තුල ප්‍රචලිත කිරීමට අපත් සමග සිටි ටෙම්ල්ලේට් නිසා නිතරම අවුල් ගිය සිහින වස්සානයේ දඟකාර ලියුම්කාරිය ලෙසින් රෝස වළාකුළු තුළින් ඔබ හමුවූ

නෙරංජි (නීනු)

ආදරණීය රෝස වලාකුළ

2011-07-27T15:29:00.005+05:30

එක බින්දු සිර වුණු

මගේ හදවතට

ආදරය කියාදුන්

රෝස වළාකුළ

නුඹයි මගේ ආදරය

කුළුදුල් ආදරය

2011-07-27T00:11:00.000+05:30

සිතේ සිත්තමක් වී,
මා ජීවත් කරලූද..
මා ජීවය වූද..
මා ප්‍රියාදරී
මා අභියසම
කුළුදුල් ආදරය
දෝතින් දරා
මා වෙතට
නෙතු දල්වා
පැමිණි ඒ මොහාත
කෙසේ නම් පවසම්ද
අකුරු වලින් මා....

අද දින නුඹ
මගේ කුළුදුල් ආදරය
පිළිගෙන මට දුන්
සන්තෝෂය
කෙසේ නම් පවසම්ද
අකුරු වලින් මා...

සත්තමයි...
මා ආදරෙයි
නුඹට මා තුල
මේ හුස්ම
පවතිනා තුරාවටම
කෙසේ නම් පවසම්ද
අකුරු වලින් මා....

(හැබයි තවමත් මල්සරා තනිකඩය....)

-තාරු-

අලුත් වැඩක් - පින්තූර ඇල්බම් එක

2011-07-21T19:50:00.000+05:30

ඔන්න මාත් පටන් ගත්ත පින්තූර ඇල්බම් එකක්. තාක්ෂණික වැඩ වලට වඩා වෙනස් දෙයක්නේ.. හැමදාම ඒවම කරල හරියන්නෙත් නැහැනේ.. මේක මට ඉස්සරහට වඩාත් වැදගත් වෙයි කියල හිතෙනවා.

Flickr එකේ තමා කරන්නේ..මේක මං අරගනිපු පින්තූර වලින් මට හොදයි කියල හිතෙන පින්තූර ටික දාල හදාපු ඇල්බම් එකක්.

හදන්න හිතුනේ මං ගනිපු පින්තූරයක් දැකල කෙනෙක් ඇල්බම් එකක් නැද්ද කියල අහපු නිසා.. දැන් ඉතිං ඔන්න ගන්න ගන්න පින්තූර ඕකට දාන්න තමා හිතන් ඉන්නේ..

තාම ඉතිං හරියට කැමරාවක් වත් නැහැ.. මේව අරන් තියෙන්නේ මගේ ජංගම දුරකථනයෙන්.. කට්ටියට මතකද දන්නෑ අර රිමෝට් එකක් විදියටත් පාවිච්චි කරනව කීව එක තමයි.

කැමති නම් පින්තූර වලට කමෙන්ට් කරන්නත් පුලුවන්.. අකමැති නම් ඒත් පුලුවන්..
මට හුඟක්ම වටින්නේ පින්තූර ගැන කරන විවේචන තමා..
ඒ කීවේ.. මේක මේ විදියට ගත්තනම් මීට වඩා හොදයි කියල උපදෙසක් ගන්න පුලුවන් නම් තමා..

මොකද මං පොටෝග්‍රැෆි වත් ග්‍රැෆික් ගැනවත් වැඩි දෙයක් දන්නැති නිසා.

එහෙනම් ගිහිල්ලම බලන්නකෝ.

http://www.flickr.com/photos/54021321@N06/

Fedora Code Names & මගේ ලිනක්ස් ආරම්භය

2011-07-09T22:59:00.001+05:30

මෙච්චර කාලෙකට ආපු Fedora version වල Code Names ටික තමයි මේ..

Fedora Core 1 (Yarrow)
Fedora Core 2 (Tettnang)
Fedora Core 3 (Heidelberg)
Fedora Core 4 (Stentz)
Fedora Core 5 (Bordeaux)
Fedora Core 6 (Zod)
Fedora 7 (Moonshine)
Fedora 8 (Werewolf)
Fedora 9 (Sulphur)
Fedora 10 (Cambridge)
Fedora 11 (Leonidas)
Fedora 12 (Constantine)
Fedora 13 (Goddard)
Fedora 14 (Laughlin)

ඉතිං ඔතනිං මං මුලින්ම අත තිබ්බේ Moonshine එකට තමා.. ඒත මොඩම් එක ගත්තෙ නැති නිසා වැඩිය මුකුත් කරන්න බැරි උනා.. මේ තියෙන්නේ මං lklug එකට යවපු මුල්ම මේල් එක.
http://www.linux.lk/lurker/message/20070715.141609.25f51b8a.pl.html#linux

ඒකට උත්තරේ එවල තියෙන්නේ Bud

ආයෙ Sulphur වල ඉදං පටන් ගත්ත දැන් තියෙන්නේ පාවිච්චි කරන්නේ Leughlin දැන් නම් කරදරයක් නැතිව වැඩ කරනවා..

දැන් තියෙන්නේ Fedora 15 (Lovelock)
ඊළඟ එක තමයි Fedora 16 (Verne)

Winamp සඳහා Crossfading සක්‍රිය කිරීම

2011-06-15T15:12:00.006+05:30

මේ දවස්වල ඉතිං ඉඩක් ලැබුනම කරන දෙයක් තමයි BuzzRadio එක සඳහා ගීත වාදනය කරන එක.. තව ඒකටම පොඩි පොඩ් එක්පෙරිමන්ට් කරල බලන එක. http://radio.lk7.info ගියානම් ලෝකේ කොහේ හිටියත් අහන්න පුලුවන්. ඒකට පාවිච්චි කරන්නේ winamp තමා.. ඉතිං අනිත් අය සිංදු දාද්දි දැකපු දෙයක් තමයි. සිංදු අතර ඉඩක් තියෙන එක. ඒ කීවේ සිංදුවක් ඉවරවෙලා ඊඟාව සිංදුව පටන් ගන්න කලිං තත්පර කිහිපයක් නිහඬතාව රජ කරන එක. ඒක වලක්වගන්න පුලුවන් මෙන්න මේ දෙන මෘදුකාංගයෙන්.. ඇත්තටම කීවොත් ඒක winamp Plugin එකක්.

මෙතනින් ගන්න..

ඕක ස්ථාපනය කරල සක්‍රිය කරා නම් ස්වයංක්‍රීයව සිංදු අතර තියෙන ඉඩ අඩු කරල එකක් ඉවර වෙනවත් එක්කල තව එකක් පටන් ගනීවි..

දාලම බලන්න.. උදව්වක් හෙම ඕන නම් පහලින් ලියන්නකෝ..

Y FM ඇහුවට තෑගි ලැබීම - YFM Top Fan

2011-06-13T12:10:00.000+05:30

උ.පේ කරල ඉවර වෙලා හා හා පුරා කියල ජොබ් එකකට ගියා.. රිසල්ට් එකෙන් නම් නෙවෙයි.. ඒ පලවෙනි ජොබ් එක උනේ Post of Associate. වැඩ කලේ එංගලන්තේ.. රට ගියේ කවදද අහන්න එපා! එංගලන්තෙ වැඩ කලාට මෙහේම තමයි හිටියේ. කරපු වැඩේ තමයි ගිහිපු වෙලේ ඉදන් ෆෝම් පුරවන එක.. හරි හරි.. තේරෙන සිංහලෙන් කියනවනං Data Entry Operator කෙනෙක්.. වැඩ කලේ හවස 6.30 ඉදන් උදේ 3.30. වවුල වගේ තමා නයිට් වැඩ කරල දවල් නිදාගන්නවා..

ඔය අතරෙ වැඩ කරන තැන දාන්නේම BBC සංදේශය තමා.. දාන සිංදුත් ඊට හපන්.. ඒ මදිවට AC එකට අතේ ඇඟිලිත් Freeze වෙනවා. ටික කාලයක් ගිහින් ගත්ත Mobile Phone එකක්.. Nokia 6230. ඒ දවස් වල හැටියට ඒකේ තිබුන පහසුකම් වැඩිත් එක්කල. ඉතිං මොකද කලේ හැමදාම රේඩියෝ එක අහන්න පුරුදු උනා.. Data Entry කරන ගමන් Hands-free එක ගහගෙන සිංදු අහනවා. බීට් එකට Typing Speed එක හරි හරියට යනවා. :) 8-10 වෙනකල් අවුලක් නැහැ. ඊට පස්සේ තමයි අවුල slow සිංදු ගියොත් නං ඇඟිලි වලට වෙනම Exercise දෙන්න වෙනවා ආයේ ටයිප් කරන්න.

ඔය අතරෙ තමයි 2005 දෙසැම්බර් පලවෙනිදා වැරදීමකින් හරි රේඩියෝ ලයින් එකක් FM 92.6න් අහු උනේ.. ඒකේ සිංදු විතරමY. එදා ඉදං ඉතිං පුලුවන් තරං ඇහුවේ ඕකම තමා. නියම බීට් එක. හැබයි කොළඹ ඉදිද්දි විතරයි අහන්න පුලුවන්. ඉතිං ගෙදර එන්න 3.30ට බස් එකට නැග්ගත් පුලුවන් තරම් දුර අහගෙන එනවා. කොහොම හරි පානදුර වාද්දුව හරියට විතරයි අහන්න පුලුවන්. ටිකෙන් ටික ඒකට ඇබ්බැහි උනා වගේ උනා.. Cool Mix Drive, Love Dreams සහ Y Music Unlimited විතරද කොහේ ඒ දවස් වල අහන්න හම්බෙන්නෙත්.. තාමත් මතකයි Dj Slash ගෙ Dark Angle Remix එක. ලගදි දවසක් ආයේ ඒක අහන්න හිතිල Slash ගෙන් ඉල්ලුවට පරණයි කියල දුන්නෙ නැහැ.

මාස 5කට පස්සේ ඒ රස්සාවෙන් අයින් උනා. ඉතිං Y අහලත් හමාරයි..

දවසක් හදන්න ගෙනාපු Hi-Fi එකක් ගෙදර තිබුණා. නිකමට 92.6ට Tune කලා.. පැහැදිලිම නැති උනත් අහුවෙනවා. Digital Tuner එකක් නිසා වෙන්න ඇති. මාසයක් විතර Mono දාගෙන ඇහුවා. Mono කරාම ටිකක් පැහැදිලිව ඇහුනා. කොහොම හරි ඒ දවස් වල ගෙදරට ආපු යාලුවෙකුටත් විස්තරේ කියලා පොඩ්ඩක් අහන්න දුන්නා. පස්සෙ ආරංචි උණු විදියට Y අහන්න ගේ වටේම වයර් ඇදල බලලා. ඒත් අහුවෙලා නං නෑ. හෙන කාලයක් එක එක විදියේ ටැස්ටිං කොර කොර ඇහුවා y. පහු පහු වෙද්දි 92.6ට දෙමල ලයින් එකක් අහුවෙන්න ගත්ත. 101.3 වලින් දකුණට දුන්නට අපේ පැත්තට අහුවෙන්නැහැ.

2009 ජනවාරි පළවෙනිදා අන්තර්ජාල සබදතාව ගෙදරට ලැබුනේ.. එදා ඉදල නං දිගටම ඔන්ලයින් අහන්න පුලුවන් උනා. ඉතිං කොච්චර ට්‍රයි කරත් මේ පැත්තට නං FM වලින් Y දෙන පාටක් නං නැහැ. ඔන්ලයින් දිගටම අහන්නනං PC එක දාල තියන්න ඕන. ඒත් ලයිට් බිල ඒකට හරස් වෙනවා. ඒක නිසා හැදුව පොඩි අයිටම් එකක්. :) ඒක ගැන පස්සෙ කියන්නං.

ඉතිං ඔහොම අහගෙන අහගෙන ඉන්නකොට තමයි මාර්තු මාසේ Fans ලට තරඟයක් තියනව තියල දැනගන් ලැබුනේ. කරන්න තිබුනේ කරන දේවල්ම කර කර ඉන්න ගමන් YFM බැජ් එක FB Profile Pic එකට ගහන් ඉන්න තමයි. ඒකත් ගහල ඔන්න සුපුරුදු විදියටම ඉන්න අතරෙ තමයි අප්‍රේල් 27 වෙනිදා කිවුවේ ජයග්‍රාහකයින් තෝරාගෙන අවසන් කියලා. එදා Y Cafe එක අහගෙන ඉන්නකොට එකපාරටම සිංදුවක් වත් ඉල්ලන්නැතිව මගේ නම කියපි.. FB wall එකේ නම් ටික දාල තියෙනව කිවුව නිසා ටක් ගාල බැලුව මේං මේ ලැයිස්තුව දාල තිබුණා.

Top 30 Winners List :

1. Gayan Tharaka
2. Anjalee Subasinghe
3. Amal Madawa
4. Leader Manori Perera
5. Ramesh Lakmal Kumarasinghe
6. Supuni Jayawardhana
7. Erangi Yatawara
8. Smart Boy Cg
9. Smith Prabath
10. Jalini Dulanjali
11. Rujith Siriwardana Alwis
12. Shiras Rock
13. ShaShini KauShali FonSeka
14. Nelunika Kumari
15. Shaminda Srinath
16. Kasun Andy Doo
17. Amith Sampath
18. Danush Samaradiwakara
19. Amali Samanmali
20. Chamara Shirantha
21. Udana Pasan
22. Sasila Jehan
23. Ruwan Dhananjaya
24. Dilukshan Silva
25. Pavan Malith
26. Venura Edirisinghe
27. Anoja De Zylva
28. Deepal Nuwan
29. Sasini Chathurika
30. Janu Usgodaarachchi

30ක් තෝරගත්ත නිසා මට මුලින්ම හිතුනේ 30දෙනාටම එක හා සමාන අවස්ථා ලැබිලා කියල. මැයි 19 වෙනිදා ඇවිත් තෑගි අරන් යන්න කියල YFM එකෙන් කතා කරල කිවුවා. ඉතිං 20 වෙනිදා ඇමතුම් ලැබුණු අය කිහිප දෙනෙක් එනව කීව නිසා 20 නිවාඩුවක් දාල ගියා තෑගි ගන්න.
කොටුවට ගිහින් එදා යන කස්ටියත් එක්ක දෙපානමට ගියාට පස්සේ DJ-ස්ලෑෂ් නදීෂ් නික් තුන්දෙනාවත් හම්බඋනා. ඉතිං පොඩි සතුටු සාමීචියක් හෙම දාල බැලින්නං මුල් පස්දෙනාට විතරක් තෑගී ජාති ඔක්කොම වලින් තියෙනවා. ඉති මේං මේවා තමා හම්බුනේ.

ඉතිං ඇහුවට පාඩුවක් උනේ නං නෑ..

PS: දෙවන Sundown Concert එක ජුලි 9 මාතර සනත් ජයසූරිය ක‍්‍රීඩාංගනයේ තියෙනවා.

අවුරුදු Sajje

2011-04-14T07:08:00.003+05:30

ඊයේ (13 වෙනි දින) පැවැත්වූ අවුරුදු සාජ්ජයේ ඊයේ සිට මේ දක්වා වන විට සියලුම සිංදු ගණන 1313ක්. මෙන්න සිංදු කියපු ලැයිස්තුව හා සිංදු ගනන..

156 RoylyFdo
118 AnjulaMalshan
95 nisald
83 NisansaDdS
82 KolithaBee
82 GayanMW
68 hajara_
63 anushkalakmal
62 roshm
40 xaInDC
37 kpgtharaka
33 lahirunirmala
32 zashgal
30 lasanthabuddika
30 isuru71
25 pixzumaliya
24 uvindubt
22 astroanu
21 chethaka
20 PolZie
20 udaraumd
19 Ashenr2
17 hogsmate
17 namila007
15 yfmdjslash
10 yoshrox
9 crazykesh
9 Thilinabuwa
8 ilhams
6 Dili
5 pahans
5 janukz
4 bkrishantha
3 dilanrf
3 gihangamos
3 hasitha77
3 Malithsen
3 thameera
3 Tylershehan
2 arvindjkv
2 Aysha_SM
2 naveenmadhawa
2 SeeJay
1 akila87
1 Ashu_Bashu
1 chanux
1 charithsoori
1 chathuraw
1 Elmoq
1 iHaneez
1 indunan
1 ireshsl
1 kanirockz
1 Lakshani55
1 Lollipop_Kid
1 nipunika11
1 ranmalm7
1 rimiiee
1 ruzeenr
1 sidathsam
1 thilinamees
1 vishalrc
1 WorldPNT

විශේෂ ස්තූතිය sandaruwan ට

Cyber සිහින උළෙල - 2 වන කොටස

2011-04-13T20:00:00.000+05:30

සිහිනයක් නොවූ සිහින උලෙළේ දෙවෙනි කොටස අරන් ආවා.. මේකෙ අඩංගු වෙන්නේ ආරම්භය සිදු උන ආකාරය සහ තරග ආරම්භය සනිටුහන් උනු හැටි තමා.. මේකෙ වීඩියෝ කොලිටිය ටිකක් වැඩියෙන් අප්ලෝඩ් කරා..

ආරාධිත අමුත්තන්ට සාම්ප්‍රදායික පොල්තෙල් පහන දල්වන්න ආරාධනා කරන්නේ රචින්ත මලයා.. කොහොමද බලන්නකෝ කටහඩ..
පොල්තෙල් පහන දල්වලා අභීත අයිය ගෙදරින් ලියාගෙන ආපු කතාව කරනවා :)

මීටර් 100 දිවීම තරඟය..
පළවෙනියාට තෑගි දීමට පෙර මාරයියා කරුණු පැහැදිලි කරනවා.. පැරචුට් එකක්වත් තිබ්බා නං මාරයා දුවයි..

ඊගාවට කස්ටිය සීනි බනිස් වේලන්න එල්ලන හැටිත්

ඇස් බැඳල ඉන්නකොට ටොකු අනින්න එන්නෙ කවුද කියලත් බලාගන්නකෝ එහෙනං..
ඒ අතරම අභීත අයියගේ ඩාන්ස් පාරකුත් වීඩියෝ වෙලා නෙව.. :) අන්තිම එක නං හැමෝම දැක්ක මේක දැක්කද දන්නෑ. මොකක් හරි වන්නමකට ලේස්ති වෙනව වෙන්න ඇති.

යෝගට් කවන්න ඇස් බදින හැටි සහ අන්තිමයා පලවෙනියා වෙන හැටිත් බලාගන්න පුලුවන්.. ඒ අතර සමහරු යෝගට් පොවනවා.. හෙහෙ.
එතනදි දෙන්නෙක් පස්කන්න ට්‍රයි එකක් දුන්න නමුත් ඒක මෙකේ නැහැ.

යෝගට කෑවට පස්සේ මූණ කොහොම ඇත්ද

හරි හරි වැඩි කතා ඕනි නෑ බලලම ඉන්නකෝ..

ප.ලි. : බිල සැර වැඩිවෙයිද මන්දා

Cyber සිහින උළෙල - 1 වන කොටස

2011-04-08T07:10:00.004+05:30

අර තිවුවයි කිවුව සයිබර් සිහින උළෙල ගැනනේ මේ දවස් වල කාගේත් කතාව.. ඒ වගේමයි පින්තූර ටැග් වෙනවා.. කමෙන්ට් වැටෙනවා මඩ වදිනවා.. වීඩියෝ කලාට ඒ සේරම අප්ලෝඩ් කරන්න බෑ. විශේෂයෙන් මාරයා ඉන්න එවුවට ගෙවන්න කිවුවත්නේ :). මේකත් Hi Quality තමා හැදුවේ අන්තිමට සයිස් එක 690MB උනා. ඉතිං Video සයිස් අඩු කරල අන්තිමට Quality බස්සල මේ ගාණට අරගෙන අප්ලෝඩ් කරා..

සහභාගී නොවුනු අය පින්තූර බලල දුක් වෙන විත්තිය කමෙන්ට් වලින් තේරුණා.. මේක බලල තවත් දුක් නොවී ඊළග පාර එකට කොහොම හරි එන්න උත්සහ කරන්න කියල තමයි මුලින්ම කියන්න තියෙන්නේ

ඇතුල් වෙනකොට ගේට්ටුවෙ හිටිය එල පොරක් ඉතිං බැලුවම පිලිගැනීමේ නිලධාරියද දොරටුපාලද කියල නම් හිතාගන්න බැරි උනත් එතන ඉදන් තමා වීඩියෝ කිරිල්ල පටන් ගත්තේ. අන්තිමට බලද්දි මෑන්ස් ටිකට් කඩල තියෙන්නෙ අපට විතරක් නෙවිලු. ආරාධිත අමුත්තන්ටත් ටිකට් කඩලාලු.. හෙහෙ

රසවත් අවස්ථා ගොඩාක් තිබුණත් ටිකක් විතරක් මෙහෙම ලියන්නම්. වීඩියෝව බලල ඔයාලම අවස්ථා සම්බන්ධය දාගන්නකෝ

“හොදට ගනිං ඈ.. වීඩියෝ වෙනවනේ.“

“ගන්න මල්ලි. හැබැයි අයකරනවා“

මේක තමයි උනු සිරාම සීන් එක වීඩියෝ කරද්දි පොරක් පින්තූර ගන්නකොට ඉන්නව වගේ ඉදල අන්තිමට අහපි
“ඕක වීඩියෝ කැමරාවක්ද“ කියලා.. කවුද කියල හොයාගන්නකෝ

අනිත් එක තමයි මේක බලද්දි උනු දේවල් යලිත් මතක් වෙනවා.. ඒවගේ දේවල් ලියන්න ඔය පහල කොටුවක් තියල ඇති හොදේ :)

වීඩියෝ එක බැලුවම සේරම කතා ටික ලියන්න පුලුවන් උනත් වීඩියෝ එක බලලම ඉන්නකෝ..

ඉතිං මේ පෙර සූදානම විතරයි ඉතිරි ටික එහෙමම තියෙනවා.. හදල අප්ලෝඩ් කරන්නම්.
2වෙනි කොටසින් ආයෙ හමුවෙමුකෝ

Fedora මත MySQL ස්ථාපනය

2011-03-27T08:58:00.002+05:30

වැඩි දෙයක් කරන්න ඕනි නෑ.. අන්තර්ජාලය හා සම්බන්ධ වෙලාවක
Terminal එකට root ලෙස ලොග් වෙලා
yum -y install mysql mysql-server
ඒ පියවර අවසන් වූ විට mysql භාවිතා කිරීමට පෙර mysqld ධෘවනය කල යුතු වෙනවා.
ඒ සඳහා නැවතත් Terminal එකතුල
service mysqld start ලෙස හෝ /sbin/service mysqld start ලෙස ලබා දෙන්න.
නිවැරදිව සිථාපනය වූයේ නම් කොළ පැහැයෙන් OK ලෙස ලැබෙනු ඇති.
දැන් mysql යන්න යතුරු ලියනය කර mysql console ලබාගත හැක.

පරිගණකය ආරම්භයත් සමග mysql server එක ධාවනය කරවීමට
chkconfig mysqld on ලෙස ටමිනලයට ලබාදෙන්න.

mysql root පරිශීලකට මුරපදයක් එක් කිරීමට අවශය නම්.
mysqladmin -u root password 'මුරපදය'

*හන්තාන ලිනක්ස් මෙහෙයුම් පද්ධතියත් සමග mysql පෙරනිමියෙන්ම ලබාදෙනවා. එබැවින් ඔබ භාවිතා කරන්නේ හන්තාන ලිනක්ස් නම් ස්ථාපන පියවරයන් සිදුකල යුතු වන්නේ නැහැ.

LED Sign Board එක සහ තෙවන වසරට පා තැබීම.

2011-02-14T02:30:00.003+05:30

ඕං තව වැඩක් හරි ගියා.. PIC16F84 දාල හදපු 30x8 LED Sign Board එක තිතට වැඩ කරනවා.. මේ තියෙන්නේ වැඩ කරද්දි ගනිපු පින්තූරයක්. පැහැදිලිව පෙනේද මංදා..

Flasher එක නිසා එළිය අඩුවෙන් තමා පේන්නේ. ඔක්කොම වැඩ ඉවර කලාම වීඩියෝ එකක්ම දාන්නං. ලීවේ Assembly වලින් තමා.. MicroLab IDE එකෙන් ලියල කම්පයිල් කරල Winpic එකෙන් Program කරගන්තා.
දැනට මූලික පියවර ගොඩ.. ඒ කියන්නේ සාර්ථකව වැඩ කරනවා.

ආ තව පොඩ්ඩෙන් අමතක වෙනවා.

දෙවන වසරට පා තැබීම ගැන ලීවෙ අද ඊයෙ වගේ උනත් ඒක ලියලාත් අවුරුද්දක් වෙනවා. එතකොට සිංහලෙන් බ්ලොගය ලියන්න අරන් අදට අවුරුදු දෙකක් වෙනවා.. මේ තියෙන්නේ දෙවන වසර ඇරඹුම ගැන ලියපු සටහන..

ඒ කාලේ එක්කල බලද්දී දැන් නම් ලිවීමේ වේගය සීඝ්‍ර ලෙස අඩුවීමක් පෙන්නුම් කරනවා.. ආයෙ ලියන්න ගන්න කාලෙ හරි නෙවෙයි ලියන්න ඕනා.. ඩ්‍රාෆ්ට් වල තියෙන ටික දැන් පරණ නිවුස් නිසා එවු‍ව එහෙමම තියෙන්න ඇරල අලුත් දේවල් ලියන්න තමයි හිතන් ඉන්නේ.

සැබෑවූ සිහිනයක්

2011-01-28T23:59:00.002+05:30

ඔන්න ඉතිං අපි දෙදහස් එකොළොස්වන වසරටත් පා තබලා. ‍දෙදහස් එකොලහ වසර ලබල මාසයක් අහවර වෙන්නත් කිට්ටුයි. ඒත් කමක් නැහැ. සියළු දෙනාටම ලැබුවා වූ දෙදහස් එකොලහ වසර සුභම සුභ වෙන්න කියලා පතනවා.
මේ අවුරුද්ද ආරම්භය නම් ගොඩාක් සුභ දායක විදියට සිදු උනා. මුලින්ම NVQ5&6 කියල ලියාපු විභාගෙන් පස්සේ NVQ6 සදහා පරීක්ෂණයකට පසුගිය මාසය තුලදී මුහුණ දුන්නා. ඉතිං මේ අවුරුද්දෙ ආරම්භයේම NVQ6 සහතිකය ලබාගන්න පුලුවන් උනා. සහතිකය ලබාගත්ත ගමන්ම ඉතිං කලින් ලිපියකින් සදහන් කල Interview එක සමත් වීමට අවශය මූලිකම සුදුසුකම සපුරාගන්න පුලුවන් උනා. ප්‍රතිචාරයකින් ඒක සිහිනයක් බව කෙනෙක් කීවත් මම අද දිනය වන විට University of Vocational Technology (UNIVOTEC) එහෙමත් නැතිනම් වෘත්තීය තාක්ෂණ විශ්වවිද්‍යාලයේ B.Tech (Multimedia and Web Design) Degree එකේ පළමු කණ්ඩායම සදහා සුදුසුකම් ලැබ ඇතුලත්ව සිටිනවා.

අමාරුම කියපු සිහිනයක් සැබෑවෙලා. අදින් Foundation Course එක අවසන්. හෙට සිට Degree එක පටන් ගන්නවා. ඉතිං තවත් එක Management Assignment එකක් හෙට දිනයේදී බාරදීමට ඇති නිසා අදට මේ ලිපිය මෙතකින් නැවැත්වීමට සිද්ධ වෙනවා.

Linux මත Automatic Login සක්‍රිය කිරීම

2010-12-15T20:07:00.004+05:30

බොහෝමයක් ලිනක්ස් Live CD වල තියෙන්නේ බූට් කල විට Desktop එක ලැබෙනතෙක් ස්වයංක්‍රීයව ක්‍රියාත්මක වීමයි. නමුත් ස්ථාපනයෙන් පසු බොහෝවිට Desktop එක ප්‍රවේශ වීමට ප්‍රථම Login Screen එකේදී පරිශීලක නාමය සහ මුරපදය විමසා සිටී..

මෙය මඟහැරයාමට පහත පියවර අනුගමනය කරන්න..

/etc/gdm/custom.conf ගොනුවට [daemon] වලට පසු

AutomaticLoginEnable=true
AutomaticLogin=tharaka

හෝ

TimedLoginEnable=true
TimedLogin=tharaka
TimedLoginDelay=0

එක් කරන්න. එවිට පරිගණකය පණගැන්වූ වට මුරපද නොවිමසාම Desktop එක ලැබෙනු ඇත.

අඳුරු අහසක රෑ කැටයම්...

2010-11-21T11:44:00.000+05:30

අඳුරු අහසක රෑ කැටයම්
සඳකි තනිකම් කළ සිත්තම්
ඔබට තවකෙක් පමණක් නම්
මියෙමි සඳවත අද මා නම්
නොනිමි කඳුළක පටලා හද
අඳුර කිම සැඟවී දුර තෙර
කිබඳ මහද ද ඔබ වූ සඳ
කිමද ඉකිබිඳ හද වැද අද

නොපිපි කොඳ කුසුමකි ඉකිබිඳ
මා පැතු සෙනේ
මඟ නොදැන ඔබ යන මඟ දැක
මිය යනු කෙසේ
දිවිතත් නැතත් මා හඬවා
ළතැවුල් රැයේ
මේ ජීවිතේ ඔබ නැතිනම්
හිම මෙනි දියේ

අඳුරු අහසක ....

මුකුලිතව සිත වත නෙත වැඩි
කඳුළයි නෙතේ
සිතක දුක දැක දැක ඔබ මෙන්
වෙන්වී ගියේ
දිවිතත් නැතත් මා හඬවා
ළතැවුල් රැයේ
මේ ජීවිතේ ඔබ නැතිනම්
හිම මෙනි දියේ

අඳුරු අහසක .....

ගායනය :- රකිත

සිංදුව ඕන අය මෙතනින් ගන්න.

විශේෂ ස්තූතිය උදාර මදුෂංක සොයුරාට.
පින්තූරය : http://f-atedaffinity.blogspot.com/2009_10_01_archive.html පිටුවෙනි.

Facebook කමෙන්ට් වලට Like එක ආපු හැටි

2010-11-20T23:57:00.004+05:30

මෙන්න මෙහෙමයි Mark Zuckerberg ට FB එකේ කොමෙන්ට් වලට ලයික් එක දාන්න අදහස පහල වෙලා තියෙන්නේ. මලින්ත ගේ කොමෙන්ටුව කොහොම හරි කියවගෙන. දැන් ඔන්න හැම කමෙන්ට් එකකටම ලයික් එක ගානේ ඇවිත්. බලමුකෝ ඒකෙත් හැටි නේද? Deeps ට තමා ඕක ආපහු මතක් උනේ කොමෙන්ට් වලට ලයික් එක දැකපුවම.

බලාගෙන ඔයාලගේ කමෙන්ටුත් එයාල කියවනව ඇති. :D

නුඹ මගේමද?

2010-11-14T19:54:00.003+05:30

එකට ලංව දෑගිලි පටලා,
එකම වලහලක් යටට වෙලා ඉන්න,
ආත්ම ගණනක් ම පෙරුම් පිරුවත්,
සංසාරෙම පතා ආපු මගේ ආදරේ නුඹට මදි උනා...
සඳක් වෙලා නුඹේ ලෝකයට එලිය කරන්න හිතුවත්
නුඹට මාව තවත් එක පුංචිම පුංචි තරුවක් විතරක් උනා,
නුඹේ ලෝකයම සුවඳ කරන්නට හිතුවත්
නුඹට මාව අඹ මල් රේණුවක් විතරක් උනා.
මම මෙච්චර නුඹට ආදරය කරද්දීත්,
නුඹට මගේ ආදරේ දැනුනෙ වත් නැති උනාට,
තව තවත් නුඹට ආදරේ කලේ
නුඹ මගේමයි කියල
හිතපු නිසා

ඡායාරූපය: Google ඇසුරින් සොයාගත්තකි

මේං මේ අය සාජ්ජේට සිංදු කියලා

2010-11-13T20:43:00.000+05:30

ඔන්ලයින් සාජ්ජේ ගැන කිහිපවාරයක් ලිවුවනෙව. ඒත් දන්නැති අය ඉන්නව නං මෙන්න ලිංකෙ ගිහින් බලාගන්ට. අරඹපු හැටි පවා ලියල තිබුණා.

ඉතිං පහුගිය ‍දවස් ටිකේ බැලුවම සාජ්ජෙට අලුතිං සහභාගී‍ වෙන පිරිස වැඩිවෙලා වගේ. සර්ච් පාරක් දාල බැලුවම අලුත් අය ගොඩක් සාජ්ජෙට සිංදු කියල තියෙන බව දැක්කා. මගේ රේඩාර් එකට මේං මේ අය අහුඋනා සිංදු කියල තියෙනව කියලා. බලන්නකෝ ඔයාගෙ නමත් තියේද කියලා.

maduonline
uvindubt
thisara8
KasunWeer
budhajeewa
CrazyAnsh
thameera
randeera
Nodaruva
yfmdjslash
AnjulaMalshan
lishwish
udithaumesh
CrazyNalin
lasanthabuddika
isuru71
anushkalakmal
gayantha
champike
wmharshana
NisansaDdS
Polzie
NaveenAsphalt
nisald
gopiharan
roshm
namila007

ඔච්චර තමයි මට කාලය හරහා අතීතයට යන්න පුලුවන් උනේ. ඉතිං කාලය හරහා එහෙම යද්දි තවත් දැකපු කරුණක් තමයි මේ සැරේ විවිධ භාෂා වලින්(හින්දි සිංහල දෙමල ඉංග්‍රිසි) ගීත ඉදිරිපත් කරල තිබුණා. ඒ වගේම නොදන්නා අයව සාජ්ජේ පිළිබඳව දැනුවත් කරලත් තිබුනා. ඒ අතරේ #sajje අන්තර්ජාතික මට්ටමට ගෙනියන්න ‍විදෙස් මිතුරන් දැනුවත් කිරීමක් කරමු යන ‍යෝජනාවත් බුදාජීව ඉදිරිපත් කලා. ඒ අනුව නැවතත් ඉංග්‍රිසි බසින් ලිපියක් ලියා පලකලා. මිතුරන් දැනුවත් කිරීමත් කලා. තවත් සාජ්ජේට සහභාගි වෙන්න කැමති අය ඉන්නවනම් ඉතිං සිංදුවක් දෙකක් කියල මේ පැත්තට එන්න පුලුවන්. ඒ වගේම ඔයා‍ලගේ ට්විටර් යාලුවන්වත් දැනුවත් කරන්න. තව ඔයාලගේ අදහස් එහෙම තියේ නම් අපිට කියන්න.

සඳ නැති ලෝකයක්

2010-11-13T11:25:00.002+05:30

මුළු ලෝකයම එළිය කරමින්
සඳ එළිය දසත විසිරෙන්න,
ලස්සනට පිරුණු සඳ පායල තියෙද්දී.
මොහොතකට ඇස් දෙක පියාගත්තෙ
ඒ ලස්සන හිතින් විඳගන්නයි.
ඒත් ඇස් ඇරල බලද්දි,
මගේ ලෝකයම එලිය කරමින්
ලස්සනට අහසෙ පායල තිබුණු සඳ,
පෙනෙන්නට තිබුනෙ නැහැ.
වලාකුළු පෙරළමින් සෙව්වත්
ඒ සඳේ ඡායාවක් වත් පෙනෙන්නවත් නැහැ.
කවුරුන් හෝ ඇසිපිය හෙලන සැනින්,
ඒ සඳ මගේ අහසෙන් හොරකම් කරල.
ආයෙමත් ලස්සනට පායල තියෙනව දකින්න
ආස උනත් ඒ අහසෙ ඉතිරි වෙලා තිබුනෙ
දුබල ලෙස ආලෝකය පතුරන්නට වෙහෙසෙන
පුංචිම පුංචි තාරකාවන් කිහිපයක් විතරයි.
ඒත් කොපමණ උත්සහ කලත් ඒ තරුවලට
ගණදුර දුරු කරන්න බැරි උනා.
ඇසිල්ලකින් මුළු ලෝකයම අඳුරෙන් වැහිල ගියා.

ඡායාරූපය: Google ඇසුරින් සොයාගත්තකි

රජරට සවාරිය සහ ආපසු ගමන

2010-11-09T18:30:00.001+05:30

කලින් පෝස්ට් එකෙන් රජරටට යාල්දේවියෙන් ගිහින් උඩමළුව ලඟට ගිහිපු හැටි ලිවුවා ඒක තවම බලපු නැති අය ඉන්නව නං මේං ලින්ක් එක ඒක ඉස්සෙල්ල බලල ඉන්න.

ඉතිං උඩමළුව ගාවට ගිහිපු අපි වෑන් එකට අර දාපු කලෙක්ෂන් එකෙන් ගාණ පියවල ශ්‍රී මහා බෝධීන් වහන්සේ වැඳ පුදා ගන්න ඒ දෙසට පිටත් උනා. මේ පහලින් තියෙන්නේ ඒ පාර තමයි.

ඔය පාර දිගේ ඉදිරියට යද්දි ශ්‍රී මහා බෝධින් වහන්සේගේ පූජා භූමියට ඇතුලු වෙන තැන ඉදි කරල තියෙනව මල් කඩ පෙළක්. අපි එතනට ළඟාවෙනවත් එක්කම

“මල් අරන් යන්න එන්න“
“අපෙනුත් මල් අරගන්න“
“මේ හරියට කවුරුවත් එන්නෙ නෑ මේ හරියනේ ගන්න“

ඒ කඩ පාරෙන් ටිකක් එහාට වෙන්න තිබුණු නිසා දෙන්නෙක් ගියා මල් අරන් එන්න. අනිත් අය ඇතුළු වීමේ දොරටුව ළඟ
පින්තූර ටිකක් ගත්තා.

ඉතිං පූජා භුමියට ඇතුල් වෙන්න පාර තිබුණට එතිනින් ඇතුළු වෙන්න දෙන්නෙ නැහැ. පරීක්ෂා කිරීමේ කුටියක් ඇතුලින් තමයි ඇතුළු වෙන්න තියෙන්නේ.

අපි ගියේ නැගෙනහිර දොරටුවෙන් ඇතුළු වෙන්න. ඒත් ප්‍රශ්නයක් පාවහන් නැගෙනහිර දොරටුවේ තියල ගියොත් ආයෙම මේ පැත්තෙන් එන්න වෙනවා. ඉතිං අපි තීරණය කලා උතුරු දොරටුවෙන් ඇතුළුවෙන්න. උතුරු දොරටුව ළඟ පාවහන් තියල ඇතුළු උනා. මල් පූජා කරල වැඳල එහෙම ඉවර වෙලා පින්තූර ගනිමින් මළුව වටේ ඇවිද්දා. ඇවිද්දෙ වට තුනක් විතර උනාට මටත් උතුර දකුණ මාරු උනා. තව පාරක් වටයක් ඇවිද්දම උතුරු දොරටුව තියෙන පැත්ත මතක් උනේ. හිතුවට වඩා වෙලා ගතවෙලා කියල දැනුන.

මේ ඉහලින් තියෙන එකට කියන්නේ ප්‍රාර්ථනා බෝධිය කියලලු. කට්ටිය අත ගාලම ඒකෙ කඳ මැදිලා.

මළුව ඇතුලෙදි මේං මේ සුදු පරෙවියා දකින්න හම්බුනා.

උතුරු දොරටුවෙන් එළියට ආවම ලෝවාමහාපාය. එතන ඉදන් කට්ටියම පින්තූර ගත්ත.

නැවතත් රුවන්වැලි මහ සෑය වෙත පාගමනින් ඇදුන. මේ පහළින් තියෙන්නෙ ලෝවාමහාපාය ලගට චෛත්‍යරාජයා පේන ආකාරය තමයි.

අහසෙ අඳුරු වළාකුළු නිසා රත්නමාලී චෛතය රාජයා අපූරුවට පේනවා. පාවහන් ගලවල රැදවුම් කුටියෙ තියල ඇතුළු උනා. පුදබිමට ඇතුළු වෙනවත් එක්කම සෑහෙන වෙනසක් දැනුනා. මේ තියෙන්නේ ඉර වැහි වළාකුළු අතර සැඟවුණු වෙලාවක මම ගත්තු පින්තූරයක්.

මල් පූජ කරල චෛත්‍ය රාජයා වටේ ඇවිදගෙන යද්දී පොළවට අල්ලලා තියෙන ගල් පතුරු වල කොටල තියෙන අකුරු කියවන්නත් අපේ කට්ටිය උත්සහ කලා. උතුරු පැත්තට වෙන්න තියෙන දුටුගැමුණු රජතුමාගේ කඩොල් ඇතාගේ දළයක් පෙනව කියල තියෙන තැන නැවතිල නැවතත් පින්තූර ටිකක් අරගත්තා.

ඒ අතර තමා දැක්කේ වාඩිවෙලා වැද වැඳ හිටපු ගෑණු කෙනෙක් ආවේශ වෙලා මොකක්ද විකාරයක් කරනවා.

රුවන්වැලි චෛත්‍යරාජයා ලඟින් නැවතත් අපේ ගමන පයින්ම ඇරඹුනා. මේ ලංකාරාමය.

මහමෙව්නාවේ නටඹුන් නරඹමින් සමාධි බුද්ධා ප්‍රතිමා වහන්සේ ඇතුළුව අමස්ථානයම පාගමනින් වැදල ඉවර වෙනකොට හවස 6.00ත් පහුවෙලා. ඒ උනාට ගොඩක් කළුවර වෙලා තිබුණා.

උදාරට ඇමතුමක් අරන් රාත්‍රී ආහාරයත් අරගෙනම එන බව පැවසීමටන් පසු වටවන්දනා මාර්ගය දිගේ අපේ අය පා ගමනින්ම ආපසු එන්න පිටත් උනා. එනවා එනවා ඉවරයක් නැති පාටක් තමා පේන්නේ. කූට්ටම් පොකුණ ලඟට එනවිටත් හොදටම කළුවර වැටිල. ගෙයක් දොරක් පේනතෙක් මානෙක නෑ පාර විතරයි. පැය බාගයක් විතර ඇවිද්දට පස්සෙ ඔන්න ගෙවල් කිහිපයක් ලඟට ආව. පාර හරිද කියල දන්නෙ නැති නිසා අපි ලඟ තිබුණු කඩේකට ගොඩවැදිල ටවුන් එකට මේ පාර දිගේ කොච්චර දුරද කියල විමසුවා. තව කිමී 2ක් විතර තියෙන බව තමයි දැනගන්න ලැබුනේ. රෑ බෝවී තිබුණු නිසා ජේතවනාරාමයට නොගිහින් එන්න හැදුවත් ළගම පාර තියෙන්නේ ජේතවනාරාමය මැදින්.

විදී ලාම්පු වල එලියෙන් පාර හොයාගෙන යන අතරේ වාහන යන පාරක් පේන්න ගත්ත. අපි පාරෙන් ඉවත්වෙලා අර වාහන යන මාර්ගය පැත්තට නටඹුන් අතරින් ගියා.

ළගටම ගියාම තමා දැක්කේ කම්බි දෙක පාර හරහා ඇදල තියෙනවා. ඒකෙනුත් පැනල පාරට ආව. මොන පැත්තට යන්නද කියල ෂුවර් එකක් නැ. අපි වමට හැරිල ඉදිරියට ආපු මෝටර් සයිකලයකින් පාර ඇහුවා.
"තව කි.මී 2ක් විතර තියෙනවා. ඔහොම ඉස්සරහට යන්න"
අන්තිමේ කොහොම හරි 7.45 විතර වෙද්දි ආයෙම උඩමළුව ලගට එන්න පුලුවන් උනා. එතන ඉදනුත් පාරට 1km තියෙන බව එතන හිටපු පොලිස් නිධාරියෙකුගෙන් දැනගන්න පුලුවන් උනා.

පාරට ඇවිත් කුරුණැගල බස් තියෙන තැන හොයාගන්න තව පැය බාගයක් විතර ඇවිද්දා.. ඊට පස්සෙ තමයි යන්න පුලුවන් තැනකට වෙලා හිටියේ කුරුණෑගල බස් එකක් එනකං. කුරුණෑගලින් ආපු යාලුවට පහුවෙනිදා තමයි රස්සාවෙ පලවෙනි දවස කොහොම හරි ගෙදර යන්න ඕන කිවුවා. ඉතිං මෑන්ස් ට කන්න බොන්න ගෙනත් දීල අපේ අය තුන්දෙනෙක් කාල එන්න ගියා. ඉතිරි අය බස් නැවතුමට වෙලා බස් එකක් එනකං හිටියා. ඒ අය කාල එනකනුත් බස් එකක් නැහැ. අපි කාල එනකොට යාලුව ගිහින් තිබුණා. ආයෙම අපි තලාව බස් එකක් එනකං අනුරාධපුරට වෙලා හිටියා..
පොලිස් නිළධාරීන් කිහිපදෙනෙක් ඉදිරියෙන් හිටපු නිසා අපි ගිහින් බස් ගැන විමසීමක් කලා.
"ඔයාල කොහේද?"
කට්ටිය හතරවටේ ගම් කියනවා. එපාර පැහැදිලි කරල කිවුවා. ක්ලාස් එකක යාලුවෝ කියලා..
"හරි පාරෙ අනිත් පැත්තෙන් ඉන්න. මං නවත්තල දෙන්නං"

අනිත්පැත්තෙ තියෙන්නේ පාලමක්. ඔන්න ඉතිං කස්ටියම පාලමේ ඇන්ද උඩ වාඩිවෙලා ඉන්නවා විහිලු තහලු කරකර.
ඒ අතර දවසේ සිදුවීම් ආවර්ජනයකුත් කලා. පයින් යෑම ගැන එහෙමත්.
ඒ අතර මෙච්චර වෙලා කට වැඩිය අරින්තැතිව හිටපු කල්ප එකපාරටම
"මේක තමයි නියම ෆන් එක"
පොරට පාළම් ඇන්ද උඩ ඉන්න එක තමා ෆන් එක වෙලා තියෙන්නේ.
බස් එක එනකංම මෑන් තමා අනිත් අයගේ බයිට් එක උනේ..

කොහොම හරි රෑ 12 වෙනකොටම වගේ අපි තලාවට ලඟා උනා.. වැවක නාන්න හිටියට ඒවැඩේ කල් දාන්න උනා. මේ රෑ මොන වැව්ද? පහුවෙනිදා උදේම වැවේ නාමු කියල. ඇග පත හෝදං නිදාගත්තා.
____________________________________________________________

ඉතිං පහුවදා උදේම නැගිටල දත කට මැදගෙන ඉවරවෙන කොට උදේ කෑමට තිබුනේ මේං මේවා..

අහල බලද්දි තමා දැනගත්තේ ඉඹුල් කිරිබත් කියලා. එදාම තමා කෑවේ. රසම රසයි. අනිත් අය නං කලිං කාල තිබුනා.
කාල ඉවර වෙලා ගියා වැවකට නාන්න. නාගනෙ ඉවර වෙලා ගියා සීගිරි.. සීගිරි කාශ්‍යපගේ ටීවී රූම් එකත් බලලම ආව.
එද්දි ගොඩාක් රෑ වෙලා ඒක නිසා ආයෙම පන්නිපිටියෙ නැවතිල පහුවදා කෝචිචියෙන්ම ආයෙ ගෙදර බලා ආව.

තවත් විස්තර ලියන්න තිබුණා මේක දැනටමත් දිග වැඩී කියල හිතුන නිසා අන්තිම දවසෙ එවුවා ෂෝට් කරල දැම්මා. D

-------------------------
පලි: ඉතිං කවුරු හරි යනවනං අනුරපුරේ කියන්ඩ තියෙන්නේ උඩමලුවට අන්තිමට එන්න තියාගෙන අනිත්පැත්තන් වන්දනාව පටන් ගන්න කියලා.. Train Time Table එක ඔන්ලයින් විතරක් පරීක්ෂා කරල තීරණ ගන්න එපා..
ගිය මාසෙ ඉදන්ම ලියල ලියල ඕං අද තමා මේක පබිලිස් කොරගන්න පුලුවන් උනේ.. අපිත් පලි කෑල්ලක් දැම්ම කියල කකා නඩු දාන එකක් නෑ මයෙ හිතේ නේද?

යාල්දේවියෙන් රජරට බලා ගිය හැටි

2010-10-21T20:37:00.011+05:30

BCS Diploma එකේ විභාගේ කරල ඉවරවෙලා අපි ට්‍රිප් එකක් යන්න ඕන කියල තීරණය කලා. හැබයි අදහස තිබුනේ Certificate එක ඉවර කරල යන්න. කොහොම කොහොම හරි ඒක ඇදිල ඇදිල ගිහින් හරියටම යන්න සෙට් උනේ ගිය 18 වෙනිදට. යාලුවෝ ටික එක එක පැති වල, ලසන්ත ඉන්නෙ පන්නිපිටියෙ ට්‍රෙෂාන් කැලණියෙ වෙනුර ඉන්නෙ වැලිගම කල්ප අලුත්ගම මදුෂාන් කුරුණෑගල ඉතිං සංවිධාන කටයුතු සේරම කලෙත් අන්තර්ජාලය හරහා. ඒකට ගූගල් මැප්ස් ගොඩාක් උදව් උනා :). ප්‍රධාන සංවිධායක පට්ටම ගත්තෙ ට්‍රෙෂාන් ඒත් පට්ටමේ වැඩ කලේ ලසන්ත.

අපි තුන්දෙනෙකුට වොරන්ට් ලියාගන්න පුලුවන් උනා. http://railway.gov.lk එකට අනුව උදේ 5.45ට කොටුවෙන් යන යාල්දේවී දුම්රිය 9.10 වෙද්දී අනුරාධපුරයට යනවා. ඒකෙන් යන්න තීරණය කරගත්තා. නවාතැන් ප්‍රශ්නෙට කරන්නෙ මොකක්ද කියල හිත හිතා ඉදිද්දී රජරට පුත්‍රයාව මතක් උනා. ඉතිං නවතින්න තැනක් සෙට් කරන එක රජරට පුත්‍රයට බාරදීල අනික් දේවල් ලෑස්ති කරා.

9.10 වෙද්දි අ‘පුරට දුම්රිය යන නිසා කෙලින්ම නවතින තැනට ගිහින් බෑග් තියල අටමස්ථානේ වන්දනා කරල වැවකින් එහෙම නාල කරල සීගිරියට බලා ගිහින් ගෙදර එන්න තමයි සංවිධානය කරගත්තේ.

අපිට ඉතිං 5.30ට කොළඹ යන්න පුලුවනෑ. ලසන්තලගෙ ගෙදරට ගිහින් එහෙන් කොළඹකොටුවට යන්න තීරණය උනා. ඒ අනුව මම,කල්ප,ට්‍රෙෂාන්,වෙනුරට ට්‍රිප් එක 17 වෙනිදට පටන් ගැනුනා.

17 වෙනිද හවස 3.00ට ගෙදරින් ගියාම හරියටම 7.00 වෙද්දි පන්නිපිටියට යාගන්න පුලුවන් උනා. ට්‍රෙෂාන් 8.00ට විතරත් අනිත් දෙන්න 9.00ට විතරත් ආව. මම ගියේ කටුබැද්ද කොට්ටාව හරහා. 5.30ට කොළඹ යන්න ඕන නිසා වෑන් එකක් කතා කරගත්තා. 18 වෙනිදා පාන්දරිංම නැගිටල ඕං 5.20 වෙද්දි කොළඹට ගියා. ගිහින් වොරන්ට් ටික ලියාගන්න මගේ වොරන්ට් කොලේ බලද්දී ඒක මිසිං. බැලින්නං කලින් දවසේ වෙනුරයා හිමීට ඒක හංගල. කොහොම හරි පරක්කු වෙන හින්දා ඒ වෙලාවෙම ඒක හම්බුනා නැත්තං තව ටිකක් හංගන් ඉදී. කල්ප 1st Class මමයි වෙනුරයි 2nd Class අනිත් අයත් 2nd class ටිකට් අරගත්ත. ගිහානුත් අපිට එකතු වෙන්න හිටියෙ කොටුවෙදි.

5.30 වෙලත් ගිහාන් තාමත් නෑ. අපි ටික කෝච්චියට නැග්ගා. කෝච්චිය ඇද්දුවා. අපි බහින්නයැ. ගිහාන්ට බස් එකේ වරෙන් කියල කෝල් එකක් දුන්න. පොර බස් එකේ එනව අපි කෝච්චියෙ යනවා. නගරාන්තර දුම්රියක් නිසා වැඩිය නැවතුම් නෑ. ගමන විතරයි. ප්‍රයිවට් බස් එකක වගේ සිංදුත් ඇහෙනවා හැබයි නෝමල් ඒවා. යාල්දේවියෙ කොච්චර ඉඩ තියෙනවද කියනව නම් අපේ බෑග් පවා තිබ්බෙ අනිත් පැත්තෙ ෂීට් උඩ.

ආ තව එකම පැත්තකට යන කෝච්චියකට ඉස්සර කරනව ජීවිතේ ප්‍රථම වතාවට දැකගත්ත. අවට සිරි නරඹමින් පින්තූර ගනිමින් යන අතර ඕං එකෙක් කාඩ් පැක් එකක් ඇදපි.

“ඹ්මියක් බලමුද බං“
“හතර දෙනාට නේ පුලුවන් අපි 5ක් ඉන්නවනේ“
“මට නං පිටිපස්ස බලාගෙන යන්න බෑ උඹල සෙල්ලම් කරපල්ල“
ට්‍රෙෂාන් ස්වේඡ්චාවෙන් ඉවත් උනා එහෙම කියල.

එපාර වෙනුර ඕමි බලන්න දන්නෑලු. ලසන්ත කුප්පි පාරක් දැම්මා. වැඩේ ගොඩ හැබයි. තියං කපල කොල දෙක දෙක දුන්න. අපි ඉතිං පලවෙනි පාර නිසා මිනිහට චාන්ස් දෙක තුනකුත් දුන්න.

ට්‍රෙෂානය පොඩි නින්දක් දාගෙන ඉදල අපි පින්තූර ගන්නැද්ද බං කියල අපට ඉස්සරහින් හිටපු ෂීට් එකේ අංකල් කෙනෙක් එක්කරගෙන ඇවිත් ඔක්කොමලගේ පින්තූරයක් ගන්න සෙට්කරගත්ත. පින්තූරෙ අරන් ඉවර උනාට පස්සේ අංකල්ගෙන් ඉංග්‍රිසි පට්ට ලෙසන් එකක් හම්බුනා ඔක්කෝටම. ආයෙම අපි සෙල්ලම් කරද්දි ට්‍රෙෂාන් අර අන්කල් එක්ක කඩු ෆයිට් එකක් පටන් අරන්. මොනව කතා කරාද කියල අපට නම් ඇහුනෙ නෑ. මොනව උනත් දෙපැත්තෙම සිංහල ඉංග්‍රිස් කවලමක් කියල නම් තේරුණා.

අපි වොරන්ට් නිසා අපට බුක් කරපු ෂීට් තමයි හම්බෙන්නේ. කල්පගේ ෂීට් එක 1st Class. මගෙයි වෙනුරගෙයි 2nd Class. ඒ උනාට අපි ගියේ 2nd Class බුක් නොකරපු ෂීට් වල. මෙන්න යාල්දේවියේ ඇතුල.

වෙනුරය ඒ අතර ට්‍රෙෂානයට බෝල බස්සනවා. 1st Class එක AC කරල තියෙන්නේ. ෂීට් තියෙන්නෙ ඇජෙස්ටබල් ඒවා කියල. ට්‍රොෂානයටත් නිකං ඉන්න බැරිකමට ගිහින් 1st Class ආසන මොන වගේද? 2nd Class වෙන් කල ආසන මොනවගේද කියලත් බලල ආව. අනුරාධපුරේටම යන නිසා මුලු කෝච්චිය පුරාම අපි ඇවිදල තිබුණ. :)

කුරුණෑගලදී මදුෂාන් අපිත් එක්ක එකතු උනා උදේ කෑමත් අරන්. හත් දෙනෙකුට කෑම ගෙනාවට අපි 6දෙනයි නෙව කෝච්චියෙන් ආවෙ. හත්දෙනෙකුගෙ කෑම අපි හයදෙනා ඉවර කරා. කුරුණෑගලට ඇවිත් රජරට පුත්‍රයට කෝල් කරන්න කියපු නිසා කෝල් එකක් අරන් කිවුවා අපි කුරුණෑගල බව. හැමෝගෙන්ම 1500 ගානේ කලෙක්ෂන් එකක් දැම්මා. ලසන්ත තමයි මුල්‍යමය කටයුතු පරිපාලනයට බාරගත්තෙ.

රජරට පුත්‍රය එයාලගේ ගෙදරම තමයි නවාතැන් ලේස්ති කරල තිබුනේ. දැන් අපි යන්න ඕන තලාවට. නගරාන්තරේ තලාවෙ නැවැත්තුවෙ නෑ. ඉතිං අ‘පුර තමයි නැවතුනේ. ඒ වෙද්දි වෙලාව හරියටම උදේ 11.30යි. කෝච්චිය අනුරාධපුරයට ලඟා උනේ CGR website එකේ තියෙන වෙලාවට වඩා පැය දෙකක් පහුවෙලා.

දැන් අපි ප්ලෑන් කරපුව සේරම අවුල් වෙලා. ආපහු තලාවට බස් එකකින් ආව. තලාව බස් නැවතුමේ ඉදලා ආයෙම රජරට පුත්‍රයා ඇමතුවා. ගෙදරට යන පාර අහගත්ත. ගෙදරට දාපු ගේට්ටුවෙන් ඇතුලට ගිහින් ආයෙම කෝල් එකක් ගත්ත. එතකොටම රජරට පුත්‍රයාගේ රූපය ගේට්ටුව අතරින් මතු උනා. අපි ඇතුලට වෙලා බලන් ඉන්නව එයාල එලියට වෙලා අපි එනකං බලන් ඉන්නව. :D. දෙගොල්ලන්ටම හිනා. අපි ආගිය තොරතුරු කතා කරන අතර ගිහාන්ව එක්කන් එන්න අපේ දෙන්නෙක් ආයෙම තලාව බස් නැවතුම බලා පිටත් උනා.

ඒ දෙන්නත් එක්කලම ගිහාන් අපිත් එක්ක එකතු උනා. රජරට පුත්‍රයගේ අම්ම අපට උදේ කෑමත් ලේස්ති කරල. උදේ කෑම දවල්ට ශීෆ්ට් කරා. දැන් වෙලාව දෙකට විතර ඇති. ගමන දවස් දෙකකින් ෂේප් කරගන්නත් ඕන. ආයෙම ඩිස්කෂන් එක දාගෙන ඉදිද්දී අවට වැව් තියෙන විත්තියත් හවස් වෙලා නාගන්න පුලුවන් කියන අදහස රජරට පුත්‍රයගෙන් ආව. අපේ කට්ටිය වැඳුම් පිඳුම් වලට වැඩිවෙලාවක් ගන්න එකක් නෑ කියල හිතල 5.30ට වත් ආපහු එන්න හිතාගෙන ආයෙමත් පූජානගරයට යන්න අනුරාධපුරය බලා පිටත් උනා. බෑග් සේරම ඒ ගෙදර තියල එකක කෑම බීම ටික දාගෙන මදුෂාන් එදාම ගෙදරයන්නත් බලාගෙන තමයි අපි අ‘පුරයට ආවෙ. එදා මදුෂාන්ට නෑම තහනම් කරල වතුරට බහින්න එපා කියල වෝනිං එකක් හම්බෙල තිබුණ.

අනුරාධපුරයට ආයෙම ලඟා උනා. එතනින් වෑන් එකක උඩ මළුවට යන්න එක්කෙනාගෙන් රුපියල් 10ක් විතරයිලු ගන්නේ. අපිත් එහෙම වෑන් එකක් හොයාගත්ත.
“උඩමලුවට එක්ක යන්න 100යි“
අනිත්පැත්තට දෙසීය ගාණක් කිවුව දැන් මතක නෑ.
“1500ක් දෙනව නම් සේරම එක්කන් යන්නම්“
වාහනේ ගනන් හිලවු කිවුව.

“මොකද කරන්නේ“
“උඩමලුවට යමු, 130යිනේ. එතනට ගිහින් හැමතැනටම පයින්ම යතෑකි“
“එහෙනං එහෙම කරමු“

අපි වෑන් එක කතා කරගන්න අතරෙ ට්‍රෙෂානයයි ගිහානයයි මෝටර් බයිසිකල් කඩේකට රිංගල බයික් ගැන විස්තර අහනවා. උන් දෙන්නත් ඇදගෙන වෑන්එකට නැගගත්ත. උඩමලුවට යනකං බයික් ගැනමයි දෙන්නගෙ කතාව. කොහොම හරි 3.00ට විතර උඩමළුවට ලඟා උනා.

මේ දවස් වල අටමස්ථානෙ කොහොමද? අටමස්ථානෙම වඳින්න පැය දෙකක් අපට ඇතිවෙයිද? මදුෂාන් එදා රෑ ගෙදර යයිද? අපට ආපහු තලාවට යන්න පුලුවන් වෙයිද? රෑට කන්නෙ කොහොමද? කියලා ඊළඟ පෝස්ට් එකෙන් දාන්නම්.

NVQ 5 & 6 විභාගේ ප්‍රතිඵල ඇවිත්...!

2010-10-11T22:52:00.008+05:30

කලින් ලියපු පෝස්ට් එකක තිබුණ ජොබ් එකෙන් අයින් වෙලා මේ විභාගෙ ලියපු හැටි ඉතිං ඔන්න ඒ විදියට ලියපු විභාගේ ප්‍රතිඵල ඇවිත්ලු. ඉතිං ප්‍රතිඵල බලන්න ගියා. කරපු 12ම ගොඩ. කලින් පෝස්ට් කමෙන්ට් වලින් සුභ පතපු ඔක්කොටම ස්තූතියි. මෙන්න මගේ සමස්ථ ප්‍රතිඵලය.

1.Database Systems M
2.System Analysis & Design and Software Testing M
3.Software Programming D
4.Software Programming (Practical) D
5.Graphic Design (Practical) D
6.Graphic Design C
7.Data Communication and Network M
8.Multimedia Applications (Practical) D
9.Web Design and Development M
10.Web Design and Development (Practical) D
11.Mathematics D
12.English M

දැන් තමයි අමාරුම තීරණය ගන්න වෙන්නේ. ඉදිරියෙදි මොන අංශයට යොමු වෙනවද කියන එක තීරණය කරන්න වෙනවා.
Web Development වලට ආසයි.
Software Development එකත් හොදයි.
Networking උනත් කරන්න පුලුවන්.

මොකක් තෝරගන්නද කියල හිතාගන්න බෑ. තේරීමක් නොකර ඔක්කොම ගැන කරන්න පුලුවන් උනානම් හොදා කියලත් හිතෙනව.

ප්‍රතිඵල එන අතරතුරේ BCS Diploma Exam එකත් ලියල දැම්මා. BCS Graduation Ceremony එකට ගියා. Certificate එක අරගත්තා. ජොබ් එකක් හොයාගන්න තමයි දැන් නම් ට්‍රයි එක.

Install Smarty on Fedora 13

2010-10-06T16:58:00.004+05:30

1.Download Smarty from www.Smarty.net

2.extract it to same location where downloaded place

3. now make a directory named as "Smarty" in /usr/local/lib/php location
mkdir /usr/local/lib/php/Smarty

4. copy all the content of lib folder where extracted downloaded file to /usr/local/lib/php/Smarty
locate extracted folder (Smarty-xx) & then give
cp libs/* /usr/local/lib/php/Smarty

5.Set SElinux to permissive mode.
System->Administration->SELinux Management

* Remember to set template_c & cache writable for others

Quick install guide>>

What is this #Sajje tag

2010-09-08T21:28:00.007+05:30

Sajje is a term to represent musical event which held using instruments in Srilanka. also called mat party. sajje is an very entertaining event. everyone sing songs together or alone.

#Sajje is an musical event which srilankan twitters wage on twitter such as sinhala blogger's blog marathon. some srilankan twitters start to tweet some parts of sinhala songs in their leisure time. as i still remember liswish callkalpa & binku tweet some songs & replied to that songs. and also re-tweeted them. but they didnt uses a single tag.

after that one day (28th October 2009) mahesharandara tweet a part of a song. & re-tweeted by binku. after that replied udaraumd & discussed further. then
acording to buddyj suggested to use #sajje for that discussions & songs. and also they hope do this topic as a trending topic on twitter. so most of srilankan twitters tweets that night using #sajje tag. most of them was songs.

after that some people started to put some funny ads on that. some are pass hints to others. some people replied from another songs. some are re-tweeted them. that day this event was very popular & they held it till passing midnight also.

after that every Saturday held this. but now they tweet whole week using #sajje tag. but still most of them tweet Saturday night.

Follow this link to recent singers list : D http://tweetchat.com/room/sajje

#sajje group on facebook http://www.facebook.com/group.php?gid=115076628532678&v=wall

sinhala post http://kpgtharaka.blogspot.com/2009/11/blog-post_29.html

3-Iron

2010-08-18T11:54:00.002+05:30

මේ ටිකක් අමුතු කෙටි චිත්‍රපටයක්. ප්‍රේක්ෂකයාට සියලු දේ නොපෙන්වා සිතීමට යමක් ඉතිරි කරමින් කතාව ගලාගෙන යනවා. පෙන්නන දේ බලාගෙන ඉන්නවාට ව‍ඩා යමක් මේ චිත්‍රපටයේ දැකිය හැකියි. වැඩි විස්තර කියන්න තේරෙන්නෙ නෑ. මාත් තව පාරක් බලන්න ඕන. පෙන්නන දේට එහා දේවල් ගැන සිතමින් බලන්න කැමති අය ඉන්නව නම් බලන්න.

මෙන්න Trailer එක

UNIVOTEC Interview දවස හෙටයි.

2010-08-16T18:48:00.001+05:30

ජුලි 27 University of Vocational Technology එකේ Aptitude Test එක ලිවීමෙන් පස්සේ ඔන්න Interview එකට හෙට එන්න කියල 10 වෙනිදා ලියුමක් ඇවිත්. අරන් එන්න කියල තියෙන්නේ
NIC එකයි Diploma සහ වෙනත් සහතික වල Original සහතිකයි. Industrial/ Work experience පෙන්නන්න පුලුවන් සහාය ලිපි තමයි.

ගාල්ල තාක්ෂණ විද්‍යාලයෙන් ඒ විභාගයට මුහුණ දීපු 11 දෙනා අතරින් තිදෙනෙක්ට හැර අනෙක් අයට interview සඳහා කැඳවීම් ලිපි ලැබී තිබුණා. මම හදාරන්න හිතාගෙන ඉන්නේ Bachelor of Technologyin ICT (Multimedia & Web Technology. Web Technology ගැන අත්දැකීම් තිබුණත් Multimedia ගැන නම් තියෙන්නේ සති 2ක පමණ අත්දැකීමක් විතරයි.

ඉතිං මේ දිනවල කරපු වැඩේ තමයි කරපු වැඩ ඔප්පු කරල පෙන්නන්න පුලුවන් ලිපි එක්රැස් කිරීම සහ සහතික ලබාගැනීම. අද දිනයත් ගත උනේ ගාල්ල තාක්ෂණ විද්‍යාලයෙන් National Diploma in Information & Communication NVQ මට්ටම් 5 සහ 6 සදහා විභාගයට මුහුණ දුන් බවට සහතිකය ලබාගැනීම සහ එහි වෙබ් අඩවිය සකස් කල බවට සහතිකයක් ලබාගැනීමයි. උදේ වරුව තුල ඒ කටයුතු කරගැනීමට හැකියාව ලැබුණා. ඊළගට ayurvedakurlaub.de අඩවිය තැනීම සම්බන්ධව සහතිකයක් ලබාගැනීමට හැකියාවක් තිබේදැයි සොයා බැලීමට Lawrence Hill Paradise ‍Hotel වෙත ගියා. එහිදී සිතුවාටත් වඩා හොද recommendation එකක් ලබාගත හැකි උනා.

ඊට අමතරව ඉතිං ජනවාරි 1 වෙනිදා සිට වැඩකරපු ස්ථානයේ සේවා සහතිකයත් සතුව තිබෙන බැවින් Interview එක සඳහා ඒ ඇති වේ යැයි සිතමි. ඉතිං හෙට තමයි ඒ තීරණාත්මක දවස. හෙට සිද්ධ වෙන දේවල් අනුව ඒක තීරණය වෙයි. හැබයි නොතේරුණත් හිතට දුකක් නෑ. ඒත් දැනට බලාපොරොත්තුවක් විතරක් හිතේ තියෙනවා.

ඒ අතරතුර තවත් Offer එකක් ආව. ඒක ගැන පස්සෙ ලියන්න ඕන.

ජාලය මගින් පරිගණක පණගැන්වීම (WOL)

2010-08-13T23:28:00.000+05:30

පරිගණක ජාලයක් තුලදී මධ්‍යගත පාලනයක් තිබෙන බව ජාලකරණය හදාරන අය නම් දන්නා කරුණක්. මධ්‍යගත පාලනයක් කිවුවම එක පරිගණකයක ඉදගෙන සියළු පරිගණක පාලනය කල හැකියාව පවතින්න ඕන. පරිගණක ජාලවල පාලකවරු (Administrators) දුරස්ථ පරිගණකවල තිරය තම පරිගණකයට ගෙන(Remote Desktop) මෙහෙයවනු සමහරවිට ඔබ දැක ඇති. කලින් ලිපියකදී මා ලිනක්ස් මෙහෙයුම් පද්ධතිය මගින් වින්ඩෝස් මෙහෙයුම් පද්ධතිය පාලනය කරන ආකාරය ලියා තැබුවා. නමුත් මේ හැම දේම කරන්න පරිගණකය පණගන්වා තිබිය යුතු වෙනවා. පරිගණක දුරස්ථව පණගැන්විමට හැකිනම් සියලු පාලනය ඔබ අතට ගත හැකියි. ඔව් එය කල හැකියි. ඇත්තට සුළු පියවර කිහිපයක් අනුගමනය කිරීමෙන් ඔබට ඔබගේ ජාලයේ ඇති පරිගණක එක් ස්ථානයක සිට පණගැන්වීමට පුලුවන්*. මෙම ක්‍රියාවලිය හදුන්වන්නේ Wake on Lan (WOL) යනුවෙනි.

*කොන්දේසි සහිතයි.

පළමුවෙන්ම මේ සඳහා ඔබේ දුරස්ථ පරිගණක වල ජාලක අතුරුමුහුණත් (Network Interface Card) ඒ සදහා සහය දැක්විය යුතුය. BIOS වෙත පිවිස එය සක්‍රිය කරගන්න. එහි නැති නම් මවුපුවරු අත්පොතෙහි පෙරනි‍මියෙන්ම එය සක්‍රියදැයි බලන්න.

දැන් දුරස්ථ පරිගණකයේ NIC හි MAC ලිපිනය සොයාගන්න.
ipconfig /all යන්න command prompt එකෙහි ලබාදීමෙන් පහත පරිදි තොරතුරු ලබාගත හැක.Ethernet adapter Local Area Connection: Connection-specific DNS Suffix . : Description . . . . . . . . . . . : Intel(R) PRO/100 VE Network Connecti on Physical Address. . . . . . . . . : 00-19-D1-EC-DC-21 Dhcp Enabled. . . . . . . . . . . : No IP Address. . . . . . . . . . . . : 192.168.2.5 Subnet Mask . . . . . . . . . . . : 255.255.255.0 Default Gateway . . . . . . . . . : 192.168.2.1 DNS Servers . . . . . . . . . . . : 192.168.2.1 8.8.8.8
මෙහි Physical Address ඉදිරියෙන් ඇති ලිපිනය සටහන් කරගන්න.

Local Area Connection හි Configure කවුලුවේ Advance යටතේ ඇති Wake on Link->Enableසහ Wake on Settings->Wake on Magic Packet යන්න ඇත්දැයි බලන්න.

දුරස්ථ පරිගණක පණගැන්වීම කරන පරිගණකය වෙත ‍පැමිණ WOL ගොනුව බාගත කරගන්න. එය විහිදූ පසු bin බහලුම තුල ඇති ගොණු දෙක System32 බහලුමට පිටපත් කරගන්න.

දැන් Command prompt එක විවෘත කර එහි පහත සදහන් පරිදි දැනට වසා ඇති පණගැන්වීමට අවශ්‍ය ඔබේ දුරස්ථ පරිගණකය පණගැන්වීමට පහත විධානය ලබා දෙන්න.
wol 00:19:D1:EC:DC:21
මෙහි 00:19:D1:EC:DC:21 යනු ඔබගේ දුරස්ථ පරිගණකයේ MAC ලිපිනය වේ. පෙරදී - සමග සටහන් කරගත් ලිපිනයෙහි - ඉවත් කර ඒ වෙනුවට : යොදා wol සමහ විධාන කරන්න. Enter යතුර එබූ සැනින් දුරස්ථ පරිගණකය ‍වෙත wol මගින් මැජික් පැකට්ටුව යවා එය පණ ගැන්වන ආකාරය දැකිය හැකිය.

දැන් දුරස්ථ පරිගණකය පණ ගැන්වී අවසන්. ඉතිං දැන් ජාලයේ ඕන තැනක ඉදන් ඕන රෙද්දක් කරන්න බැරියැ.

සැ/යු: මවිසින් මෙය මේ අවස්ථාවේම Windows XP මත සිට Windows 7 පරිගණකයක් පණගන්වා ප්‍රායෝගිකව අත්හදා බලා 100%ක් සාර්ථක වූ පසුව ලියා තැබූවක් බව සලකන්න.

අපූරු මාසයක්

2010-08-07T23:54:00.001+05:30

ඇත්තටම මේ මාසෙ නම් මට හරිම අපුරු මාසයක් කියල කියන්න පුලුවන්. මට රස්සාවෙන් අස්වෙන්න උනු සිද්දිය කලින් පෝස්ට් එකේ ලිවුවනේ. ඉතිං ආයෙම ගන්ධබ්බ කාලයක් ආව කියමුකෝ. රස්සාවක් නැතිව ගෙදරට වෙලා ඉන්න උනු. ඔන්න හදිසියෙම වැඩ කිහිපයක් සෙට් වෙනවා නොහිතපු විදියට.
1. 65000 ක විතර Network එකක් ගහන්න
2. අවුරුද්දක් තිස්සේ www.ayurvedakurlaub.de website එක maintain කරන්න වියදම ලබාගන්න.
3. ඒ website එකේම ඉතිරි කොටස් සම්පූර්ණ කරන්න.

4. BCS certificate level විභාගේ ප්‍රතිඵල ගෙදරටම ඒම. Ceremony එකටත් ඕං එන්න කියල තියේ.
5. BCS Diploma Level Examination එකට මුදල් ගෙවීම.

නෙට්වර්ක් එකනම් ටිප්ටොප් එකට දවසක් ඇතුලත අයියයි මමයි කොහොම හරි සම්පූර්ණ කලා. 12000 කේබල් box එකක්ම ඉවර උනා. වෙබ් සයිට් එක නං ඉතිං තනියෙං කරන එකනේ.
කොහොම හරි මේ මාසෙ තමයි මගේ වාර්තාගත වැඩිම ආදායමක් ලබපු මාසෙ උනේ. ඒ වගේම ඒකම වැඩිම වියදම් කරපු මාසෙ උනා. ඒ හම්බුකොරපු සේරම Examination එකට බඳින්න උනු නිසා. ඒ වගේ හැම මාසෙම වැඩක් සෙට් වෙනවනං. මාසෙකට එකක් තිබුණ නම් ඇති. Exam හැමදාම එන්නෑනේ.

තව computer ටිකක් පෝලිමේ තියෙනවා repair ආපු. ඒ ටිකවත් හදලදාල laptop එක හදාගන්න බලන්න ඕන.

ආ තව Software Freedom Day එකත් ළඟ එනවා. ගියපාර කරපු දේ ගැන මෙන්න මේකෙ ටිකක් ලිවුවා. මේපාරත් බලමුකෝ අපේ අය කොහොම SFD එක සමරයිද කියලා.

Windows සඳහා Bluetooth Drivers

2010-07-13T22:15:00.000+05:30

Linux වලදී Bluetooth Dongle එකක් සම්බන්ධ කල සැනින් එය හඳුනා ගන්නා බැවින් එසැනින්ම ගොනු හුවමාරුව සිදු කිරීමට සූදානම් වුවත් Windows වලදී එය හඳුන්වා දිය යුතු වෙනවා.
BlueSoleil මෘදුකාංගය ස්ථාපනය කිරීමෙන් Drivers ලබාගත්තද එහිදී මෘදුකාංගයද ස්ථාපනය වේ. නමුත් Drivers පමණක් ස්ථාපනය කිරීම මගින් PC Suite සඳහා සහය දැක්වීම මෙන්ම එවන් තුන්වන පාර්ශව මෘදුකාංග ස්ථාපනය කිරීමෙන් තොරව Windows මගින්ම පරිගණකය වෙත ගොනු ගෙන්වා ගැනීම හෝ පහසුවෙන්ම ගොනු වෙනත් උපකරණයක් වෙත යැවීම සිදුකල හැකියි.

Windows XP SP3 සඳහා නම් පැන නගින කවුලුවෙන් අන්තර්ජාලයෙන් ස්වයංක්‍රීයව සොයාගන්නා ලෙස සලකුණු කල විට එය ස්වයංක්‍රීයව ස්ථාපනය වේ.
නමුත් Windows XP SP2 සඳහා එලෙස අන්තර්ජාලයෙන් සොයාගැනීමට අසමර්ථවෙයි. එයට පොඩි පිලියමක් යොදාගත හැක.
මුලින්ම Dongle එක පරිගණකයට සම්බන්ධ කර BlueToothInstaller.com අඩවියෙන් BluetoothDriverInstaller.exe ගොනුව ලබාගෙන එය ධාවනය කරන්න. Dongle එක නිවැරදිව හදුනා ගැනීමෙන් පසුව එයට අදාල Drivers ස්ථාපනය වනු ඇති.

දැන් Task Bar එකේ සහ Control Panel තුල BlueTooth අයිකනය දක්නට ලැබෙනු ඇත.

පරිගණකයේ ඇති ගොනුවක් වෙනත් උපකරණයකට යැවීමට ලිනක්ස් තුලදී මෙන්ම ගොනුව මත right click කර send to මගින් Bluetooth Device තෝරා අදාල උපකරණය සොයා දීමෙන් එම උපකරණයට ගොනු යැවිය හැකි වනු ඇත.

ගොනු පරිගණකය තුලට ලබා ගැනීමටද ලිනක්ස් වලදී මෙන්ම task bar අයිකනය click කර Receive File යන්න තෝරා පරිගණකයට ගොනුව එවන්න.

*උපකරණය Browse කරන්න නම් PC Suite/MobiMb වැනි මෘදුකාංගයක් අවශය වේ.

කොච්චර සිම්පල් ප්ලෑන් එකක්ද?

බ්ලොග් විරාමය අවසන්. ඒ විරාමය අතර තුරදී...

2010-07-13T21:35:00.002+05:30

මැයි 28 වෙනිදායින් පස්සේ සටහනක් එක් කරන්න බැරි උනා. තව මාසයක් ගියොත් වෙන්නේ මෙන්න මේ පහල එක වගේ මගේ එකත් සිංහල බ්ලොග් කරුවන්ගේ සංගමෙන් අයින් වෙන එකයි. (මේ අයින් වෙලා තියෙන්නේ කාගේ බ්ලොග් එකද කියල දන්නෝ දනිති :D )

ඒකට කලින් ඔන්න සටහනක් තිබ්බා. පෝස්ට් එකක් තියන්න බැරි උනු හේතු ගොඩාක් තිබුණා. ප්‍රධානම ටික කෙටියෙන් කියනවනම්.
1. Multimedia Workshop එකට සහභාගී වීම.
2. UNIVOTEC එකේ Aptitude test එකට මුහුණ දීම.
සහ ලොකූම හේතුව
3. Laptop යන්තරය අක්‍රිය වීම.
3. ගාල්ල තාක්ෂණික විද්‍යාලයේ පූර්ණ කාලීන දෑ අවුරුදු National Diploma in Information & Communication NVQ මට්ටම් 5 සහ 6 පාඨමාලාවේ අවසන් විභාගයට මුහුණ දීම.
4. විභාගයට මුහුණ දීමට රැකියාවෙන් ඉවත් වීම

කාරණා සිද්ධ උණු පිලිවෙල තමයි ඔය. මෙහෙමයි කතන්දරේ සිද්දඋනේ.

ජුලි 1 වෙනිදා පැවැත්වූ NVQ මට්ටම් 5 සහ 6 විශාගයට පෙර ජුනි 14 සිට ජුනි 24 වෙනි දින දක්වා Multimedia මොඩියුලය සම්පූර්ණ කිරීමට අවශ්‍ය දැනුම ලබා ගැනීමට UNIVOTEC හි Audio/Video Lab එක තුලදී වැඩමුළුවක් පැවැත්වෙන බව කලින් දැනුම් දුන් බැවින් නිවාඩු ලබාගැනීමට රැකියාව කරන ස්ථානයට පෙර දැනුම් දුන්නා.
වැඩමුලුවේ සති 2ක කාලයට අධ්‍යාපන නිවාඩු ලබාගත හැකි වූ නිසා 14 වෙනි දින සිට UNIVOTEC තුලවූ ශිෂ්‍ය නේවාසිකාගාරයේ නැවතී එම වැඩමුලුවට සහභාගී උනා. 14 වෙනි දින වන විට තනි නොතනියට ළගින්ම සිටි Laptop යන්තරය අක්‍රිය වීම මහත් පාඩුවක් උනා.(තවම හදාගත්තෙ නෑ) කෙසේ හෝ 14 වෙනි දින උදෑසන 8.30 වන විට විශ්ව විද්‍යාලය ඉදිරිපිට සිටීමට මට හැකි උනා. ඉතින් ඒ සති 2 තුලදී සම්පූර්ණයෙන්ම Multimedia ගැන පුළුල් අවබෝධයක් ලබාගත හැකි උනා. එහිදී ඉගෙන ගත් සියලු කටයුතු මුල සිට අග දක්වාම සාරාංශයක් ලෙස ගත් විට,

1.Introduction to Multimedia Industry
2. Multimedia Basics
3. Instructional Desing
4. Audio Video File Formats
5. Shot definitions
6. Camera Movement Techniques
7. Basic Lightning Techniques
8. Scripting and Story Boards
9. Cost Estimation and preparation of project proposal for Multimedia products
10. Editing Techniques
11. Audio Editing Techniques
12. Introduction to Linear Editing
13. Single Camera Production
14 Introduction to Non-Linear Editing
15 Equipment Safety
16 Production and post-production activities
17. Develop the multimedia production

Facebook ඇල්බම් එකේ පින්තූර ටිකක් විතරක් දාල ඇති. බලන්න කැමති කෙනෙක් ඉන්නවනම් ඔය අකුරු නිල්පාටින් තියෙන තැනට කොටල බලන්නකෝ. කොහොම නමුත් ඒ සති දෙකක කාලය අපේ කට්ටියට නම් ජීවිතේටම අමතක නොවෙන එකක් වෙයි.

24 වෙනි දින සවස ‍නිවෙස් බලා ආවත් නැවතත් 27‍වෙනි ඉරුදින විශ්වවිද්‍යාලය කරා අපේ පාඨමාලාව හැදෑරූ සියළු ළමුන් පැමිණ සිටියේ Aptitude test එකට මුහුණ දීමටයි. එහිදී බුද්ධිය ගණිතය සහ ඉංග්‍රිසි දැනුම පරීක්ෂා කෙරුණා.

මුලින් සති 2 කාලය අවසර ලැබුණ නමුත් විභාගය එදින සිට දින 8ක් දක්වා පැවැත්වෙන බැවින් නැවත රැකියා ස්ථානයට දැනුම් දුන්නා. වැඩමුලුවට සහභාගී වී නැවත රැකියා ස්ථානයට ගොස් අස්වීමේ ලිපිය අත්සන් කර නැවත විභාගයට මුහුණ දීමට අවසානයේ සිදුවුනා.

ජුලි 1 වෙනිදා සිට NVQ මට්ටම් 5&6 National Diploma in Information & Communication සඳහා වූ විභාගය පවත්වනු ලැබුවේ කාර්මික අධ්‍යාපන හා පුහුණු කිරීමේ දෙපාර්තමේන්තුව හෙවත් DTET(Department of Technical Education and Training) මගිනි. එහිදී අපට ප්‍රශ්න පත්‍ර 12කට දිනකට 2ක් බැගින් පිලිතුරු සැපයීමට සිදුඋනා.
1.Database Systems
2.System Analysis & Design and Software Testing
3.Software Programming
4.Software Programming (Practical)
5.Graphic Design (Practical)
6.Graphic Design
7.Data Communication and Network
8.Multimedia Applications (Practical)
9.Web Design and Development
10.Web Design and Development (Practical)
11.Mathematics
12.English

විභාගය අතරතුර එනම් ජුලි 3 වෙනි සෙනසුරාදා Future Minds 2010 බැලීමට ගියා. එහිදී 2S කුටියේ තිබූ පුළුල් තිර 3DTV අත්දෑකීමත් සුවිශේෂයි. එහි තාක්ෂණය දැන සිටියත් ඒ වනතුරු අත්විද නොතිබූ බැවින් එය විශේෂයක් උනා. තිරයක් තුලින් ගැඹුර දැකිම වචනයෙන් නම් විස්තර කල නොහැකියි.

කෙසේ හෝ විභාගයට මුහුණ දී අවසන් දැන් විභාග ප්‍රතිඵල එනතුරු NVQ 5 & 6 සඳහා අවශ්‍ය Evidence රැස් කරමින් සිටිමි.

මෙවර මගේ පරිගණක වෙසක් සැරසිල්ල

2010-05-28T23:48:00.003+05:30

මට ගිය පාර වෙසක් එකට දාන්න බල්බ් වැල ගත්තම ඒකෙ පරිපථයට සිද්ද වෙච්ච දේ කට්ටියට මතක ඇතිනේ. මතක නැති අය නොදන්න අය ඉන්නවනම් මෙතනින් බලාගන්න‍. ඉතිං මේපාර ඒ පරිපථය හොයාගත්තත් වැඩ කරන තත්වයක තිබුනෙ නෑ. ආයිම සංගෘහිත පරිපථ 2ක් අලුතින් සවි කරල. ට්‍රාන්සිස්ටර 6ක්ම දාල ගත්තම වැඩ කරන තත්වෙට ගන්න පුලුවන් උනත් බල්බ වැලට ඇමිණිමෙන් පසු AC විදුලිය ලබාදුන් විට දිගටම දැල්වී තිබෙන්නට වූ නිසා නැවතත් ගියවර කල ආකාරයටම යොමු වීමට සිදු උනා. නමුත් මෙවර කලේ පෙර අවස්ථාවේ භාවිතා කල රිලේ වෙනුවට ට්‍රැයැක් භාවිතා කිරීමයි. (සද්ද නැතිව වැඩ ගැනීමට).

ගියවර ලියාගත්තු පරිගණක වැඩසටහනම මෙවරත් භාවිතා කිරීමට හැකි වුනා. එබැවින් වැඩ ටිකක් ලේසි වූ නිසා එක් වෙසක් කූඩුවක් වර්ණ දෙක බැගින් ආලෝකමත් කරන්නත් හැකියාව ලැබුණා.

ඒ ඉතිං පිටින් එන අයට පෙනෙන ඉදිරිපස පෙනුමනේ.. තිරය පිටුපස පිටින් එන අයට පේන්නෙ නැහැ නෙව. මේ තියෙන්නේ පරිගණකයෙන් එන සංඥා වලින් 230v බල්බ හසුරුවන පරිපථය.

ගියවර භාවිතා කරපු එකමයි. හැබයි රිලේ නැති නිසා සද්ද නැතිව වැඩ. මං 6කින් යුතු 5w බල්බ 38ක් හසුරුවන්නේ පුංචි ට්‍රැයැක් උපකරණ 6කින් තමයි.

සරලව ක්‍රියාකාරීත්වය කිවුවොත් පරිගණකයේ සමාන්තරගත තොටුපලින් එන සංඥා ට්‍රාන්සිස්ටර් මගින් වර්ධනය කර LED දර්ශක(DC) වෙත හා ඉන් අනතුරුව තවත් දර්ශක පෙලකින් පසුව ට්‍රයැක් උපකරණය වෙත ලබා දෙනවා. ට්‍රැයැක් උපරණ වෙත අමුණා ඇති බල්බ වැල පරිගණකයේ සිට එන සංඥා වලට අදාලව පාලනය වෙනවා. ඊට අමතරව එතන පසු ආරක්ෂණ ක්‍රියාමාරිගයකුත් තියෙනවා. (නැත්තං මව්පුවරුවට සොරි තමා)

එකම වෙසක් කූඩුව වර්ණ දෙකකින් දැල්වීමට යොදාගත් උපක්‍රමය තමයි මේ. බල්බ දෙකක් යොදා වෙන වෙනම දැල්විමට සැලැස්වීම තමයි කලේ.

ඔය ඔක්කොම එකතු කරල දවසම මහන්සි වෙලා කරපු දේ අවසන් ප්‍රතිඵලය තමයි මේ තියෙන්නේ.

To be a Programmer - පරිගණක ක්‍රමලේඛකයෙක් වෙන්න නම්...

2010-05-28T17:53:00.000+05:30

පරිගණක ක්‍රමලේඛකයෙක් වෙන්න ඕන නම් මොකක්ද කරන්න ඕන කියල හිතනවද? දැන් ඕන තරම් පන්ති පවත්වන තැන් තියෙනව. ඒත් මූලික අඩිතාලම හරියට නොවැටුනොත් ක්‍රමලේඛනය එපාම වෙන්නත් හේතුවක් වෙයි. නිවැරදිව මූලික දේවල් ඉගෙන ගැනීම එයට ආසාවෙන් ගොඩාක් දුරගමනකට මුල පිරීමක් වෙනවා. මේ උත්සහය මූලික දේවල් පිළිබද සරලව ලියා තබන්නයි.

මුලින්ම බලමු මොකක්ද මේ ක්‍රමලේඛනයක් (දන්න සිංහලෙන් කියනව නම් Program එකක්) කියන්නේ මොකක්ද කියලා.

ඕනම දේකට පිලිවෙලක් තියෙනවා. පරිගණකය කියන්නේ හිතල වැඩ කරන්න පුලුවන් දෙයක් නෙවෙයි. අපි දෙන උපදෙස් අනුව ක්‍රියාත්මක වෙන දෙයක්. ඉතිං අපට මොනව හරි පරිගණකයෙන් කරගන්න ඕන නම් ඒකට නිවැරදිව උපදෙස් දෙන්න ඕන. මේ උපදෙස් දෙන්නෙ විධාන පිලිවෙලින් ගලපල ලියල. එහෙම ලියල තියෙන ඒවට තමයි ක්‍රමලේඛන කියන්නේ.

එහෙම බැලුවම ක්‍රමලේඛනයක් කියන්නේ යම් කිසි කාර්යයක් ක්‍රියාත්මක විය යුතු උපදෙස් අනුපිළිවෙල කියල කියන්න පුලුවන්.

මෙන්න විකිපීඩියාවේ computer program ලිපියේ මුල්ම පෙල.

A computer program (also a software program, or just a program) is a sequence of instructions written to perform a specified task for a computer

ඉතිං මේ උපදෙස් වලින් කරන්නේ විධාන කරන එකනේ. සාමාන්‍යයෙන් එදිනෙදා ජීවිතයෙත් අපි විධාන දෙන්න මේවා ලියනවනේ. මොකක් හරි කරන්න ඕන පිලිවෙලක් ලිවුවනම් ඒක program එකක් විදියට සලකන්න පුලුවන්

ඉතිං ක්‍රමලේඛනයට කැමති අය මූල්ම ක්‍රමලේඛනය විදියට ලියන්න පුලුවන් කෙනෙක් ලියන්නකෝ සාර්ථක‍ව කිරි තේ එකක් හදන පිලිවෙල.. හොදට කල්පනා කරල ලියන්න..

බලමු කාටද සීනි අඩු වැඩි නොවී රසට කිරි තේ එක බොන්න පුලුවන් වෙන්න ලියන්න පුලුවන් කාටද කියල..

____________
ප.ලි.
කිරි තේ හදන්න කිවුවට ජාව ගැන නම් නෙවෙයි ලියන්න හදන්නේ..

GMail Chat එකේදී අකුරු ඇල කිරීම සහ තද පැහැ කිරීම

2010-05-27T22:35:00.000+05:30

GMail එකෙන් chat කරද්දී වචන විශේෂ කරල දක්වන්න උනොත් මොකද කරන්නේ. Bold කරන්න හරි Itaic තිබුණනම් හොදයි කියල හිතෙනව ඇති.

මෙන්න මෙහෙමයි කරන්නේ. italic කරන්න ඕන වචනෙට හෝ වාක්‍යයට කලින් _ එක දීල වචනය හෝ වාක්‍යය අවසන් උනාම නැවත _ එක දෙන්න.

Bold කරන්න ඕන නම් පටන් ගන්න * ‍කින්. අවසන් කරන්නත් * ක් පාවිච්චි කරන්න

එච්චරයි..

ටැබූ නිසා සටහන් පිටුවේ නව තාක්ෂණික ලිපි නොලිවීම

2010-05-21T22:40:00.000+05:30

මගෙන් තාක්ෂණික ලිපි ලිවීම මගඇරිල ගිහින් කියල හිතෙනවද? එහෙම හිතෙනව නම් උත්තරය ඔව් කියලා කියන්නත් පුලුවන්. පසුගිය පෙබරවාරි මාසයේ උනු සිද්දියෙන් මවිසින් ආසාවෙන් ලියාගෙන ආපු තාක්ෂණික ලිපි ලිවීම මග ඇරී ඇති බැවි දැකිය හැකියි. ලිපි ලැයිස්තුව පෙන්නුම් කරන කරුණක් වන්නේ පෙබරවාරි වලින් පසු එවැනි ලිපියක් හරියකට ලියා නැති බවයි. ඇත්තටම කිවුවොත් ඒ පිළිබඳව තිබු ආසාව නැති උනා කියන්න පුලුවන්. ඒක නිසා තමයි වෙන අනං මනං ලියවෙන්නේ.

මේකෙ ලියවුණු තාක්ෂණික ලිපි ගොඩාක් දුරට මගේ අත්දැකීම් වලින් ලබා ගත් දැනුම එකතු කරල ලියපු ඒවා. ඒ ලිපි ලියල තිබ්බේ ‍කමෙන්ට් බලාගෙන නෙවෙයි. මටම වතු දිනයක ඒවා ඕන වෙන්න පුලුවන් නිසා.

ඒත් පසුගිය පෙබරවාරි මාසයේ දේශපාලන බ්ලොග් ලිපි වෙනම පිටුවකට ගෙනයාම නිසා ඇතිවූ තත්වය ගැන සමූහය තුල උණුසුම් සංවාද පවා ගිය අතර ඇතැමුන් ඒ සම්බන්ධයෙන් ලිපි පවා තමන්ගේ බ්ලොග් වල පල කර තිබුණා.

‍නමුත් මා එවැනි දෑ සම්බන්ධයෙන් ප්‍රතිචාර නොදක්වා සිටියෙමි. ඒ මා දේශපාලනික බ්ලොග් කරුවකු නොවූ බැවින් විය හැක. නමුදු පසෙක සිටි මවිසින් ලියූ ලිපියක්ම හුවාදැක්වමින් අදහස් ගෙන හැර පෑම එම කලකිරීමට හේතුව වන්නට ඇත.

මෙන්න එම taboosubject වෙතින් -ගෝරා- බ්ලොගයේ හි වැටුණු කමෙන්ටුව.

එම කමෙන්ටුවම Udeshika Dayarathna හෙවත් Local Taboo සිංහල බ්ලොග් කරුවන්ගේ සමූහයට එවා තිබුණි.

මේ දෙකම සලකා බැලූවිට එක්කෝ මෙම taboosubjects, Udeshika Dayarathna හා local taboo යන පුද්ගලයින් තිදෙනාම එකකු විය හැකි යයිද මට සිතේ.

එයින් කියවෙන පරිදි මාගේ එම ලිපියට පාඨකයින් පොරකකා රැස්වෙන බව කියා ඇත්තේ තාක්ෂණික ලිපි උපහාස‍යට ලක්කිරීමට විය යුතුය. මන්ද එහි ති‍බෙනුයේ එකම එක පාඨක ප්‍රතිචාරයක් පමණකි. අනික මවිසින් එයට බැඳි පිලිතුරය.

මෙහිදී මා කමෙන්ටු බලාගෙන ලිපි ලියන්නකු නම් ‍මුලින්ම ෆෙඩෝරා වැනි මාතෘකාවක් ගැන නොලියා සිටිය යුතුය. මන්ද ලංකාව යනු බහුතරය ලිනක්ස් පරිශීලකයින් නොවන නිසාත් ලාංකීය ලිනක්ස් පරිශිලකයින් සියල්ල භාවිතා කරනුයේ Fedora මෙහෙයුම් පද්ධතිය නොවන බැවිනුත්ය.

කෙසේ හෝ එම සිද්ධියෙන් පසු මෙම බ්ලොගයේ තාක්ෂණික ලිපි ලිවීම මග ඇරුණි. නමුදු මගේ අත්හදා බැලීම් නැවතී නැත. ඒවා තවදුරටත් සිදු වෙමින් පවතින අතර වෙනම ලේඛණගත කරගෙන යාම කරන්නට පටන් ගතිමි.
නමුදු ඒවා මෙහි පලකිරීමට මාහට සිත් නොදෙන බව කිව යුතුය. ඉදින් මගෙන් තාක්ෂණික ලිපි බලාපොරොත්තු වූවෙකු සිටීයේ නම් "ඔබගේ බලාපොරොත්තු කඩ වීම පිළිබඳව සමාව ඉල්ලා සිටිමි"

මේ ඇගේ ගාන සබන් ජාතියක්ද නැත්තම්..

2010-05-21T18:57:00.006+05:30

සබන් කිවුවම එ‍ක එක ජාතියෙ සබන් තියෙනව නෙව. ඇගේ ගාන එව්වා, මූණෙ ගාන එව්වා, තව රෙදි හෝදන එව්වා. etc... ඉතිං ඕව වර්ග කරල තියෙන්නේ ඒ ඒ කාර්ය්‍යන් කරන්න විශේෂයෙන් හදපු ඒව නිසානේ. ඊට අමතරව දීප් නඟාගේ අර ලක්ස් එම්බෙඩෙඩ් ඉන් ටු කොහොඹ සබන් නිෂ්පාදයකුත් තිබුණනේ. මතක නැත්තං ඕං ලිංක් එක දැම්ම ගිහින් බලාගන්න‍කෝ. මේ කතාව ඊට වෙනස් වෙච්චි සබන් කෑල්ලක් ගැනයි.

අද අලුත් සබන් ජාතියක් ගෙදරට ගෙනල්ලා. ගෙදර කට්ටියට මේ මොන සබන්ද කියල බේරගන්න බැරිව තර්ක කරනවා ඇහුණා. ඕන් ඊළගට මගෙනුත් ඇවිත් අහනවා මේක ඇඟේ ගාන එකක්ද කියලා. ඉතිං බැලුව හොදට හරවල මෙන්න එක පැත්තක්
ඒකෙ තියෙනවා ඹෟෂධීය ඇඟ ගල්වන සබන් කියලා. ඊළඟට අනිත් පැත්ත පෙරලුවම ‍පේන විදිය තමයි මේ තියෙන්නේ

ඒ පැත්තෙන් බලපුවම මේක Toilet Soap. දැන් මේකෙ මොන පැත්තද හරි. නැත්තම් මේ දෙපැත්තෙම ගහල තියෙන ඒව සමානද? මට නම් කිසිම අදහසක් නැහැ මේක මොන වර්ගයට අයිති සබන් කැටයක්ද කියලා. පාවිච්චි කරපු කවුරුහරි ඉන්නවනම් කියන්නකෝ මොනව කරන්නද මේ සබන් ජාතිය හොද කියලා..

facebook තහනම් වෙයි

2010-05-19T19:23:00.005+05:30

පාකිස්තානු අධිකරණයක් මගින් ජනප්‍රිය සමාජ ජාල වෙබ් අඩවියක් වන facebook අඩවිය තහනම් කිරීමට නියෝග නිකුත් කර ඇත.
වැඩි විස්තර සඳහා http://goo.gl/bucF වෙත පිවිසෙන්න.

Nokia OVI එකේ ලියාපදිංචි වීම

2010-05-09T23:52:00.002+05:30

මේ දවස්වල YFM එකේ නිතරම කියන දෙයක් තමයි මෙන්න මේක
All nokia users, log on to http://www.ovi.com and create your ovi account asap. Send in your contact details and phone model to avurudu@ovi.com, from your ovi mail (type "Y fm" in the subject line) and stand a chance to win a trip to paris and also mobile phones......

ඉතිං මාත් ගියා ඔය ovi.com එක මොකක්ද කියල බලන්න. මුල් පිටුවෙ තියෙනව විශේෂාංග ටිකත් එක්කල Register කියල බොත්තමක්. ඉතිං එබුවම Nokia Account එකක් හදන්න පිටුවක් විවෘත වෙනවා හැබයි ඔක්කොම සිංහලෙන් (යුනිකේත). හැබයි හරවපු කෙනාට වැරදිලද දන්නෑ ශ්‍රී ලංකාව තියෙන්නේ ශ්රී ලංකාව කියලා බොරුනම් එතනට ගිහිල්ලම බලාගන්නකෝ. ඉතිං විද්‍යුත් ලිපිනය සහ දුරකථන අංකය දෙකම දීල ගිණුමක් හදාගත්ත කියමු.

Nokia ගිණුම වෙත සාදරයෙන් පිළිගනිමු කියන මාතෘකාවෙන් ආවෙ නැතැයි මේල් එකක් මෙහෙම කියල

සාදරයෙන් පිළිගනිමු kpgtharaka,

ඔබ දැන් සිටිනුයේ Nokia ගිණුමෙන් ක්ලික් කිරීම් කිහිපයක් බැහැරිනි.

ඔබ විසින් කළ යුතුව ඇත්තේ අප සතුව ඔබගේ නිවැරදි ඊමේල් ලිපිනය ඇති බවට තහවුරු කිරීම පමණි. එසේ කිරීමට කරුණාකර පහත දැක්වෙන ලින්ක් එක මත ක්ලික් කරන්න නැතහොත් එය ඔබගේ බ්රව්සරයේ ලිපින වින්ඩෝව එක මතට කොපි ඇන්ඩ් පේස්ට් කරන්න:
https://account.nokia.com/acct/verifyEmail?id=xxxxxx&lang=si

ඔබ වැඩි දුරටත් Nokia සේවාවන් ගැන දැන ගැනීමට කැමති නම් කරුණාකර http://www.ovi.com වෙත යන්න. නොඑසේ නම්, ඔබ ඔබගේ Nokia ගිණුමේ විස්තර යාවත්කාල කිරීමට කැමති නම්, කරුණාකර https://account.nokia.com වෙත යන්න.

සම්බන්ධ වීම පිළිබඳව ස්තූතියි Nokia සේවා භාවිතා කිරීම ආස්වාදනය කරනු ඇතැයි අපි බලාපොරොත්තු වෙමු.

සුභ පැතුම්,
Nokia ගිණුම් කණ්ඩායම

ආ තව ආව කෙටි පණිවිඩයක් සිංහලෙන්ම.


ඔබ Nokia ගිණුමෙන් බැහැරව සිටිනුයේ ක්ලික් කිරීම් කිහිපයකිනි, කරුණාකර මෙම ලින්ක් එක විවෘත කරන්න: https://account.nokia.com/acct/v?id=xxxxxx&lang=si

වෙලාවට මං කලිං සිංහල ෆොන්ට් එකක්(ඉස්කෝලපොත) දාගෙන තිබ්බා පේන විදිය අවුල් ගියාට කොහොම හරි කියවගන්න පුලුවන්.

ඒකෙ තිබ්බ සබැඳිය ඔස්සේ ගිහිල්ල තහවුරු කරගත්තම ආපු පිටුව මේ.

ඉතිං අර කියල තිබුණ විදියට OVI මේල් එකෙන් අවුරුදු එකට මේල් එකක් යැව්වා. බලමු මොකද වෙන්නෙ කියලා

මෙන්න පහුගිය දවස් වල ‍Online සාජ්ජෙට සිංදු කියපු අය

2010-05-06T23:45:00.004+05:30

කට්ටියට සාජ්ජේ කියල එකක් මතකද දන්නෙත් නෑ.මතක නැත්තං පටන් ගත්තු හැටි බලන්නකෝ. ඉතිං කට්ටියගෙ කාර්යබහුල වීම නිසා වෙන්න ඇති සෙනසුරාද දවස්වල තියපු සාජ්ජෙට වෙලාවක් හොයාගන්න බැරි උනේ. ඒ දවස්වල පැල් ‍බැදගෙන සාජ්ජෙට සිංදු කියපු හැටි මතක ඇතිනේ. නොදන්න අයට දැනගන්නත් එක්කල මේ සටහන ලියන්න හිතු‍නා. මේ පහුගිය සතිය තුල වැඩියෙංම සිංදු කියපු අය

anushkalakmal
budhajeewa
CrazyAnsh
danishkanavin
gayantha
malinthe
maduonline
naveenmadhawa
Nishacharaya
thameera
tharinduRM
udaraumd
virajsrc
zrimax

කරන්නෙ කොහොමද කියල වැඩිය කියන්න‍ දෙයක් නෑ සිංදු අතරතුර Hint පාස් කරන්න පිළිතුරු ගී ලියන්න කට්ටිය මේ වැඩේ කරනවා මේං මේකට ගිහිං බැලුවනම් තේරෙයි. වැඩි දෙයක් කරන්න ඕන නෑ. twitter ගිනුමක් හදාගන්න. යාලුවො කරන දේවල් දැනගන්න ගමන් මතක්වෙන සිංදුවක් දෙකක් කියන්න. පටංගත්තු දවස්වල තිබ්බ හැටි තමයි නියම. කට්ටිය මොකද කියන්නේ ආයෙම වැඩේ පටා..න් ගන්නවද?

ජංජාල ගත වෙන්න ගිහින් වෙච්චි දේවල් II

2010-05-05T17:00:00.000+05:30

රාත්‍රි 9.00 ට විතර මතක් උනා තව පෙර ගෙවුම් එකක් තිබුණ කියලා. දාල බැලුවා ඒකත් ඩිස්කනෙක්ට්. ඩිස්කනෙක්ට් වෙච්ච එකක් අරගත්තු නිසා සේ මෙචච්චර කට්ටක් කෑවේ. වැඩ කරන එකක් හොයාගත්ත නම් හරි කියලා හිතුනා.

ගෙදර පෙර ගෙවුම් එකක් පාවිච්චි කරන්නේ නංගි විතරයි. ඉතිං පහුවෙනිදා රීලෝඩ් එකක් දාල දෙන පොරොන්දුව පිට ඒක ඉල්ල ගත්තා. අයිය නැති නිසා E220ත් නෑ. සිම් දෙක මාරු කරා. හැබයි ෆෝන් දෙකම මම ලඟ ;)
කනෙක්ට් වෙන්න පුලුවන්ද බැලුවා. ගින්දර වගේ වැඩ. එවෙලෙම දැම්මා Daily Delight (25) පැය 2ක් විතර පාවිච්චි කරා. කරපු වැඩ ටික අනුව ඒක ඉවර ඇති කියල හිතුණා. ඉතිං ඔන්ලයින් වැඩ ටික නවත්තල එදා ඕෆ්ලයින් වැඩ කරන්න ගත්ත.

පහුවෙනිදා උදේම වැ‍ඩට යන ගමන් ගත්ත ඇමතුමක් මොබිටෙල් පාරිභොගික සේවා අංශයට. අපරාදේ කියන්න බෑ විනාඩියක් යන්නත් කලින් කෙනෙක් කතා කරා.(කතා කරන නම්බර් එක අනුවත් සෑහෙන වෙනසක්). මම දාපු පැමිණිල්ලෙ අංකය දීල විමසීමක් කරා. පොඩ්ඩක් ඉන්න කියල ඕං දැම්ම අර ඇඩ් පෝලිම. ටිකකිං කට් උනා. මං යමින් ගමන් නිසා සිග්නල් වල තත්වය මදි වෙලාද දන්නෙත් නැහැ. ටිකක් වෙලා ඉදල ආයිම ගත්ත. කලින් වගේම විනාඩියක් යන්නත් කලින් නියෝජිතවරියක් සම්බන්ධ උනා. ඉතිං නැවත මුල සිට විමසීමක් කරන්න උනා. අන්තිමේදි පැමිණිල්ල අරගනිපු නියෝජිතයව දැනුවත් කරන්නම් මේ සම්බන්ධයෙන් හොයල බලන්න එයා කෝල් එකක් දෙයි කියල කිවුවා.

වෙන මුකුත් දැනගන්න තියෙද කියල ඉතිං එයාල අන්තිමට අහනවනේ. ඒ වෙලාවෙදි මට අහන්න හිතුන මොබිටෙල් පැකේජ පිලිබඳ විස්තර. මොකද මං පාවිච්චි කලේ 2003 මොබිටෙල් හදුන්වාදීමෙදී ගත්තු Cool 100 එකක්. ඒක නම් මාසෙට රු100 යි. ඒ දවස් වල නම් පිටතට ගන්නා ඇමතුමකට රු 11ක් විතර අය කරනවා. පස්සේ සහන දීල දීල දැන් වීඩියෝ ඇමතුම් විනාඩි 100ක් නොමිලේ ලැබෙනවා. බලද්දී පස්සෙ දීපු Cool Plus 100 එකම තමයි.
අවම දත්ත පැකේජය ගැන විම‍සීමේදී දැනගන්න ලැබුනේ මාසික ගාස්තුව රු 300 ක් වෙන Active F එක තමයි. ඒකෙ නම් විනාඩි 300ක විඩියෝ ඇමතුම් සහ 300Mb දත්ත ප්‍රමාණයක් නොමිලේ භාවිතා කරන්න අවස්ථාව ලැබෙනවා.
ඊළගට තියෙන්නේ SRIL කියන පැකේජය. ඒකෙ මාසික ගාස්තුව රු 500යි සාමාන්‍ය ඇමතුම් විනාඩි 500ක්, වීඩියෝ ඇමතුම් විනාඩි 500 ක කාලයක් සහ 500Mb දත්ත ප්‍රමාණයක් නොමිලයේ භාවිත කරන්න අවස්ථාව ලැබෙනවා.
(නොමිලයේ කිවුවට ඉතිං අපි මාසෙකට ගාණක් ගෙවලනේ) ඒත් සාමා්‍යයෙන් මාසෙට වියදම් වෙන ගාණ අනුව බැලුවම ඔයින් පැකේජයක් ගන්න එක ලාබයි පෙරගෙවුම් එකක් භාවිතා කරනවට වඩා.
වැඩි විස්තර ඕන නම් මොබිටෙල් වෙබ් අඩවියේ මෙන්න මෙතනින් ගන්න පුලුවන්

මාසෙට 1000 ට 2000කට ව‍ඩා වැඩියෙන් වියදං වෙන කවුරු හරි ඉන්නවනං මෙන්න මේවා හොදයි

ඔන්න ඉතිං කතාව වෙන පැත්තකට යනවා. ආපහු මාතෘකාවට එමු. ඉතිං අර පැමිණිල්ල දාපු නියෝජිතයා අමතන කං බලන් ඉන්න වෙනවා. ඕං ඔ‍ෆීසි‍යට ඇවිත් වැඩ කරන කොට ‍ආව මොබිටෙල් එකෙන් ඇමතුමක්. කතා කලේ අර නියෝජිතයා. ඇත්තම කියනවනම් පැමිණිල්ල ලියාගෙන තියෙන්නේ නියෝජිත වරියක්. එයා කලිං ගෙදරට කතා කලාලු. ෆෝන් එක රිං වෙනවා ආන්සර් කලේ නෑ. කිවුවා. ඉතිං පැහැදිලි කරල කිවුවා ගෙදර තියෙන SLT දුරකථනය තමයි රැහැන් කපාදාල තියෙන්නේ. ඒක වැඩ කලා නම් මට වීක්ලි ඩිලයිට් එක දාන්න ඕනත් නෑ ඒකෙන්ම ADSL අරන් තියෙන නිසා කියල. කොහොම හරි ඉතිං ආපහු මං අර දාගත්තු Weekly Delight එක අයින් කරගන්න කං ‍මුදල් ලබා දෙන්න විදියක් නෑ. ඒක අයින් කරගත්ත ගමන් මුදල් ආපසු ලැබෙයි කිවුවා. මට ඒත් සැකයක් ආව රු 75යි නේ Weekly Delight ‍දාන්න යනව කියන්නේ. සම්පූර්ණ අය කිරීම රු 98.98ක්. ඒ ගැන විමසීමේදී කිවුවේ ඒ සම්පූර්ණ මුදලම ලබා දෙන බව තමයි. ඉතිං ඒක ආපහු ලැබුණට පස්සේ ජංගම දුරකථනයේ සැකසුම් පරීක්ෂා කරල නැවත Weekly Delight දාගන්නත් කිවුවා. ආපහු දාන්නේ මොකටද මේ වෙච්ච දේ හොදටම ඇතිනේ. අර වැඩ කරන සිම් එකටම ගිණුමෙ ශේෂය මාරු කරගත්තනම් හරිනේද කියල හිතල ඒ මුදලට නැවත නොදා ඇමතුම් ගන්න භාවිතා කරන්න බැරිද කියල ඇහුවා. ඒකට කැමති දෙයක් කරන්න පුලුවන් කියල එපාර කිවුවා.
ඒ ඇමතුමෙන් පස්සේ ඔන්න #170# මගින් දාගනිපු Weekly Delight එක අක්‍රිය කලා. ඒත් මුදල් නම් ආපහු ලැබුනෙ නෑ. හවස 2ට විතර ගියා මාතර මොබිටෙල් ශාඛාවට තියෙන පැකේජය පාඩුයි වගේ නිසා ඒක ‍මාර කරගන්න තමයි ගියේ. ඒකත් මාරු කරල ඉවරවෙලා අර කරපු පැමිණිල්ලෙ නවතම තත්වය මොකක්ද කියල විමසීමක් කරා. ‍එයාල මූලස්ථානයත් එක්කල කතා කරල බලල අද හවස 5 ට කලින් නැවත මුදල් ලබා දෙන බව දැනුම් දුන්නා.

ඉතිං කොහොම හරි හවස 6 ට විතර බැලුවත් අර මුදල ආපහු ඇවිත් තිබුනෙ නෑ. Daily Delight දාපු සිම් එකට #170# ගහල බලද්දි තවත් පැය කිහිපයක් සහ මෙගාබයිට කිහිපයක් ඉතිරිව තිබුණා. එදා දවසත් ඒ සිම් එකම භාවිතා කරන්න පුලුවන් උනා. මෙන්න ඒ වෙලාවෙ වේගය

කොහොම හරි පහුවෙනිදා උදෑසන වෙනකොට නැවත රු 98.98ක් වෙච්ච මුලු මුදලම මගේ ගිණුමට ආපහු ඇවිත් තිබුණා. ඕං ඔහොමයි ජංජාල ගත වෙන්න ගිහිල්ල වෙච්චි ජංජාලෙන් බේ‍රුනේ. දැන් නම් ADSL එක යථා තත්වයට පත් කරල ආයෙම හොරු කපයිද දන්නෙත් නෑ. :)

ජංජාල ගත වෙන්න ගිහින් වෙච්චි දේවල් I

2010-04-25T11:47:00.001+05:30

පහුගිය මාසේ 24 වෙනිදා විතර අපේ ගෙවල් පැත්තට එන ටැලිෆෝන් වයර් සෙට් එකේ 4' කේබල් එක කපල දාල කියල කලින් පෝස්ට් වලත් ලිවුවනේ. ඉතිං ටැලිෆෝන් නැති කල කවර ADSL ද? මේ ලියන්නේ ඊට පසු ජාලගත වෙන්නන දරපු මහන්සිය තමයි. දවස් දෙකකින් විතර SLT එකේ ඉන්ජිනේරුවෝ ඇවිත් නැවත යථා තත්වයට පත් කරා. ඒ වෙනකොට කේබල් කපපු අය පොලිසිය විසින් අත් අඩංගුවට අරන්ලු. (බඩුත් එකකම හොරු). ඇප දුන්නෙත් නෑ කියල තමයි කිවුවේ.

ඒත් හදපු දවසටම පහු වෙනිදා ආයිම අර කපපු තැනට පොඩ්ඩක් එහායින් ආයිම කපල. කපල තියෙන තැනට පොලිස් මුරපොලේ ඉදන් 200m විතර ඇති. ඒ වගේම ප්‍රදේශයේ තවත් පොලිස් මුරපොලවල් අවටිනුත් කේබල් කපාගෙන ගිහින්. නිකං බිල ගෙවන්න මොකටද SLT ආයතයෙන් විමසීමක් කරා. පලවෙනි පාර කිවුවා කොහොමත් බිල් එක ගෙවන්න වෙනවා කියල. ඉතිං අන්තිමට තීරණය කරා ADSL විසන්ධි කරන්න. විසන්ධි කරන්න ගියාම කියනවා බිල් එක අඩු කරන්නම් ලු. දැන්ම හදන්නැත්ද කියල ඇහුවම පොලීසියෙ කිසිම මෙව්ව එකක් නැති නිසා හදන්නැද්ද මොකක්ද කියල තිබුණ. ඉතිං අපි තීරණය කරා මේක නිවුස් එකක් කරන්න. කරල මාධ්‍ය වලට දුන්න. තවම හදල නෑ.

ඒත් ඕව හදනකං නෙට් නොයා ඉන්නයැ. අයියගේ Airtel Unlimited Sim එකයි E220යි තමයි අවුරුද්ද දවස් ටිකේ පාවිච්චි කලේ. Airtel 3G මේ පැත්තට නෑ. ඉතිං EDGE තමයි. මාර ස්ලෝ. මේල් එක වත් හරියට ලෝඩ් වෙන්නෑ.ඉතිං Unlimited උනා කියල කන්නයැ.හැම ජාතියම දාල බලුවා හොදට සිග්නල් තියෙන්නේ මොකේද කියලා. Etisalat එකෙත් EDGE විතරයි. Dialog පෙර ගෙවුම් සල්ලි ඉක්මණට ඉවරයි. අන්තිමේ හොද උනේ පාවිච්චි කරන මොබිටෙල් ම තමයි.

පහුගිය 18 වෙනිදා පරණ මොබිටෙල් සිම් එකේ දුවිලි පිහදාල අරන් ෆැක්ස් එකක් යවල සක්‍රිය කරගත්ත. 100ක් රීලෝඩ් කරා. ගත්ත 141 එකට කෝල් එකක්. 6 ගහල Weekly Delight (75)ඇක්ටිව් කරා. 75යි කිවුවට හරි ගාන රු 98.98. දැන් ඔන්න E220කට සිම් එක දාල නෙට් යන්න බැලුවම කනෙක්ට් වෙන්නෑ. එතකොට උදේ 7ට විතර ඇති. සැකසුම් දෝශයක්ද කියල සැකයක් ආපු නිසා පසු ගෙවුම් සබඳතාව දාල බැලුවා. හොදට වැඩ කරනවා. සිම් එකේ මොකක් හරි අවුලක් කියල තේරුණා. ගත්ත පාරිභෝගිකයන්ට කෙලවීමේ අංශයට 2පාරකට වඩා කතා කලොත් දැන් කීයක්ද කැපෙනව කියලත් කියනවා ඇහුනා. කොහොම හරි නියෝජිතයෙක් කතා කරා විනාඩි 20කට විතර පස්සේ.
ඉතිං ගැටලුව කිවුවා.

සිම් එකට weekly delight දැම්මා. බ්ලා... බ්ලා....බ්ලා..

මෙහෙන් අවුලක් නැහැ. සිම් එකට ඇක්ටිව් වෙලා තියෙන්නේ. සර්ගෙ මොබයිල් එක මොකක්ද ඇහුවා. ඉතිං මොබයිල් එකේ වර්ගය කිවුවා. දැන් සෙටිංග්ස් එවන්නම් කිවුවා. .

මං කිවුවා සෙටිංස් වල අවුල් නෑ. අනිත් සිම් එකෙන් කනෙක්ට් වෙනවා. ඒ උනාට එහෙම හරියන්නෑ කියල සැකසුම් ටික එවුවා. ඕෆ් කරල තියල ඔන් කරන්න එතකොට හරියයි කියල කිවුවේ. මං කිවුවා ෆෝන් එකේ නෙවෙයි මොඩම් එකටත් වැඩ කරන්නැහැ කියලා. පොඩ්ඩක් ඉන්න කිවුවා. විනාඩි 2ක් විතර ඉන්න ඇති කට් උනා. ඉතිං !@#$%^&*()

මාත් ඉතිං කරලම බැලුව. සිම් එකට Packet Data සක්‍රිය නැ වගේ තමයි ෆෝන් එකේ පෙන්නෙන්නේ. Always online දැම්මම අර 3G යටින් වැටෙන කැඩි ඊතල පෙන්නන්නෑ. ඒ කියන්නේ Packet Data Not Available කියන එකනේ.

ආපහු ගත්තා අර ඉස්සෙල්ල ගනිපු සේවාවටම තවත් විනාඩි 20ක් විතර හිටියා ඔන්න නියෝජිතවරියක් ආව. ඒ පාර ඇහුවා කෙලින්ම weekly delight දැම්ම නෙට් යන්න බෑ මොකද කියලා. පාවිච්චි කරන්නේ මොකක්ද ඇහුවම කෙලින්ම E220ක් කිවුවා. ආයිම කියපි එහෙන් අවුලක් නෑ සෙටිංග්ස් හදාගන්න කියලා. මම දන්නැද්ද සෙටිංග්ස්. කෙලින්ම ඇහුවා මොඩම් එකට දෙන්න තියෙන්නේ apn එක mobitel3g නම්බර් එක *99# නේද කියල. එහෙනම් පොඩ්ඩක් ඉන්න කිවුවා. ඉතිං ආයිම හිටියා. විනාඩි 3ක් විතර ඉදල ආයිම කතා කරා.වෙන ඩොංගල් එකකට දාල බලන්න. ෆෝන් එකකට දාල බලන්න. අනං මනං ටිකක් ආයිම කිවුවා. මං කිවුව සේරම කරල බලල බැරි වෙච්ච නිසා තමයි ඔයාලට කතා කරේ කියල. එපාර ආයිම ඉන්නලු ඉතිං ඉන්නව ඉන්නවා. ඔන්න ආයිම ටික වෙලාවක්(විනාඩි 5ක් විතර) ඉදල කියනවා සර්ගෙ එකවුන්ට් එකේ සල්ලි මදිලු. මං කිවුවා 100ක් දාල තමයි ඇක්ටිව් කරේ. එතකොට කියපි රු 75 ට බදු එක්ක රු 98.98 ක් යනවා. දැන් රු 1 සත ගාණයි තියෙන්නේ. එපාර කියනවා නෙට් යන්න නම් අවම රු 2ක් තියන්න ඕනලු. එකවුන්ට් එක රීචාර්ජ් කරල බලන්නලු. මටත් දැන් ඇතිවෙලා බලං ඉදලම මේ වෙනකොට 10ටත් කිට්ටු වෙලා තිබුනා. හරි මං ඒකත් කරල බලන්නම් කියලා තිබ්බා. 2වෙනි චාන්ස් එකත් ඉවරයි. මැසේජ් එකක් ආව. තව පාරක් ගත්තොත් charge කරනව කියල තබයි තිබුනේ.

රිලොඩ් එකක් දාල බලන්න ඕන කියල හිතුන නිසා ඕං යාලුවෙක්ට කෝල් එකක් දීල කිවුවා 20ක් දාන්න කියලා. 20ත් ආව දැන් එකවුන්ට් එක රු 21.02 දැන් හරිනේ කිවුව විදියට දැන් නම් නෙට් යන්න බැරි වෙන්න විදියක් නෑ. ඔන්න ආයිම ට්‍රයි එකක්ද දුන්න. මොන අර විදියමයි. දැන් මොකද කරන්නේ. ආපහු ගත්තොත් charge වෙනවා. විනාඩි 20ක් විතර බලන් හිටියොත් රු20 ආයිම ඉවරයි.

එතකොට තමයි මතක් උනේ මම පාවිච්චි කරන්නේ මොබිටෙල් පසු ගෙවුම් පැකේජයක් කියලා. ඇමතුව පාර්භෝගික සේවා අංශය. විනාඩියක් යන්නත් කලින් ඕන් නියෝජිතවරියක් කතා කරා. එපා වෙලා හිටපු හින්දම උදේ ඉදන් උනු දේවල් කිවුවා. එක පාරක් ගත්තම කට් උනා. කරන්න කිවුව සේරම කලා තාම ඔයාලට හදල දෙන්න බැරි ඇයි කියලා. එපාර කියනවා අර සිම් එකෙන්ම කතා කරන්නලු. මං කිවුව ඒක මොඩම් එකේ තියෙන්නේ. ඒකයි මේකෙන් ගත්තේ කියලා. තද වෙච්ච නිසා මම කෙලින්ම කිවුවා නෙට් යන්න හදල දෙන්න බැරිනම් කැපිච්ච ගාන රිෆන්ඩ් කරන්න කියලා. එපාර අදාල අංශයට ඒ ගැන පැමිණිල්ලක් ගොනු කරන්නම් කියලත් කිවුවා. Weekly Delight එක ඉවර වෙන්න කලින් නෙට් යන්න හරි රිෆන්ඩ් එක හරි නොලැබුනොත් TRC එකට පැමිණිලි කරනවා කියල මම කට් කලා. එදා දවසත් සුපුරුදු විදියටම නෙට් නැතිව ගත කරන්න හිතුවත් පසුගෙවුම් පැකේජ් එකෙන් කනෙක්ට් වෙලා මේල් එක විතරක් චෙක් කරා. BCS එකේ විභාගය 21,22 නිසා Admission එක ප්‍රින්ට් කරගන්නත් ඕන.ඒත් මේල් එක හොයාගන්න බැරි උනා.

මේක මාගලක් වෙලා වගේ වැඩිය දිග ඒව කියවන්න කම්මැලි ඇතිනේ. අන්තිමේ ආපහු ජංජාල ගත වෙච්ච හැටියි අර රු 98.98 ට වෙච්ච දේයි ගැන ඊලග පෝස්ට් එකේ දාන්නම්.

පරිවර්තන මැරතන් තරගයට ලේස්තිද

2010-04-20T13:58:00.003+05:30

අවුරුද්දත් පහු වෙච්චි. අවුරුද්දත් එක්කලම ඉතිං පහුගිය දවස් ටිකේම අවුරුදු උත්සව තිබුණනේ. අන්තර්ජාලයේ ඉන්න යාලුවෝ එක්ක අවුරුද්දට මැරතන් දුවන්න ලේස්ති වෙනවා. ඉතිං මැරතන් දුවන එකෙන් තවත් සේවාවක් කරන්න තමයි මේ අවස්ථාව ඇවිල්ල තියෙන්නේ. ඉතිං ඔන්න සම්පූර්ණ විස්තරේ පල්ලෙහායින් තියෙනවා! සිංහලෙනුයි ඉංගිරිසියෙනුයි. දුවන කට්ටිය දුවන්න ලේස්ති වෙන්න. වතුර ගහන අය වතුර ලේස්ති කරගන්න. එහෙනං කට්ටියම මැරතන් පිටියෙදි හමුවෙමු.

පරිවර්තන මැරතන් තරගය - 2010 අප්‍රේල්

ශ්‍රී ලාංකාවේ පළමු වරට පරිවර්තන මැරතන් තරඟයක් 2010 අප්‍රේල් මස 27 දින රාත්‍රී 9.00 සිට 2010 අප්‍රේල් මස 28 වන දින රාත්‍රී 12.00 දක්වා පැවැත් වේ.

මෙහි අරමුණ වන්නේ දැනට පරිවර්තන කටයුතු අවසන් වූ Openoffice.org සිංහල නිකුතුවට අදාල උදව් පිටු සිංහලින් සකස් කිරීමයි.

Openoffice.org සිංහල නිකුතුව සඳහා වචන 96,000 කට වඩා වැඩි ප්‍රමාණයක් සිංහලට හැරවීමට තිබු අතර මෙම උදව් පිටු සඳහා එමෙන් පස්ගුණයක් පමණ විශාල වූ කාර්යයක් නිම කිරීමට සිදුව ඇත.
100% නොමිලේ ලබා ගෙන Windows, GNU/Linux සහ MAC මත භාවිත කළ හැකි නිදහස් සහ විවෘත මෘදුකාංග අතරින් සුවිශේෂි මෘදුකාංගයක් වන Openoffice.org ව්‍යපෘතියට ආදරය කරන එමෙන්ම සිංහල බසින් මෘදුකාංග ප්‍රජාව අතරට යාම සඳහා දායකත්වයදීමට ලැදි ඔබ සැමට මින් ඇරයුම් කරමි.

ඔබ කොහොමඳ එක්වෙන්නේ?

Openoffice.org ශ්‍රී ලාංකික ප්‍රජාව භාවිත කරන තැපැල් ලැයිස්තුවට එක් වෙන්න.
ඉන් අනතුරුව "Translation Marathon 2010 April "මාතෘකාව සහිතව ඔබේ සහයෝගය ලැබෙන බවට අපට විද්‍යුත් ලිපියක් එවන්න.
කරුණාකර මෙම මාතෘකාවම පමණක් භාවිත කරන්න.

ඔබ මොනවද දැනගත යුත්තේ?

සිංහල ලිවීම සඳහා සිංහල යුනිකෝඩ් භාවිතයෙන් ලිවීම අනිවාර්ය වේ.
අදාල ඉංග්‍රිසි වදන් තේරුම් ගෙන එය සිංහලින් සරළව ලිවීමයි ඔබ කළ යුතු වන්නේ

පරිගණක ක්‍රමලේඛනය පිළිබඳ දැනීමක් අවශ්‍ය නොවේ!

තනිවද තරග කරන්නේ?

ඔබට කැමති නම් තනිව හෝ කණ්ඩායමක් ලෙස තරඟ කළ හැක.
එනම් පාසැල්, විශ්ව විද්‍යාල, ආයතනික මිතුරන් සමඟ එක් රැස්වී තරඟ කළ හැක.

සයුරෙන් එහා ඉන්න මම?

ඔව් මව් රටින් බැහැර වුවත් ඔබටත් අන්තර්ජාලය හරහා දායක විය හැක.
පැය 27ක් පුරා දිවෙන බැවින් ඕනෑම වේලාකලාපයක කෙනෙක්ට සම්බන්ධ විය හැකියි.
(දැනට එක්සත් රාජධානිය, සවුදි සහ ඉතාලියේ වෙසෙන ශ්‍රී ලාංකියන් තිදෙනෙක් සහය දීමට ඉදිරිපත්ව ඇත.)

එන්න අපහා එක්වන්න.
මෙය සුවිශේෂි ප්‍රජා ව්‍යාපෘතියකට දායකත්වය ලබා දීමට ඔබට ඇති මහගු අවස්ථාවකි.

OpenOffice.org Translation Marathon 2010 April

An event, a marathon is scheduled to be held for 27 hours starting on 27th April 2010 at 9pm. The event will bbe held online and the objective is to translate OpenOffice.org help files into Sinhala. We have almost finished translating the user interface of OO.org.

So this is an open invitation for you all. If you love OO.org, willing to contirbute and meet all the pre-requisites, this opportunity is for you. Spend few hours and be proud for years.

Pre-requisites

Sinhala unicode installed Linux/Windows system (how to install)
Ability to type Sinhala in Sinhala unicode (no need to be fluent, all that is needed is the ability)

How to contribute

Subscribe to openoffice-lk mailing list
Drop a mail with the subject "Translation Marathon 2010 April", say that your willing to contribute.

What you have got to do at the event

Type simple Sinhala terms for the English terms provided.
You should only use Sinhala unicode.

Your not alone

There will be a lot for sure.
You can ask others for unknown terms.
You can get to know each other.
You will have fun.

As this event is going to be held you 27 hours you can contribute at any time for any long. We hope to get a considerable percentage of the OO.org Help files translated to Sinhala in this event.

Make use of this significant opportunity you have, contribute to the community project, spend few hours at the event and be your self proud for the life time.

Mozilla FireFox කාර්යක්ෂමව භාවිතා කිරීමට කෙටිමං..

2010-04-09T15:30:00.002+05:30

[F3] - පිටුව තුල වචන සෙවුමට.

[F5] - වත්මන් පිටුව / ටැබය යලිපූරණයට.

[Ctrl + T] - නව ටැබයක් ලබාගැනීමට.

[Ctrl + W] - වත්මන් ටැබය වැසීමට.

[Ctrl + Shift + T] - අවසානයට වසා දැමූ ටැබය යලි විවෘත කිරීමට.

[Ctrl + Shift + P] - පෞද්ගලික ගවේශණය ආරම්භ කිරීමට.

[Alt + Left Arrow] හෝ [Backspace] - පෙර පිටුවට.

[Alt + Right Arrow] - ඉදිරි පිටුවට.

[F11] - පුළුල් තිර ආකාරය සහ පුළුල් තිර ආකාරයෙන් ඉවත්වීමට.

[Esc] - පිටුව පූරණය නැවැත්වීමට.

[Ctrl + (- or +)] - ෆොන්ටයේ ප්‍රමාණය, ෆොන්ටයේ ප්‍රමාණය '-' මගින් අඩුවන අතර '+' මඟින් වැඩිවනු ඇත.

[Ctrl + Shift + Del] -‍ ‍පෞද්ගලික දත්ත ඉක්මණින් හිස් කිරීම සඳහා Clear Data කවුලුව වීවෘත කිරීමට’

[F6] or [Alt + D] or [Ctrl + L] – වෙබ් ලිපිනය එකවර තෝරාගැනීමට.

[Ctrl + D] - විවෘතව ඇති වත්මන් පිටුව සඳහා පිටු සළකුණක් එක් කිරීමට.

[Ctrl + I] - භාවිතයට ඇති පිටු සළකුණු ‍දර්ශණය කිරීමට.

[Ctrl + J] - භාගත කිරීමේ කවුලුව (Download Window) විවෘත කිරීමට.

[Ctrl + N] - ගවේශකයේ නව කවුලුවක් විවෘත කිරීමට.

[Ctrl + P] - වත්මන් පිටුව / රාමුව මූද්‍රණයට.

[Ctrl + Tab] - විවාතව පවතින ටැබ අතර මාරුවීමට.

[Spacebar] - වරකට පිටුව බැගින් පහළට චලනයට.

[Shift + Spacebar] - වරකට පිටුව බැගින් ඉහළට චලනයට.

http://www සහ .com ලිපින තීරුවේ යතුරුලියනය කිරීමෙන් තොරව සම්පූර්ණ කිරීමට [CTRL + Enter]

 උදා:- http://www.google.com ලබා ගැනීමට ලිපින තීරුවේ google ලෙස සඳහන් කර [Ctrl +Enter] යතුරු සංයෝජනය ලබාදෙන්න.

http://www සහ .org ලිපින තීරුවේ යතුරුලියනය කිරීමෙන් තොරව සම්පූර්ණ කරගැනීමට [CTRL + Shift + Enter]

    උදා:- http://www.hanthana.org ලබා ගැනීමට ලිපින තීරුවේ hanthana ලෙස සඳහන් කර [Ctrl + Shift + Enter] යතුරු සංයෝජනය ලබාදෙන්න.

http://www සහ .net ලිපින තීරුවේ යතුරුලියනය කිරීමෙන් තොරව ලබාගැනීමට [Alt + Enter]

     උදා:- http://www.batapola.net ලබා ගැනීමට ලිපින තීරුවේ batapola ලෙස සඳහන් කර [Alt + Enter] යතුරු සංයෝජනය ලබාදෙන්න.

---
ප.ලි.
මෙම ලිපිය cPlus සඟරාවේ මංගල කලාපය සඳහා මා විසින් සකස් කරන ලද්දකි.

කෙටිමං වලට හුරුවිම ඔබේ කාලය ඉතිරි කරයි.

ගමටම ඇහෙන්න ගුවන් විදුලි විකාශනයක් කරපු හැටි

2010-04-06T00:08:00.001+05:30

ජීවිතේ හැමදාම අපිට අලුතින් යමක් ඉගෙන ගන්න පුලුවන්. ඒ‍ වගේම සමහර සිහින බිඳ වැටෙන කොට සමහර සිහින ඉටු වෙනවා. මගෙත් පුංචි කාලෙ ඉදල හද පතුලේ පුංචිම පුංචි ආසාවක් තිබුනා කවද හරි ගුවන් විදුලි විකාශනයකට සම්බන්ධ වෙලා ඒ වැඩ කටයුතු ඉගෙනගන්න. ඒ ආසාව නිසාම තමයි පුංචිකාලේ ‍පුංචිම පුංචි ට්‍රාන්ස්මීටරයක් හදල ට්‍රාන්ස්මිෂන් එකක් කලේ. ඒ පුංචි ට්‍රාන්ස්මිෂන් එක ගැන පස්සේ දවසක කියන්නම් :D. මේ හීනෙන් වත් නොහිතපු ඇත්තටම කරපු ගුවන් විදුලි විකාශනයක් ගැන තමයි කියන්න හදන්නේ.

බටපොල නවෝද්‍යා පාසලේ හරිත උදානය 2010 ප්‍රදර්ශනය සහ සැනකෙළිය නිමිත්තෙන් මාතර මාධ්‍ය නිවස මගින් සුසර ප්‍රජා ගුවන් විදුලිය පාසලේ සිට විකාශය කරන්න කටයුතු කලා. Batapola.net වෙබ් අඩවිය හරහා විකාශනය කලෙත් මේ FM 96.1 ඔස්සේ ප්‍රචාරය කරපු සුසර ප්‍රජා ගුවන් විදුලියම තමයි. ඉතිං විකාශන කටයුතු කරන්න මැදිරියක් තියෙන්න ඕනනේ. බ‍ටපොල නවෝද්‍යා විදුහලේ පුස්තකාලය තියෙන ගොඩනැගිල්ල තමයි මැදිරයට යොදා ගත්තේ.
මේ පහලින් තියෙන්නේ නිවේදන කටයුතු කල ස්ථානය. සජීවී වැඩසටහනක් කරගෙන යන අතරතුර තමයි ඕකත් ගත්තේ.

සජීවී වැඩසටහනක් මෙහෙයවන අතරතුර නිවේදන මැදිරිය

මේ අතර ගුවන් විදුලි විකාශනය කිරීමට පාසලින්ම ළමුන් කිහිප ‍දෙනෙක් තෝරා‍ගෙන ඔවුන්ට මනා පුහුණුවක් ‍ලබා දී සහතිකපත්ද ප්‍රධානය කලා.ඉන් පසුව ඒ ළමයින්ට තනියෙම වැඩසටහන් මෙහෙයවන්න අවස්ථාවත් ලැබුණා. ඇත්තෙන්ම ඒ ළමයි විතරක් වැඩසටහන් මෙහෙයවපු ආකාරය ගැන අපට ඇස්පනාපිටම සාක්ෂි හම්බුනා. එක් අවස්ථාවක මැදිරිය නරඹන්න ආපු කෙනෙක් වැඩසටහන කරපු ළමය දිහා බලල ඇහුවා ඔය ලමයද දැන් මෙච්චර වෙලා කතා කලේ කියලා. එයා හිතල ති‍බුනේ කටහඬ අනුව හොද හැඩිදැඩි පුද්ගලයෙක් වැඩසටහන මෙහෙයවනව ඇති කියලලු. :D

නිවේදන කටයුතු කරපු ළමයෙක්

ඉතිං මුල් දවස්ටිකේ මට රැකියාව නිසා එම ස්ථානයට යාමට අපහසු වූ නිසා අවසන් දවස් දෙකේ තමයි මටත් මැදිරිය බලන්න යන්න අවස්ථාව හම්බුනේ. ඒ වගේම අපේ ගෙදර තමයි මේ මාධ්‍ය නි‍වසින් ආපු අය නවාතැන් ගත්තේ. දවල් කාලයේ ගෙදර හිටපු නැති නිසාත් ගෙදර යනකොට රෑ වෙන නිසාත් උදේම ආපහු වැඩට එන නිසාත් මේ අය මං දැක්කෙත් අන්තිම දවස් දෙකේ කිවුවොත් හරි.
හොදම වැඩේ කියන්නේ ආපු අයගෙන් දෙන්නෙක් මං ගැන දන්නවා. :D මං ජීවිතේට දැකලවත් නෑ. ගෙදර අයටත් පුදුමයි. වෙලා තියෙන්නේ ප්‍රතිභා මාධ්‍ය එකමුතුව කරන චමින්දයි කපිලයි දෙන්නම මගේ බ්ලොග් එක කියවල තියෙනව. මාත් ඒක කියවපු විත්තිය මතක තිබුණා. ඒ දවස් වල ඉන්ටනෙට් තිබුනෙත් නෑනේ. හේතුව කලිං පෝස්ට් එකේ ඇති. Audacity පෙන්නන්න ගිහින් බ්‍රවුසරේ ඕපන් උනා. ලොඩ් උනේ මගේ බ්ලොග් එක.
දැන් නෙට් නැතිව බ්ලොග් එක ලෝඩ් උනේ කොහොමද අහන්න එපා. Firefox කෑෂ් එකෙන් තමයි බ්ලොග් එක පෙනුනේ. එතනදි තමයි කට්ටිය අඳුනගත්තේ.

ඔයාල අහල ඇතිනේද ප්‍රධාන පාලක මැදිරියක් ගැන, ඔය නිවේදක නිවේදිකාවො හැම නිතරෝම කියන්නේ අන්න ඒක තමයි. ප්‍රධාන පාලක මැදිරියක් කියන්නේ අර නිවේදක මැදිරියේ සහ සිංදු, වැඩසටහන් තීම්, (ජිංගල්) :D ධාවනය කරමින් පාලනය කරන්න පුලුවන් මැදිරියට. මේ පහල එකේ තියෙන්නේ සුසර ප්‍රජා ගුවන් විදුලියේ පාලක මැදිරිය ලෙස තිබුණු ස්ථානය. එහා පැත්තෙන් නිවේදන මැදිරියෙ ලෙස භාවිතා කළ ස්ථානයත් පේන්න තිබුනට ඇත්තටම ගුවන්විදුලි විකාශනාගාරයක මේවට වෙන වෙනම කාමර තියෙනවා. මෙතනදී පොඩි ඉඩක ඔක්කොම තිබුනේ. ආපු අයට පැහැදිලි කරන්නත් ලේසි වෙන්න.

ඔය මෙහා කොනේ ඉදල එහා කොනටම තියෙන සේරම දේවල් පිලිවෙලින් කිවුවොත් පළවෙනියට තියෙන ලැප්ටොප් එක පාවිච්චි කලේ රෙකෝඩින් වලට ඊළග පරිගණකයෙන් තමයි වැඩසටහන් වල තීම් සිංදු ආදිය ධාවනය කලේ. ඊගාවට ප්‍රධාන මික්සර් එක. ඊළග දෙකින් උඩින් තියෙන්නේ අර නිවේදන කටයුතු කරන අය දාගෙන ඉන්න හෙඩ්ෆෝන් සම්බන්ධ කරල තියෙන උපකරණය. ඒකට යටින් තියෙන්නේ අසන්නන් දුරකථනයෙන් සිංදු ඉල්ලන වෙලාවට එයාලත් එක්ක කතා කරන්න භාවිත කරන උපකරණය.

නිතරම ප්‍රධාන පාළක මැදිරියෙන් ශ්‍රවණ තත්වය ගැන අවධානයෙන් ඉන්න ඕන. මයික්‍රෆොන් වලින් එන ශබ්ද ත්‍රීව්‍රතා පාලනය කරන ගමන් අවශ්‍ය වෙලාවල් වලදී සිංදු, තීම් ආදිය ධාවනය කිරීමත් සිදු කරන්නේ මෙතන තියෙන මික්සර් එක උදව්වෙන්.

මේ චමින්දයි මායි. ඔය පිටිපස්සෙන් ඉන්නේ මැදිරිය බලන්න ආපු අය.

ඔය ප්‍රධාන පාලන කටයුතු කරපු තැනයි නිවේදන කටයුතු කරපු තැනයි. මේත් සජීවී වැඩසටහනක් විකාශය කරන අතරතුර තමයි

මේ සජීවී වැඩසටහනක් කරන අතරතුර ගත්තු තත්පර 30ක වීඩියෝ එකක්.

මගේ යූනලයේ චැනල් එකට ඉතුරු ටිකත් හෙමීට දාන්න ඉන්නේ. ඒකට සම්බන්ධ වෙලා ඉන්න කට්ටියට නම් දාපු වෙලාවෙම ඒ ගැන දැනගන්න පුලුවන් වෙයි. පින්තූර ටිකත් මූණු පොතටම අලවන්න තමයි හිතාගෙන ඉන්නේ

ඔය ප්‍රධාන පාලක මැදිරියෙන් ‍ශබ්ද පරිපාලනය කරල අන්තිමටම ඒක විකාශනය කරන්න දෙන්නේ ට්‍රාන්ස්මීටර් එකකට. මේ පල්ලෙහායින් තියෙන්නේ ඒ ට්‍රාන්ස්මීටර් එක තමයි. වර්ග කිලෝමීටර 25කට ආසන්න ප්‍රදේශයකට FM 96.1 ඔස්සේ අවට ප්‍රදේශවාසී ජනතාවට සවන්දීමට හැකි උනේ මෙන්න මේ උපකරණය නිසා තමයි.

සජීව විකාශය සිදු කලේ මෙන්න මේ ‍ට්‍රාන්ස්මීටරය මගින්

ඔන්න ඔහොම තමා සාමාන්‍යයෙන් සරලවම ගුවන් විදුලි විකාශනයක් කරන්නේ. හොද විකාශනයක් කරන්න නම් නිවේදන කටයුතු කරන මැදිරියට බාහිර ශබ්ද වලින් වන බාධා වීම් වලින් තොර වෙන්න ඕන.

මෙතනදි ප්‍රදර්ශනයට සමගාමීව සිදු කරපු නිසා නොයෙක් බාධා වීම් සිදු උනත් මාධ්‍ය නි‍වසින් සුසර ගුවන් විදුලිය අරගෙන ආපු අයගේ සහ පාසලේ නිවේදන කටයුතු කරපු ළමයි තමන්ට හැකි පමණින් මේ විකාශන කටයුත්ත දිගටම කරගෙන ආව. අතිසාර්ථක අන්දමින් (චමීර අයිය කියපු විදියට 100ට 500ක් සාර්ථකව) සුසර ප්‍රජා ගුවන් විදුලිය බටපොල නගරය හා ඒ අවට ගුවන සිසාරා පැවතුන බව අසන්නන්ගේ ප්‍රතිචාර වලින් තේරුනා. අවසන් දවසේ මේ අවසන් විකාශය කියල දැනුම් දුන්නම ඇසට කඳුලු නැඟුනු අයත් සිටියා. ඔවුන් තව ටික දවසක් හෝ මෙය පවත්වන්න කියා ඉල්ලීම් පවා ඉදිරිපත් කලා.

ඔන්න ඔහොම තමයි ඇත්තටම කල ගුවන් විදුලි විකාශනයකට සම්බන්ධ වෙන්න පුලුවන් උනේ.
අපට මාතර මාධ්‍ය නිවසේ අය අමතක නොවෙන්න මතක තියෙනව වගේම ඔවුන්ටත් මේ අපිත් එක්ක ගත කරපු ඉතා කෙටි කාලය හොදට මතක හිටිවී. සුද්දට ගේට්ටු කකුල උඩින් යවන හැටියි, තිලංගට මීටියාගොඩයි ගේට්ටු මුර කරපුවයි, කපිලට අත පිච්චිචුන හැටියි, සුරංගාට ලිස්සලා වැටෙන හැටියි අමතක වෙන එකක් නෑ. නම් වශයෙන් සඳහන් නොකලත් ඔවුන් සියළු දෙනාම යලිත් දවසක කොහේදි හරි මුණ ගැහෙන්න බලාපොරොත්තුවක් තියෙනවා.

SLT DNS අවුල සහ ටැලිපෝන් කැපීම

2010-04-01T09:43:00.001+05:30

පසුගිය දිනවල මා සතු ඩොමේන වලට ප්‍රවේශ වීමට නොහැකි බව කිහිප දෙනෙක් දැනුම් දුන්නා. ඒ අයට මුලින්ම ස්තූතිවන්ත වෙනවා ඒක මට දැනුම් දුන්නට. SLT Automatic DNS වලින් වෙබ් අඩවි වලට ප්‍රවේශ වීමට බැරි වීම තමයි මෙයට හේතුව. මේක මට විතරක් වෙච්ච දෙයක් නොවන වගත් අනිත් අයගේ ප්‍රතිචාර වලින් තේරුණා. මේකට හේතුව හොයාගෙන හොයාගෙන යනකොට නැවතුනේ ටෙලිකොම් එකේ ස'වර් රූම් එකෙන්. එතනදි හොයාගත්ත ලෙඩේ මොකක්ද කියලා.

tracert www.batapola.net කියල දුන්නම එන්නේ මෙන්න මේක
Unable to resolve target system name www.batapola.net.

Google DNS දාල ඒකම දුන්නම
racing route to batapola.net [173.212.202.130]
over a maximum of 30 hops:

1 1 ms <1 ms <1 ms 192.168.1.1
2 353 ms 59 ms 48 ms 220.247.232.35
3 30 ms 26 ms 28 ms 203.94.91.242
4 25 ms 52 ms 77 ms 222.165.130.57
5 36 ms 95 ms 29 ms 222.165.130.10
6 235 ms 209 ms 351 ms so-2-3-3-dcr1.lnd.cw.net [166.63.161.237]
7 176 ms 261 ms 174 ms xe-5-0-0-xcr1.lnd.cw.net [195.2.25.121]
8 382 ms 330 ms 310 ms 195.66.226.167
9 243 ms 246 ms * vl0019.gwy02.sctn01.hostnoc.net [63.218.31.42]
10 415 ms 495 ms 280 ms ec1-00.gwy01.sctn01.hostnoc.net [64.191.108.38]
11 364 ms 241 ms 247 ms ec1-17.agg03.sctn01.hostnoc.net [96.9.191.2]
12 385 ms 246 ms 261 ms ec0-63.bp1901.sctn01.hostnoc.net [96.9.184.42]
13 458 ms 246 ms 270 ms 173-212-202-130.hostnoc.net [173.212.202.130]

Trace complete.

ඉතිං GoogleDNS OpenDNS වගෙම SLTDNS මැනුවල් හදාගත්තමත් යන්න බැරි උනු සයිට් වලට යන්න පුලුවන් උනා. ඒ automatic DNS වලිට පාවිච්චි වෙන්නේ 203.115.0.46 සහ 222.165.*26.22[දෙවනි එක හරියටම ෂුවර් නෑ] IP දෙකම මැනුවල් හැදුවම යන්න පුලුවන් උනා. ඉතිං ඒ ගැන ස'වර් රූම් එකේ ඉන්න අයත් එක්ක කතා කරල විසඳ ගත්තා දැන් ඒ යන්න බැරිව තිබුණු සයිට් වලට යන්න පුලුවන්. ඉතිං මේ දිනවල බටපොල හරිත උදානය 2010 නමින් කෘෂිකාර්මික අධ්‍යාපනික වෙළද ප්‍රදර්ශනය සහ සැණකෙළියක් 2010 මාර්තු 25,26,27,28 හා 29 දින පෙ.ව. 9.00 සිට රාත්‍රී 9.00 දක්වා පැවැත්වෙනවා. ඉතිං මාතර මාධ්‍ය නිවස මගින් විද්‍යාල පරිශ්‍රයේ සිට FM 96.1 ඔස්සේ විකාශය කරනු ලබන සුසර FM දැන් www.batapola.net වෙබ් අඩවිය හරහා ඔබට සවන් දීමටත් හැකියාව ලබාදුන්නා. ඒ වගේම ඔබට සිංදු ඉල්ලීම් කරන්නත් සුසුර FM මෙහෙයවන මාතර මාධ්‍ය නිවසේ අය සූදානම් කරල තිබුනා.[මාතර මාධ්‍ය නිවසේ අය ප්‍රථම වරට අන්තර්ජාල මාධය හරහා කරන ලද විකාශයද මෙයයි.] විකාශය අතර තුර සිංදු ඉල්ලීම් කරන්න පුලුවන් වෙලාවල් සහ දුරකථන අංකය ඔවුන් සඳහන් කරන අවස්ථාවල ඔබ ලෝකෙ කොයි කෙළවරේ සිටියත් සිංදු ඉල්ලීම් කරන්න පුලුවන් උනා. ඒ දිනයන් තුල පානදුර හා දෙහිවල යන ප්‍රදේශවලිනුත් සිංදු ඉල්ලීම් ලැබී තිබුණා. එයත් සතුටට කාරණයක්. FM රේඩියෝ මාධ්‍ය වගේම අන්තර්ජාල මාධයත් භාවිතා වන බව දැන් ඔවුන්ට වැටහෙන්නට ඇති.

ප.ලි: මේක ලියන්න ගත්තේ 26 වෙනිදා . ඒ උනාට කවුරු හරි බටපොල සිට උඩුවිල දක්වා දුරකථන රැහැන් කපා දමා තිබීම නිසා මට අන්තර්ජාලයට සම්බන්ධ වීමට නොහැකි වීමෙන් එදා පෝස්ට් කරගන්න බැරි උනා . දින දෙකක් ඇතුලත SLT ආයතනය රැහැන් යථාතත්වයට පත් කලත් නැවතත් පසුවදාම ඒ සම්බන්ධ කල ස්ථානයට මදක් ඈතින් කපා දමා තිබුණා. කෙසේ හෝ අන්තර්ජාල විකාශය සිදුකරන්නට ගෙදර සිට නොහැකි උනා. මේ සියලු බාධා මැද පාසලේ සිට සජීව විකාශය අන්තර්ජාලය හරහා සිදු කරන්නට කටයුතු සිදු උනා. මා හට පාසලට යාමට නොහැකි උනත් මාගේ සහෝදරයා එම ස්ථානයට යවා සාර්ථක ලෙස එතන සිට විකාශන කටයුතු ගෙන ඒමට පුලුවන් උනා.

ඉතිං පාසලේ පරිගණක විද්‍යාගාරය විවෘත කරන තුරු විකාශන කටයුතු සඳහා බලා සිටීමට සිදුවීමත් නිතරම එතන රැදී සිටීමත් නොහැකි විම නිසා අන්තර්ජාල විකාශනයට බාධා පැමිණුනා. ඒ පිළිබදව මාගේ කණගාටුව ප්‍රකාශ කරන අතර සවන් දුන් අයටත් අන්තර්ජාල විකාශයට තමාගේ සේවාදායකයක් නොමිලේම ලබා දුන් කාලිංග අයියාටත් ස්තූතිවන්ත වෙමි.

ඇපල් ලැප්ටොප් එකක් සාදා ගන්නා අන්දම

2010-03-18T08:00:00.001+05:30

ඇපල් කිවුවම කවුද නොදන්නේ. ඒ තරම් ජනප්‍රියයි නෙව. ඒක වෙන්නැති විජය ග්‍රැෆික්ස් එකෙත් දොරේ ඇපල් සමාගමේ ඇපල් ගෙඩිය ගහං ඉන්නේ. :D කවුද කැමති නැත්තෙ ඇපල් ලැප්ටොප් එකක අයිතිකා‍රයෙක් වෙන්න. ඉතිං සරල පියවර කිහිපයකින් පහසුවෙන්ම ඇපල් ලැප්ටොප් එකක් හදාගන්න හැටි බලමු.

මුලින්ම අවශ්‍ය කලමනා සූදානම් කරගෙන වැඩේට බහිමු. මුලින්ම ලැප්ටොප් එකක් සපයා ගන්න. එය කුමන වර්ගයේ එකක් උවද කමක් නැත. ඊට අමතරව විනිවිද පෙනෙන ‍පළළින් වැඩි ටේප් රෝලක් සහ අවසන් වශයෙන් කොළ පැහැති ඇපල් ගෙඩියක් ‍සපයා ගන්න.

ඇපල් ගෙඩිය ලැප්ටොප් එකේ ලිඩ් එකේ පිට පැත්තෙන් තබා ටේප් වලින් රදවන්න. එපමණයි දැන් එය පහත රූපයේ පරිදි දිස්වනු ඇත.

සුභ පැතුම් දැන් ඔබ සතුව ඇපල් ලැප්ටොප් එකක් ඇත. කෝලං ඩී

ලැප්ටොප් එකක් සපයාගැනීට අපහසුනම් ඇපල් ඩෙක්ස්ටොප් එකක් මෙයාකාරයෙන්ම සාදාගගත හැක.

Firefox , Safari, Opera, Chrome සහ IE

2010-03-17T11:16:00.002+05:30

මේ දවස් වල අන්තර්ජාල ගවේශක සංසන්දනය කරනව වැඩී ද මංදා. මාත් ජංජා‍ල ගත වෙලා යමක් හොය හොය ඉන්න කොට හම්බුනා අන්තර්ජාල ගවේශක සංසන්දනය කරල බලපු පින්තූර ටිකක්. බලන්න මේ කියල තියෙන කතා ඇත්තද කියලා.

මෙන්න මෙතනින් තමයි මටත් හම්බුනේ http://goo.gl/OK7G

Repaird Fedora 12 File System

2010-03-04T21:40:00.002+05:30

Last time when i start my Laptop it was normally booted & worked well. while the working i saw there are several updates are available for fedora 12 so opened the terminal and logged as root. then run update command by giving
yum update -y
it start to update. during the update process is downloading updates just minimized it and worked same as normal. there are no unusual things happened that day.

but day after that day i start my laptop i it wouldn't boot
it gave following message & i gave root password for it.


*** An error occurred during the file system check.
*** Dropping you to a shell: the system will reboot
*** When you leave the shell.
Give root password for maintenance
(or type Control-D to continue):
bash: cannot set terminal process group (-1): Inappropriate ioctl for device
bash: no job control in this shell
(Repair filesystem) 1#

first i tried several times by pressing CONTROL-D. it restarted & gave same message
after that i found the problem it needs repair the file system. so i gave following command to repair file system (sda5)


fsck -t ext3 /dev/sda5

it takes a little time to repair file system

that's all after rebooting the laptop it was successfully booted to gnome desktop.

finally i got my desktop back
yepieeeeeee!

තවත් Facebook වයිරසයක් වේගයෙන් පැතිරී යයි

2010-03-02T22:19:00.004+05:30

මේ අවස්ථාව වන විට Facebook ජාලය තුල වයිරසයක් පැතිරෙමින් පවතින අතර එය ඔබේ මිතුරන් ලෙසින් මිතුරන්ගේ පින්තූර වලට කමෙන්ට් දමමින් යනු දැකගත හැක. පහත දැක්වන්නේ එම වයිරසය මගින් දැමූ කමෙන්ට කිහිපයකි.


Plsssss help.
http://apps.facebook.com/jjzkrxjauwdqbxn/

Come if you are my friends.
http://apps.facebook.com/jjzkrxjauwdqbxn/

Thanks all.
http://apps.facebook.com/jjzkrxjauwdqbxn/

Love you soooooooo much.
http://apps.facebook.com/jjzkrxjauwdqbxn/

this is a tough game, please teach me.
http://apps.facebook.com/jjzkrxjauwdqbxn/

මෙය වෙනස් වෙනස් ආකාර වලින්ද පැවතිය හැක. එය මත වැරදී හෝ ක්ලික් වීමක් සිදු උනේ නම් පහත පරිදි අවසර විමසීමක් කරනු ඇත. එහිදි කිසිම විටක අවසර ලබා නොදෙන්න. අවසර දුන හොත් එය පැතිර යාමට ඔබේ ගිනුමද භාවිතා කරනු ඇති.

මෙවන් ‍application වලින් ප්‍රවේසම් වෙන්න. සැකකටයුතු application භාවිතා කිරීමෙන් වලකින්න. හැකියාව ඇත්නම් හැකිතරම් application භාවිතය අඩු කරන්න.

ටොරන්ට් වල සීඩ්ස්ල මදිද? පොඩි වැඩක් කරල වැඩි කරමු

2010-03-02T16:30:00.007+05:30

මුලින්ම කියන්න ඕන මේක ඔයාල හදන එව්වට දාන්න යන්න එපා. ජංජාලෙන් හොයාගන්න ටොරන්ට් වලට කරල බලන්න.

ටොරන්ට් ක්ලයන්ට්(utorrent වගේ ඔයාල පාවිච්චි කරන එක) ඕපන් කරල torrent එකේ ‍properties කවුලුව අරගන්න.

පහලින් තියෙන ලැයිස්තුව පිටපත් කරල එතනට අලවන්න. Enable DHT” සහ “Peer Exchange” සලකුණු කරලද බලන්න.



http://tracker2.istole.it:60500/announce

http://inferno.demonoid.com:3407/announce

http://vip.tracker.thepiratebay.org/announce

http://track.sextorrent.to:2710/announce

http://tracker.deluxebits.to:3552/announce

http://denis.stalker.h3q.com:6969/announce

http://tracker.thepiratebay.org/announce

http://tracker.torrentbox.com:2710/announce

http://tracker.hexagon.cc:2710/announce

http://tracker.torrent.to:2710/announce

http://axxo.sladinki007.net:6500/announce

http://220.162.244.175:53880/announce

http://tpb.tracker.prq.to/announce

http://open.tracker.thepiratebay.org/announce

http://eztv.sladinki007.net:60500/announce

http://tv.tracker.prq.to/announce

http://218.145.160.136:8080/announce

http://tracker.prq.to/announce

http://tracker.torrenty.org:6969/announce

http://tpb.tracker.thepiratebay.org/announce

http://t.ppnow.net:2710/announce

http://www.torrentvideos.com:6969/announce

http://tracker.bitebbs.com:6969/announce

http://www.torrent-downloads.to:2710/announce

http://eztv.sladinki007.eu:60500/announce

http://www.ipmart-forum.com:2710/announce

http://tracker.ydy.com:83/announce

http://bt1.the9.com:6969/announce

http://tracker.sladinki007.net:6500/announce

http://tracker.ydy.com:102/announce

http://tracker.paradise-tracker.com:12000/announce

http://moviesb4time.biz/announce.php

http://tracker.deadfrog.us:42426/announce

http://mpggalaxy.mine.nu:6969/announce

http://www.sumotracker.org/announce

ඒ ටික කරා නම් ඕනම ටොරන්ට් එකක public users ඉන්නවනම් නිකංම හොයාගන්නවා. එතකොට සීඩර්ස්ලා ගණන වැඩි වෙලා ඉක්මණට ඩවුන්ලොඩ් කරගන්න පුලුවන් වෙනවා. කරලම තමයි ඉතිං බලන්න ඕන SLT ADSL වලින් හොදට ප්‍රතිඵල අත්විදල තියෙනවා. අනිත් ඒවනම් කොහොම වෙයිද දන්නෑ.

නිවහන අලුත්වැඩියා කරමින් සිටිමි

2010-03-02T16:12:00.004+05:30

අවුරුද්දක් තිස්සේ හිටපු තැනනේ. ඔන්න මටත් හිතුන නිවහන අලුත්වැඩියා කරන්න. ඉතිං තීන්ත පාරක් ගාල අදහස් වඩා ප්‍රළුල්ව පෙන්නන්න ලිපි පෙන්වන තීරුව ටිකක් ප්‍රමාණයෙන් වැඩි කරල ලෝඩ් වෙන්න වෙලා යන ඒව වෙනමම පිටුවකට පිටුවහල් කරල දැම්මා. තවම වැඩ ඉවර නෑ. ටික ටික හදන්න ඕන. ඉතිං ඒක හදන කං මං බ්ලොග් එක නොලිය ඉන්නවට වඩා ‍ලියන එක හොදයි කියල හිතුනා.

මූණු පොතේ ට්වීටරේ ඉන්න යාලුවො නම් දන්නවා ඉරිදා පොඩි (පොඩිමත් නෑ) රවුමක් ගැහුව විත්තිය. ඒ ගැනත් ලියන්න තියෙනවා. ඩොටේ ‍ඩොට් වෙන ගමකට ගිහන් ආව.

ඒ ඔක්කොම ලියන්න ඕන අමතක වෙන්න කලිං ඊටත් කලිං මාස ගානක ඉදන් ඩ්‍රාෆ්ට් තුනක් එකතු වෙලා තියෙනවා ඒටික ලිපි බවට පත්කරන්නත් ඕන.

තීම් එක Internet Explorer වලට නම් කචල් ඇති. Firefox වලට තමයි හැදුවේ. ඉතිං දැනගන්න ඕන කට්ටියට පේන්නෙ කො‍හොමද කියලා. Internet Explorer වල ඉන්න කවුරු හරි කියන්නකෝ පේන විදිය කචල්ද නැද්ද කියලා.

දෙවන වසර ආරම්භය.

2010-02-14T16:02:00.003+05:30

ඔන්න පෙබරවාරි 14 වෙනිදත් ආවා.
ඉතිං පෙබරවාරි 14 විශේෂ ‍වෙන්නෙ ඇයි.

ආදරවන්තයි‍න්ගේ දිනය කියන නිසා නම් නෙවෙයි. මේ කියන්න යන්නේ සිංහල බ්ලොග් අවකා‍ශයේ තියෙන තාරක‍ගේ සටහන් පිටුව කියන මේ සිංහල බ්ලොග් අඩවියට පෙබරවාරි 14 වෙනිදා තියෙන විශේශත්වය මොකක්ද කියලා.

ඉතිං අදට හරියටම වසරකට කලින් අන්තර්ජාලය නම් මහා දැනුම ගබඩාවට තවත් එක පුංචිම පුංචි බ්ලොග් අඩවියක් ආරම්භ උනා. ඉතිං එදා ඉදලා ලියඋනු ලිපි ටික සංඛ්‍යාත්මකව ගත්තොත් 114ක් වෙනවා. මේ තියෙන්නේ එදා සටහන් කරපු තාරකගේ පළවෙනි සටහන

ඒ සටහනත් එක්ක පටන් ගත්තු සටහන් පිටුවට හැම මාසෙකම නොවැරදීම සටහන් එකතු උනා. ඉතිං මේ සටහනත් එක්ක තාරක සටහන් පිටුවත් අරගෙන ඉර වටේ රවුමක් ගිහිල්ල තියෙන්නේ තාරකටත් නොදැනීමයි.

සටහන් පිටුව ආරම්භ කරාට පස්සේ බ්ලොග් එක කියවපු කියවල අදුන ගත්තු අය එක්ක කොච්චර මේල් යවලා චැට් කරලා ස්කයිප් හරහා කතා කරල තිබුනත් ඒ අය හමුවෙලා දැන හදුන ගන්න ලැබීම මේ අවුරද්ද තුල සිදු වෙච්ච වැදගත්ම දෙයක් කියල කියන්න පුලුවන්.

මුලින්ම දක්ෂිණ ලිනක්ස් සංසදය ආරම්භ කලෙත් එහෙම හම්බෙලා දැන අදුනගෙන හිටපු අය එක්ක නෙවෙයි. දක්ෂිණ ලිනක්ස් සංසදයේ පළමු වැඩසටහනට ගියත් කවුරුවත් මූණ බලල අඳුන ගන්න බැරි උනා. වැටසටහන සංවිධානය කරගත්තෙත් අන්තර්ජාලය හරහාමනේ. එපාර ඩනිෂ්ක අයිය තමයි මුලින්ම කතා කරල අඳුන ගත්තේ ඊටත් පස්සේ ගයාන් කල්හාර, අනුෂ්ක ලක්මාල්, කල්ප පැතුම්, වී අමිත්ත ;) බන්දුල සර් එහෙම අඳුනගත්තා. ටිකක් වෙලා යනකොට අර මුලින් දැනුනු නුහුරු ගතිය නැතිඋනා. කට්ටිය සෑහෙන කාලෙක ඉඳල දන්නව වගේ ආශ්‍රය කරන්න පුලුවන් උනේ අන්තර්ජාලය තුලින් කතා බහ කරල තිබුණ නිසා වෙන්න ඇති.

දක්ෂිණ ලිනක්ස් සංසදය තුලින් අප පාසල් රැසකට නිදහස් හා විවෘත මෘදුකාංග ගැන වැඩමුළු කලා.ඒ සියල්ලම මෙහෙම සඳහන් කරන්න අමාරුයි. ඒ අතර මම බටපොල නවෝද්‍යා පාසල වෙනුවෙන් නිදහස් හා වීවෘත මෘදුකාංග ගැන වැඩමුලුවක් සංවිධානය කලා. එදා තමයි ගෙදරින් දැනගත්තේ මම මේ කරන දේවල් මොනවද කියලා ;) (මගේ අම්මා ගුරුවරියක්) ඉතිං ගෙදර ඇවිත් මට ඌන පූරණ කරන්න විතරයි තිබුනේ. අම්මා සේරම දේවල් අනිත් අයට කිවුවා. මෙන්න මෙහෙමයි වැඩේ උනේ කියලා.

දේශීයකරණ වැඩමුලුත් අමතක කරන්න බෑ ඒ වැඩසටහනෙන් පස්සේ මම කරපු එක තමයි මේ
ඊටත් පස්සේ හන්තාන ව්‍යාපෘතියට දායක උනේ. හන්තාන ව්‍යාපෘතිය හදුන්වා දුන්නේ Software Freedom Day එක දවසෙදී ඒ අයත් එක්කම තවත් කිහිප දෙනෙක් හමු උනා. හිරන්‍ය ශ්‍රීමාල් සහ ප්‍රවීන් ඉන්ද්‍රනාමත් ඒ අය අතර හිටියා.

ඒ අතර තවත් එකක් කට්ටියටම අමතක නොවන හමුවීම මතක ඇති. විස්තර කියන්න ඕන නෑනේ. හැම බ්ලොග් එකකම වගේ ලිවුවනේ ඒක ගැන.

මෙන්න ලින්ක් ටිකක්. සිංහල බ්ලොග් අවකාශයට අලුතින් ආපු කස්ටියයි මතක නැති කට්ටියයි, මතක් කරල නැවත ඒ අවස්ථාව විදගන්න ආස අයයි ආපහු පාරක් ගිහින් බලන්නකෝ

ටොපිය - බ්ලොගර් නෑදෑකං සදාකාලිකං

තමීරගේ තීරය - බ්ලොග් මිතුරන්ගේ හමුවීම

ඉන්ද්‍රනාමගේ සයිබර් සිතුවිලි - Excel World හි අමතක නොවන දිනයක් | සිංහල බ්ලොග්කරුවෝ ප්‍රථම වරට රැස්වෙති

ශාකුන්තලගේ සටහන් පොත - සිංහල බ්ලොග්කරුවන්ගේ සුහද හමුව

ප්‍රභාෂ්ගේ සටහන් - SBU හමුව ස‍හ අතුරු කථා

රස්තියාදු කතා - සිංහල බ්ලොග්කරුවන් ගේ සුහද හමුව.

මේ මගේ කැමරාවේ (ඇත්තම කිවුවොත් ජංගම දුරකථනයේ) සටහන් වෙලා තිබුණු සොදුරු මතකසටහන් ටිකක්.

ගයන්තට කන්න පුලුවන් දේවල් තොරන ගමන්
මෙයා කෑම තේරුවනම් තාම තෝර තෝර ඉන්නවා

ශ්‍රී ශානු තාම කෑම කන්න කලින්

මේ තමයි සමූහ ඡායාරූපය ගත්ත හැටි. අර කලින් දාපු ලින්ක් වල කිහිප තැනකම තියෙන නිසා මෙතන සමූහ ‍එක දැම්මෙ නෑ.

නෑෂ් කැමරාව මානමින්..

කාලිංග අයියගේ සමූහ ඡායාරූපකරණය

දකුණු පළාතේ වර්ෂයක් පුරා බ්ලොග් ලියපු තුන්දෙනෙක් :D

අන්තිමට වටිනම පින්තූරේ. බළලා හිනා වෙනව හෙම නෙවෙයි ඕං. ;)

ඉතිං ඔන්න ඔය විදියට තමයි මේ පහුඋන අවුරුද්දක කාලය ගත උනේ..

අවුරුද්දක් පුරා මේ බ්ලොග් එකක් ලියාගෙන ගිහිල්ල ඒකේ සටහන් සියයකටත් අධික ප්‍රමාණයක් තියල කියල හිතෙන කොට මටත් ඇත්තටම පුදුම හිතුනා. මොකද මම එච්චරම ලිවීමේ දක්ෂයෙක් නොවන නිසා. ඒ කොහොම උනත් මේ වෙද්දී සටහන් පිටුවේ පළමු සංවත්සරය සමරන්න වෙලාව ඇවිල්ලා. ඉතිං ඒ අවුරුද්ද පුරාම මාත් එක්කම හිටපු තාරකගේ සටහන් පිටුවේ ප්‍රතිචාර දක්වලා මට සහයෝගය දක්වපු, ප්‍රතිචාර නැති උනත් සටහන් පිටුවට පා තබල කියවපු , කියවපු නැතත් පා තබපු හැමදෙනාටමත්, සටහන් පිටුවට පා නොතබාම RSS හරහා කියවපු හැමදෙනාටමත් බොහොම ස්තූතියි.

ජනවාරි මාසය.. ලිනක්ස් පිස්සුව..හා නැවත ලැබීම..

2010-02-07T23:08:00.002+05:30

මට සිද්ද උනු ඇබැද්දිය මතක ඇතිනේ. මතක නැති අය මෙතනට ගිහින් බලාගන්න

උනු දෙයින් මම යවත්කාල කරන වෙබ් අඩවියක් යවත්කල් කරන්න විදියක් තිබුනෙ නෑ. ඉතිං ඒබව දැනුම් දුන්නම ඒක හදාගන්න කල් Toshiba ලැප්ටොප් එකක් ලැබුණා. ඉතිං කරපු වැඩ ටික තිබුනේ මගේ ලැප් ටොප් එකේනේ. ඒකෙන් හාඩ් ඩිස්ක් එක ගලවලා අලුත් එකට ගැහුවා. ෆෙඩෝරා නිසා ඩ්‍රයිවර්ස් ගැන වද වෙන්න දෙයක් තිබුනෙ නෑ. හාඩ් එකෙන් බූට් කරා Brand දෙකක් උනත් මොනවත් එරර්ස් නෑ.තත්පර 20කින් කෙලින්ම ලොගින් ස්ක්‍රින් එකේ පාස්වර්ඩ් එක ගැහුව වෙනද වගේ ම වැඩ ටික කරගත්තා.
මේ තියෙන්නේ හාඩ් එක හයි කරපු ලැප් ටොප් එක.

වම් පැත්තෙන් තියෙන්නේ මගේ එක.

ඉතිං සෙනසුරාද පංති යන ගමන් ලැප්ටොප් එක අරන් ගියා. උදේම රෙපෙයාර් එකට දාල එනගමන් අරගෙනම ආවා. ඒකට 6000ක් ගියා. ඉතිං හාඩ් එක ඒකට හයි කරාම ආපහු ඒක වැඩ. දැන් ඉතිං අනිත් ලැප්ටොප් එක නිකංනේ තියෙන්නේ. ඔන්න ලිනක්ස් පිස්සුව පටන් ගත්ත. ලිනක්ස් වල මීඩියා සෙන්ටර් දාන්න බැරිද? සොයන්නාට සම්බවේ කියනවනේ. මුලින්ම දැම්මෙ Enna ඒක එච්චර මට ඇල්ලුවෙ නෑ. ඊට පස්සේ දැම්ම XBMC ඒක නම් හිතට ඇල්ලුවා. තීම් මාරු කරන්නත් පුලුවන්. තීම් ටිකකුත් ඩවුන්ලෝඩ් කරා. ගින්දර වගේ තමයි.

මගේ ළඟ තව ලැප්ටොප් හාඩ් ඩිස්ක් එකක් තිබුන. මේ පින්තූරේ කොළ පාටින් තියෙන්නේ ඒක තමයි. යූස්බී කන්වර්ටර් එකක් හරහා හයි කරල ඉවර වෙලා ඒකට Ubuntu 9.04 දැම්මා. දාල 9.10 වලට අප්ඩේට් කරා. ඊට පස්සේ XBMC මීඩියා සෙන්ටර් එකත් දාල බැලුව. XBMC නම් මැක්සා. S-Video අවුට් එක හරහා ටීවි එකට උනත් ගන්න පුලුවන්නේ. නිල් පාට එක තමයි මගේ එකේ හාඩ් ඩිස්ක් එක. ඔය බූට් කරල තියෙන්නේ USB හරහා හයි කරපු හාඩ් එකෙන්.

මේ තියෙන්නේ XMBC දාපු එකත් එක්ක මගේ ලැප්ටොප් එක. ටික දවසකට තව experiment ටිකක් කරන්න පුලුවන්. ad-hoc එකේ වැඩේ නම් හරි ගියේ නෑ. ආපහු වෙලාවක ට්‍රයි කරන්න ඕන.

ඒ අතර තව දෙයක් කියන්න ඕන. cPlus මැගසින් එක ගන්න ගියා. බටපොල දාපු ටික නම් ඔක්කොම විකිණිලා. Unity ගියපු නිසා MC එකට ගිහින් බැලුවා. ගියාට කඩේ නම මතක නෑ 3rd ෆ්ලෝ කියල විතරයි මතක. කොහොම හරි හොයාගන්න බැරි උනා. MC එක‍ ඇතුලෙ පොල්ගස්ටිකක් පැලකරල :D
මේ පික් එකනම් මම කලින් ට්විට් කරා.

ගෙදර එන ගමන් අම්බලන්ගොඩ බහිද්දි 4.30ට විතර ඇති. 5.30 වෙනකං වෙලා තිබුන හින්දා පොඩ්ඩක් සඟරාව හොයල බැලුව. කොහොම හරි හොයාගත්තා.සඟරාව උනන්දුවෙන් ගන්න බලපු හේතුව16 වෙනි පිටුවෙ තියෙනවා.

ජනවාරි මා‍සය ඉක්මණට ගෙවිල ගියා කියල දැනෙනවා. ඒකට ගොඩක් හේතු තියෙනවා. මූලිකම දේ තමයි ජනවාරි පළවෙනිදා ජොබ් එකේ වැඩ පටන්ගත්ත එක. මුලින්ම මහන්සියෙන් උපයපු ටික සේරම එහෙම්පිටින්ම අම්ම අතට දුන්න. හැබයි පළවෙනි පඩියෙන් කරන්න උනේ ලැප්ටොප් එක හදන එක තමයි. දැන් ඉතිං තවත් මං ගෙදරට බරක් නෙවි‍. දැන් මාත් වෙබ් ඩිවලොපර් කෙනෙක්.

ජොබ් එකට යන්න ග්‍රාම නිළධාරිගෙන් සහතිකයක් ගන්න එපැයි. ඒකට ගිහිල්ලත් උනේ සිරා වැඩක් තමයි. ග්‍රාමනිලධාරිතුමා ෆොර්මය සිංහලෙන් පුරවන්න ගත්ත. පුරවගෙන පුරවගෙන ගිහිල්ල අහපි මොකක්ද ඔය යන රක්ෂාව කියලා. ගත්කටටම කියල දැම්මා වෙබ් ඩිවලොපර් කියලා. සිංහලෙන් ඕනලු. හත්ඉලව්වේ මෙච්චර දවස් දේශීයකරණය කරත් ඒ වෙලාවේ ඕකට නමක් නම් හිතාගන්න බැරි උනා. එපාර මොකක්දෝ එකක් ලිවුවා. දැන්නම් මතක නෑ. :D

තව දෙයක් සිද්ධ උනා. ඒ තමයි BCS ක්ලාස් එකේ ටෙස්ට් එකක් තිබ්බා. ඉතිං පාඩං කරන්න වෙලාවක් තිබුනෙත් නෑ. හොදටම දන්නවා පාඩම් කරන්න ඕන කියල. ඒත් කරන්න උනේ නෑ. කොහොම කොහොම හරි ටෙස්ට් එක ලිවුවා. හැබයි අපරාදේ එක ලේසි ප්‍රශ්නයක් පස්සෙ ලියන්න කියල තියල වෙලා මදි වෙලා ඒක ලියන්න හම්බුනේ නෑ. ඉතිං ලකුණු මදි වෙයි කියලම තමයි හිතුවේ. කොහොම හරි ඊළඟ සතියෙ ක්ලාස් එකේ දී පේපර් දුන්න. මගේ එක අතට අරන් නම කිවුවා. හැබයි දුන්නෙ නෑ. තව දෙයක් කිවුව. මම ඩිම් වෙලා හිටියේ.
මොකක්ද දන්නවද කිවුවේ. සමාන්තර පන්තිත් එක්කලම වැඩිම ලකුණු තියෙන්නෙ මටලු. ඉතිං හිතාගන්න පුලුවන්ද වෙචිච දේ. පාඩං නොකර ලියල බයෙන් හිටපු එකාට වැඩිම ලකුණු ආව කිවුවම. ගත්ත ගමන් බැලුව පේපර් එක මගේ එකම තමා. වැල් වටාරම් නොලිය ඕන කරන කරුණු ලියවිච්ච නිසා ලකුණු වැටිල. :D හැබයි අර ප්‍රස්නෙටත් උත්තර ලිවුවනම් තවත් ලකුණු වැටෙනවා.
ආයිම නම් පාඩම් නොකර විභාග කරන්න බලාපොරාත්තුවක් නෑ.

අද පෝස්ට් එක නම් කිසිම ගැලපීමක් නැතුව ඇති දෙක තුනක් එක‍ පෝස්ට් එකක ලියපු පළවෙනි පාර නිසා.

කොහොම කොහොම හරි ආයිම මගේ ලැප්ටොප් එකේම වැඩ කරන්න හම්බුනා. ඒක නම් මාර සතුටක්.

ඔය අතරේ ඊයේ රාත්‍රියේ නැවත අපේ කට්ටිය තවත් ඔන්ලයින් සාජ්ජයක් සාර්ථකව නිමා කරා. වෙනසක් තිබුනේ කාන්තා පාර්ශවයත් ඒක නියෝජනය කරපු එකයි. රජරට සහ උඩරට බයිලා වාදයකුත් ගියා.

එහෙනම් මම අදට නවතිමු.

Fedora 12 වලදී භාෂා අතර මාරුවීමට තවත් යතුරක්

2010-02-07T21:14:00.002+05:30

Fedora වලදී සිංහල-ඉංග්‍රිසි භාෂා අතර මාරු වීමට සාමාන්‍යයෙන් භාවිතා කරන්නේ Ctrl+Space යතුරු සංයෝජනයයි.
නමුත් තනි යතුරක් මගින් භාෂා අතර මාරු වීමට හැකියාව තිබෙනවා. ඒ තමයි දකුණු alt යතුර. එක් වරක් එබීමෙන් භාෂාව සිංහලට මාරු වන අතර තවත් වරක් ඉබීමෙන් ඉංග්‍රිසි බවට මාරු වේ.

Internet Explorer ලිනක්ස් තුල ස්ථාපනය

2010-02-03T16:26:00.001+05:30

IE Linux තුල ස්ථාපනය කරන්න පුලුවන්ද කියල පැන නැඟුණු පැනයකට පිලිතුරක් සෙවීමට දැරූ උත්සහක් තමයි මේ සනිටුහන් කරන්න සූදානම. පහත පියවර අනුගමනය කිරීමෙන් ලිනක්ස් තුල ස්ථාපනය කරගත හැකියි.

ලින්ක්ස් තුල වින්ඩෝස් යෙදුම් ධාවනය කල හැක්කේ කෙසේද යන පැනයටද පිලිතුරු ලැබෙනු ඇත

පළමු පියවර ලෙස ලිනක්ස් මෙහෙයුම් පද්ධතියට exe ගොනු ස්ථාපනය කල හැකි ලෙස සැකසිය යුතු වෙනවා.
ඒ සඳහා මෙම විධානය ට'මිනලය තුල root පරිශීලක ලෙස ලබාදෙන්න.

yum -y install wine*
වයින් ගැන වැඩි දුර තොරතුරු සඳහා මවිසින් කොම්පුටරේ බ්ලොගයට ලියූ ලිපිය බලන්න.

ඊළඟට මෙම විධානය ලබාදෙන්න
yum -y install cabextract

දැන් exit විධානය ලබාදී ඔබගේ සාමාන්‍ය පරිශීලක ගිණුමට ප්‍රවේශ වන්න

ඊළඟ පියවර ලෙස IE ස්ථාපන ගොනු(Files) ඇති ස්ථානයෙන් ස්ථාපන ගොනු ලබාගත යුතුය. ඒ සඳහා wget විධානය භාවතා කල හැක.
wget http://www.tatanka.com.br/ies4linux/downloads/ies4linux-latest.tar.gz

මෙහිදී සිදුවන්නේ wget ඉදිරියෙන් දී ඇති ලිපිනයේ අඩංගු ගොනුව වත්මන් බහලුමට(Folder) එකට ලබාගැනීමයි.
හොදින් දිගුව(extension) දෙස බැලුවහොත් මෙම ගොනුව tar.gz නම් වර්ගයේ බව ඔබ‍ට පෙනෙනු ඇත. මේ ගොනු ආකාරයද සම්පීඩන(compress) ගොනු ආකාරයකි. දැන් මෙම සම්පීඩිත ගොනු දිගහැරීම සඳහා tar විධානය zxvf යන පරාමිතීන් සමඟ ලබාදෙන්න.
tar zxvf ies4linux-latest.tar.gz

එවිට එම ගොනුව තිබූ ස්ථානයේ බහලුමක් තැනී එයතුලට සම්පීඩිත ගොනු දිගහැරෙනු ඉහත රූපයේ පරිදි බහලුම ඇති ස්ථානයට පිවිසි විට දැකගැනීමට හැකියාව ලැබේ.
එම බහලුම තුලට ඇතුලු වීමට cd විධානය සමග බහලුමේ නම ලබාදෙන්න.
cd ies4linux-*

දැන් එය තුල වූ ස්ථාපනය කල හැකි ගොනුව ක්‍රියාත්මක කිරීමට පහත විධානය ලබාදෙන්න.
./ies4linux

එවිට මෙම කවුලුව පැන නගිනු ඇත.

එහි ඇති OK බොත්තම එබූ විට පහත පරිදි ස්ථාපනය ආරම්භ වනු දැකිය හැක.

**දෝශ මතුවේ නම් අවසන් විධානය නැවත ලබාදෙන්න.

මෙවැනි කවුලුවක් මතුවේ නම් Install මත ක්ලික් කරන්න.

එය අවසන් වූ පසු IE6 ආරම්භ වනු ඇත.

මේ Fedora තුල් ධාවනය කරන ලද IE6 හි තිර පිටපත් කිහිපයකි.

ඉතිං ඔන්න ඔහොමයි ලිනක්ස් ඇතුලේ Internet Explorer ස්ථාපනය කරන්නේ. කැමති අය ඉන්නවනං දාලම බලන්න.

බ්ලොග් කරුවනි ඔබේ අවධානයට

2010-02-02T22:17:00.001+05:30

අත්තර්ජාලයේ සැරිසරමින් ඉන්නකොට මට හමුවුණු දෙයක්. මේ සබැඳිය දෙස බලන්න.

රුක්ෂාන්ගේ බ්ලොග් සටහන , ටෙක්කතා වෙබ් අඩවිය, සහ සිංහල බ්ලොග්කරුවන්ගේ සින්ඩිකේටරය යන මේවා යොදාගෙන තැනූ බ්ලොගයක්. ඒවිතරක් නෙවේ. ඒසමගම ගූගල් ඇඩ්. මේකේ අරමුණ මොකක්ද කියල හිතාගන්න පුලුවනිද?

මෙන්න ඕකට මම ගිය ලින්ක් එක තියෙන සයිට් එක ටෙක්කතා එකේ ලාංඡනය එක්ක ‍දාල තියෙන්නෙ ලින්ක් එක අර බ්ලොග් එකට.

ගූගල් එකටත් සිංහලෙන් ලියන අපට තමා ඇඩ් දෙන්න බැරි ඒකත් මේ අඩවියට සහය දක්වන එකනේ වැඩේ. ඉතිං ඔන්න කස්ටියටම දැනගන්න මගේ බ්ලොග් එකේ ලිවුවා. මේකට කරන්න තියෙන්නේ මොකක්ද? ගන්න පුලුවන් පියවර මොනවද?
තීරණය කිරීම ඔබ සියලු දෙනාට බාරයි.

අහෝ ‍නුඹට සිදුවූයේ කුමක්ද?

2010-01-26T20:40:00.002+05:30

මේ තියෙන්නේ මගේ ලැප්ටොප් එක. අදට දවස් දෙකකට කලින් මෙයා වැඩ කරන්නෙ නැතිව ගිහින්. විස්සයි දහය අවුරුද්දේ මගේ පළමු ටෙක් අලය තමයි මේ.දැන් ඉතිං මොනව කරන්නද. උන දේ උනා. ගලවල බැලුව ලෙඩක් නම් හොයාගන්න බෑ. පරීක්ෂා කරල බලන්න ලඟපාත හරියන බොඩ්එකක් වත් ප්‍රොසෙසරයක් වත් නෑ. මේ පින්තූරේ ගත්තේ නිදහස් හා විවෘත මෘදුකාංග ගැන වැඩමුලුවක් කරන අතරතුර. ෆෙඩෝරා ගැන ලියපු හැම පෝස්ට් එකක්ම මේකෙන් තමයි කරල බලල ලිවුවේ.

මේ තියෙන්නෙ මේක ගැන පූර්ණ විස්තරයක්
Specification


CPU Intel Celeron M 420 (1.6GHz)
BIOS AMI BIOS. Press DEL to enter
Chipset Mobile Intel 945GM Express
Memory 1GB 200pin DDR2-400/533/667 SODIMM (2 memory slots. Max 2GB)
Hard Drive 60GB
CD Drive Dual layer DVD±RW
Screen 15.4" Widescreen TFT (1280x800)
Video Card Intel 945GM (up to 128MB shared)
Sound Card Realtek ALC883 High Definition Audio
Modem Agere systems AC'97
Network Card Realtek 8139/810X
RaLink RT2500 Wireless LAN *
PC Card None **
Ports 
4x USB 2.0
1x LAN
1x Modem
1x Headphone
1x Microphone
1x S-Video (TV-Out)
1x VGA
1x Kensington Lock
Touchpad Synaptics Touchpad
Battery EM-G330L2 (11.1v 4400mAh)
Dimensions 40 x 355 x 273 (HxWxD in mm)
Colour Silver
Weight 2.85kg
Made By ECS G335

කොහොම උනත් මගේ වැඩ වලට(Web Development,Programming) නම් මේක හොදටම ඇති උනා. Web Server, Development Machine එකක් විදියටත් වැඩ ගත්තා. ඒ කිසිම වෙලාවක වදයක් නම් උනේ නෑ.

අනිත්පැත්ත හරවල මේ විදියට කොටසින් කොටස ගැලෙව්වා. ඒත් එතන රැම් එකක් තිබුනෙ නෑ.

පස්සෙ බලද්දි රැම් එක තියෙන්නේ කීබෝඩ් එක යට ඒපැත්තෙන් ගලවල රැම් එක අරන් පොඩ්ඩක් පිරිසිදු කරල ගැහුව.

හරි ගියේ නෑ. වෙන චෙක් කරල බලන්න විදියක් නැති නිසා ආයිම හයි කරල තිබ්බා. දෘඩ තැටිය නම් SATA එකක් නිසා සාමාන්‍ය පරිගණකයට සම්බන්ධ කරන්න පුලුවන්. ඒක නිසා දත්ත ටික නම් ගන්න පුලුවන් උනා. හදා ගන්නකං ඉතිං ඕෆ්ලයින් තමයි ඉන්න තියෙන්නේ. දැන්ම හදාගන්න විදියක් නම් නෑ වගේ.

ආයි කවදා මේක ලියන්න පුලුවන් වෙයිද කියන්න බෑ. උත්තර දීපු ගූගල් ගෲප් වලටත් මද විරාමයක් දෙන්න වෙනවා. එහෙනම් හැමෝටම ආයුබෝවන්.

වින්ඩෝස්හි පාලනය ලිනක්ස් නතු කිරිම

2010-01-19T21:37:00.000+05:30

මේ සඳහා ජාලගත කරන ලද වින්ඩෝස් හා ලිනක්ස් මෙහෙයම් පද්ධති ඇති පරිගණක දෙකක් අවශ්‍ය වෙනවා. මා යොදාගත්තේ වින්ඩෝස් XP සහ ෆෙඩෝරා මෙහෙයුම් පද්ධති දෙක වේ.

වින්ඩෝස් ලිනක්ස් මගින් පාලනය කරන්නේ මෙහෙමයි.‍
වින්ඩෝස් පරිගණකයට VNC ස්ථාපනය කරන්න. දැන් එහි Options කවුලුවේ Authentication ටැබයට ගොස් මුරපදයක් යොදන්න.

ලිනක්ස් පරිගණකයෙ තුල vnc ස්ථාපනය කරන්න.
yum install vnc

එය ස්ථාපනය වූ පසු ප්‍රධාන මෙනුවේ අන්තර්ජාල සේවා යටතේ TigerVNC Viewer දැකගත හැකි වනු ඇත.
දැන් එය මගින් හෝ
<alt+f2> මගින් ලැබෙන යෙදුම් ක්‍රියාත්මක කිරීමේ කවුලුවේ vncviewer යන්න ලබාදීමෙන් ලැබෙන කවුලුව පහත පරිදි වේ

පෙර යෙදූ මුරපදය ලබාදී පාලනය භාර ගන්න.

පෙර ලිපියක සඳහන් කල පරිදි dynamic DNS බාවිත කිරීමෙන් එම වින්ඩෝස් පරිගණකය ලොව ඕනෑම තැනක සිට පාලනය කිරීමට හැකියාව ලැබෙනවා. කල යුත්තේ dynamic DNS ලිපිනය අගට 5800 port එක භාවිතා කරන එකයි. http://<dynamic DNS ලිපිනය>:5800

2035 පුවත් සිරස්තල

2010-01-18T17:37:00.004+05:30

දසවැනි ජනාධිපතිවරණය වන විට ලංකාවේ ඡන්ද පවත්වන ආකාරය සිතාගැනීමට හැකිද?

විශාල කර බැලීමට පින්තූරය මත ක්ලික් කරන්න.

(මා හට ඊ-මේල් එකකින් ලැබුණු දෙයකි)

Fedora මත Google Chrome ස්ථාපනය

2010-01-17T21:15:00.003+05:30

rpm භාවිතයෙන් ස්ථාපනයට http://www.google.com/chrome වෙත ගොස් Chrome rpm එක කෙලින්ම භාගත කර ස්ථාපනය කිරීමෙ කරගත හැකි උවද කරගත හැකි වුවත් yum මගින්ම ස්ථාපනය පහත පරිදි සිදුකරගත හැක.

මේ සඳහා පළමුවෙන්ම Google Repo එක පිහිටුවාගත යුතු වෙනවා.
Terminal එකේ පහත විධානය ලබා දී google.repo ගොනුව සෑදීමට vi එඩිටරය විවෘත කරගන්න
$ sudo vi /etc/yum.repos.d/google.repo
පහත ‍පේලි ටික එයට එකතු කරන්න. (මෙය පිටපත් කර terminal එකට ගොස් ctrl+Shift+v ලබාදීමෙන් ටමිනලයට ලබාගත හැක.)


[google]
name=Google - i386
baseurl=http://dl.google.com/linux/rpm/stable/i386
enabled=1
gpgcheck=1
gpgkey=https://dl-ssl.google.com/linux/linux_signing_key.pub

[google-chrome]
name=google-chrome
baseurl=http://dl.google.com/linux/rpm/stable/i386
enabled=1
gpgcheck=1

දැන් Escape යතුර ඔබා :wq යතුරුලියනය කර Enter යතුර ඔබා ගොනුව සුරකින්න
දැන් පහත විධානය ලබාදෙන්න.

$ sudo yum install google-chrome-beta -y
දැන් Google Chrome Fedora වලට ස්ථාපනය වනු ඇත.
දැන් මෙනුවේ අන්තර්ජාලය යටතේ පරීක්ෂා කර බලන්න.

___
*පහන් පැවසූ පරිදිම beta වෙළුමේ Extension Crash වීමට හැකි බැවින් කපා ඇති විධානය වෙනුවට පහත විධානය භාවිතා කරන්න .
$ sudo yum install google-chrome-unstable

ලංකාවේ OpenOffice භාවිත කරන්නන්ගේ සමූහය ආරම්භ වේ.

2010-01-15T23:50:00.001+05:30

OpenOffice භාවිත කරන්නන්ට භාවිතයේදී පැන නගින ගැටළු සාකච්ඡා කිරීමටත් නවකයන්ට මග පෙන්වීමටත් ඔබ සතු OpenOffice පිළිබඳ දැනුම අන් අය සමග බෙදා ගැනීමටත් පහසු වන පරිදි ආරම්භ වූ මෙම සමූහය ආරම්භ කර වැඩි දවසක් ගතවී නැතත් මේ වන විට මෙම සමූහයේ දැනටමටත් සාමාජිකයන් 60දෙනෙක් සාමාජිකත්වය ලබා ගෙන ඇත. එමෙන්ම ඔවුන් සතු දැනුම බෙදා හදා ගැනීමට මේවන විටත් සිදුවෙමින් පවතින බව දැකිය හැක.

ඔබගේ දැනුම බෙදා ගනිමින් නොමිලේ ලබාගත හැකි OpenOffice භාවිත කරන නවකයින්ට සහාය වීමට අප හා එක්වන්න.

පරිශීලක සහාය:
OpenOffice.org පිළිබඳ ඔබේ දැනුම අන් අය සමඟ බෙදාගන්න, ඔවුන්ගේ ගැටලු විසදා ගැනීමට අලුත් දෙයක් කියා දීමට ඉදිපත් වන්න.

ප්‍රචාරණය:
OpenOffice.org හැකි තරම් ඔබේ හිතමිතුරන් අතරේ ව්‍යාප්ත කිරීමට දායක වන්න.

තත්ත්ව පාලනය:
ඉතා හොඳ තත්ත්වයේ නිපැයුමක් OpenOffice.org වෙතින් ඉදිරිපත් කිරීම සඳහා ඔබ දකිනා දෝෂ ඉදිරිපත් කිරීමෙන් හෝ ඒවා විසදිමෙන් ඔබේ දායකත්වය ලබා දෙන්න.

ප්‍රලේඛනය:
OpenOffice.org භාවිතය පිළිබඳ අන්තර්ගය ලිවීමට හෝ දැනට පවතින අන්තර්ගතයේ ඇති දෝෂ නිවැරදි කිරීමට දායක වන්න.

ඇත්තටම ඉතා පහසුවෙන්ම දායක විය හැකි ක්‍රමය ව්නනේ ඔබේ හිතමිතුරන්ට OpenOffice.org ස්ථාපනය කරදී, ඔවුන් අතරේ OpenOffice.org බෙදා හැරිමෙනි..

Subscribe to ඔපන්ඔෆිස් භාවිත කරන්නන්ගේ සමූහය OpenOffice User List

"ඔපන්ඔෆිස් භාවිත කරන්නන්ගේ සමූහය OpenOffice User List"

විස්සයි දහය නව වසරට සුභ පැතුම්

2010-01-01T00:00:00.000+05:30

2009 වසරේ නිමාවත් සමගම අලුත් බලාපොරොත්තු රැසක් සමඟ 2010 වසරට පා නගන මේ මොහොතේ සියල්ලන්ටම සාමය සතුට සපිරි සුභ නව වසරක් වේවා!!

පින්තූර මත සිංහල යුනිකේත ලිවීමේ පරීක්ෂණය

2009-12-15T20:18:00.003+05:30

මලක් උනේ ඇයි නුඹ මට….
ජීවිතයට සුවඳ සලන
එනමුදු සිපගන්නට තහනම්
විලක් උනේ ඇයි නුඹ මට
ජීවිතයට සිසිල ඉසින
දියදෝතක් බොන්නට තහනම්

පහන් තාරකාවක් සේ..
ජීවිතයට මඟ කීවද
ඒ එලියේ මහද පවන් දල්වනු කෙලෙසින්
කියන්න….

සහන් ගීතිකාවක් සේ…
ජීවිතයයේ ගිම් නිව්වද
ඒ ගීයේ සොඳුරු වදන්
මුමුණනු කෙලෙසින්
කියන්න….

වැඩේ සාර්ථකද නැද්ද?