ලිනක්ස් ස්ථාපනය

කලින් ලිපියකදි කියල දුන්නේ ලිනක්ස් ස්ථාපනයට පෙර Hard Disk සූදානම් කරන හැටිනේ. අද කියන්නෙ ඒ විදියට සූදානම් කරගත්තු Hard Disk එක සහිත පරිගණකයට ලිනක්ස් ස්ථාපනය කරන විදිය තමයි.

මුලින්ම බයෝස් වලට පිවිස Boot Order එකෙහි පළමු Device එක ලෙස CD/DVD ධාවකය සකසන්න
මේ ලෙස ඇත්නම් මුලින්ම දෘඩ තැටියෙන් Boot වනු ඇත.

එබැවින් එය පහත පරිදි වෙනස් කර ගත යුතුය.
(සැ.යු. පරිගණකයෙන් පරිගණකයට Bios ප්‍ර වේශ වන යතුරු වෙනස් විය හැකියි. සැකසුම්ද වෙනස් ආකාර වලින් පැවතිය හැකි නමුත් සියලුම පරිගණක වල මේවා අන්තර්ගත වේ.)

දැන් F10 යතුර ඔබා හෝ save කර bios වලින් ඉවත්වන්න. පහත පරිදි විමසීමක් කරයි නම් yes යන්න තෝරා enter යතුර තද කරන්න

එවිට පරිගණකය reboot වනු ඇති අතර. ධාවකයට හන්තාන DVD එකක් දමා තිබුනේ නම් එය මගින් පරිගණකය boot වනු දැකිය හැක.  මේ හන්තාන ධාවනයේදී දිස්වන පළමු තිරයයි.

ටික වේලාවක් ගතවූ පසු මෙම තිරය ලැබෙනු ඇත.

සම්පූර්ණයෙන්ම හන්තාන මගින් පරිගණකය ආරම්භ වූ පසු මෙයාකාර තිරයක් ඔබට ලැබෙනු ඇත. එහි දකුණු පස තීරුවේ අවසන් අයිකනය ක්ලික් කිරීමෙන් ඔබේ ස්ථාපන කාර්යය ආරම්භ කල හැකි වනු ඇත.

එහිදී ලැබෙන තිර next කරමින් යන විට Custom Layout තෝරාගත් විට පහත ආකාර තිරයකට ඔබව රැගෙන යනු දැකිය හැක. මෙහිදි කලින් ලිපියේ පරිදි shrink කරගත් පසු ඉතිරි වූ ඉඩ free යටතේ තිබෙනු දැකගත හැක.

එය මත ක්ලික් කර Create බොත්තම ඔබා දෘඩ තැටිය පහත පරිදි සාදාගන්න. මෙහිදී වින්ඩෝස් ස්ථාපනයේදී මේන් කෙලින්ම දෘඩ තැටියට ලියනු නොලැබේ.. මෙම අවස්ථාව පසු කල පසු පමණක් දෘඩ තැටියට අදාල සැකසුම් ආදේශ වේ.

සැකසුම් සියල්ල ඉහත පරිදි සකසා next කල විට පහත පරිදි තිරයක progress එක පෙන්වනු ඇත.

එය අවසන් වූ පසු restart වනු ඇත.

ඉන්පසු පරිශිලක කෙනෙක් සැකසීම සඳහා ඔබගේ තොරතුරු විමසා සිටින අතර ඒවා ලබාදුන් පසු ස්ථාපන ක්‍රියාවලිය සම්පූර්ණ වනු ඇත.

අවසන් වූ පසුව මෙම තිරය නැවත දැකගත හැකි වනු ඇත.

වම් පස ඉහල කෙළවරට mouse pointer එක ගෙන ගිය විට දැනට භාවිතයේ පවතින වැඩසටහන් දිස්වන අතර applications ටැබය පිවිසීමෙන් හන්තාන සතු මෘදුකාංග ලැයිස්තුව දිස්වනු ඇත.

එහෙනම් හන්තාන සමගින් නිදහස අත්විඳින්න. හන්තාන මත සිට වැඩ කරන ආකාරය තවත් ලිපියකින් ලියන්නම්.

Read More

terminal එකෙන් resolution වෙනස් කරමු

terminal එක විවෘත කර root ලෙස ප්‍රවේශ වෙන්න.

දැන් xrandr විධානය මගින් පවතින resolution බලාගන්න.

Screen 0: minimum 320 x 200, current 1366 x 768, maximum 8192 x 8192
LVDS1 connected 1024x768+0+0 (normal left inverted right x axis y axis) 309mm x 174mm
   1024x768       60.0
   800x600        60.3     56.2
   640x480        59.9
VGA1 disconnected (normal left inverted right x axis y axis)


එහි දැක්වෙන resolution වලට පහසුවෙන් වෙනස් කිරීමට පහත විධානය භාවිතා කරන්න.

xrandr -size <නව resolution එක>

xrandr --size 1024x768

ඉතාමත් පහසුවෙන් resolution වෙනස් වන ආකාරය පේනව නේද?

දැන් බලමු මෙතන නැති resolution එකක් භාවිත කරන්නෙ කොහොමද කියලා

මුලින්ම ළගම ගැලපෙන resolution එක බලාගන්න cvt විධානය විභේදනය සමග ලබාදෙන්න

cvt 1360 768

# 1360x768 59.80 Hz (CVT) hsync: 47.72 kHz; pclk: 84.75 MHz
Modeline "1360x768_60.00"   84.75  1360 1432 1568 1776  768 771 781 798 -hsync +vsync

එහි modeline වලින් පසු ඇති ප්‍රතිඵලය copy කරගෙන එය xrandr වලට එකතු කරගන්න

xrandr --newmode  "1360x768_60.00"   84.75  1360 1432 1568 1776  768 771 781 798 -hsync +vsync"

xrandr --addmode "1360x760_60.00"

දැන් xrandr  මගින් නැවත පරීක්ෂාකරන්න.

නව විභේදනය එකතු වී තිබෙන අයුරු දැකගත හැකි වනු ඇත.

Screen 0: minimum 320 x 200, current 1366 x 768, maximum 8192 x 8192
LVDS1 connected 1366x768+0+0 (normal left inverted right x axis y axis) 309mm x 174mm
   1366x768       60.0
   1024x768       60.0*+
   800x600        60.3     56.2
   640x480        59.9
VGA1 disconnected (normal left inverted right x axis y axis)


දැන් පහසුවෙන්ම xrandr --size මගින් නව විභේදනයට මාරුකරගත හැකි වනු ඇත.

xrandr වලින් විභේදනය ඉවත් කිරිමට xrandr --rmmode ""  භාවිත කරන්න.

Read More

Linux Live USB එකක් සෑදීම

හන්තාන සමගින් පෙරනිමියෙන් එන LiveUSB Creator මගින් පහසුවෙන් Live USB එකක් සාදාගත හැක. 

මේ සඳහා Fedora 15 මත  4GB PenDrive එකක් සහ හන්තාන මෙහෙයුම්පද්ධතියේ ISO එකක් මා භාවිතා කලෙමි.

මෙහිදී දත්ත මැකීයන බැවින් Pen එකෙහි වූ දත්ත බැකප් කර ගැනීම පළමුවෙන් කල යුතුය.

1.පියවර

LiveUSB Creator ආරම්භ කර Browse බොත්තම මත ක්ලික් කරන්න

2.පියවර
දැන් Live USB එකට දැමිය යුතු OS එකෙහි ISO එක තෝරා දෙන්න. මා මෙහිදි ලබාදුන්නේ Hanthana Linux 14.7.12 වෙළුමයි.

3.පියවර
ඔබගේ සැකසුම් සුරැකීමට අවශ්‍ය නම්
තේරූ ISO එක සමගින් Live USB එක තැනීමට Create Live USB බොත්තම ඔබන්න

දැන් Pen එකට OS එක මාරු වන අතර එහි Progress එක නිල් පැහැයෙන් පෙන්වයි.

අවසාන වූ පසු  පහත පරිදි කවුලුව දිස්වේ.

දැන් Live USB එක තනා අවසන්.

ඕනෑම පරිගණකයකට මෙම PEN එක සවිකර  First Boot එක ලෙස USB තේරුවිට පහසුවෙන් Hanthana Boot කරගත හැක.

* First Boot එක USB ලෙස තේරීමට පැරණි මව්පුවරු සහය නොදැක්විය හැක.
Boot Menu ලබාගැනීමට බොහෝමයක් මව්පුවරු වල ඇත්තේ  F12 හෝ F10 යන key එක එබීමටයි.
නැතහොත් POST Test එක අතරතුර එබිය යුතු යතුර දක්වනු ඇත.

ඊට අමතරව BIOS වලින් ස්ථිරවම Boot Sequence එක මාරු කිරීමද සිදුකල හැක

Read More

Fedora Code Names & මගේ ලිනක්ස් ආරම්භය

මෙච්චර කාලෙකට ආපු Fedora version වල Code Names ටික තමයි මේ..

Fedora Core 1 (Yarrow)
Fedora Core 2 (Tettnang)
Fedora Core 3 (Heidelberg)
Fedora Core 4 (Stentz)
Fedora Core 5 (Bordeaux)
Fedora Core 6 (Zod)
Fedora 7 (Moonshine)
Fedora 8 (Werewolf)
Fedora 9 (Sulphur)
Fedora 10 (Cambridge)
Fedora 11 (Leonidas)
Fedora 12 (Constantine)
Fedora 13 (Goddard)
Fedora 14 (Laughlin)



ඉතිං ඔතනිං මං මුලින්ම අත තිබ්බේ Moonshine එකට තමා.. ඒත මොඩම් එක ගත්තෙ නැති නිසා වැඩිය මුකුත් කරන්න බැරි උනා.. මේ තියෙන්නේ මං lklug එකට යවපු මුල්ම මේල් එක.
http://www.linux.lk/lurker/message/20070715.141609.25f51b8a.pl.html#linux

ඒකට උත්තරේ එවල තියෙන්නේ Bud


ආයෙ Sulphur වල ඉදං පටන් ගත්ත දැන් තියෙන්නේ පාවිච්චි කරන්නේ Leughlin දැන් නම් කරදරයක් නැතිව වැඩ කරනවා..

දැන් තියෙන්නේ Fedora 15 (Lovelock)
ඊළඟ එක තමයි Fedora 16 (Verne)

Read More

Fedora මත MySQL ස්ථාපනය

වැඩි දෙයක් කරන්න ඕනි නෑ.. අන්තර්ජාලය හා සම්බන්ධ වෙලාවක
Terminal එකට root ලෙස ලොග් වෙලා
yum -y install mysql mysql-server
ඒ පියවර අවසන් වූ විට mysql භාවිතා කිරීමට පෙර mysqld ධෘවනය කල යුතු වෙනවා.
ඒ සඳහා නැවතත් Terminal එකතුල
service mysqld start ලෙස හෝ /sbin/service mysqld start ලෙස ලබා දෙන්න.
නිවැරදිව සිථාපනය වූයේ නම් කොළ පැහැයෙන් OK ලෙස ලැබෙනු ඇති.
දැන් mysql යන්න යතුරු ලියනය කර mysql console ලබාගත හැක.

පරිගණකය ආරම්භයත් සමග mysql server එක ධාවනය කරවීමට
chkconfig mysqld on ලෙස ටමිනලයට ලබාදෙන්න.

mysql root පරිශීලකට මුරපදයක් එක් කිරීමට අවශය නම්.
mysqladmin -u root password 'මුරපදය'

*හන්තාන ලිනක්ස් මෙහෙයුම් පද්ධතියත් සමග mysql පෙරනිමියෙන්ම ලබාදෙනවා. එබැවින් ඔබ භාවිතා කරන්නේ හන්තාන ලිනක්ස් නම් ස්ථාපන පියවරයන් සිදුකල යුතු වන්නේ නැහැ.

Read More

Install Smarty on Fedora 13

1.Download Smarty from www.Smarty.net

2.extract it to same location where downloaded place

3. now make a directory named as "Smarty" in /usr/local/lib/php location
mkdir /usr/local/lib/php/Smarty

4. copy all the content of lib folder where extracted downloaded file to /usr/local/lib/php/Smarty
locate extracted folder (Smarty-xx) & then give
cp libs/* /usr/local/lib/php/Smarty

5.Set SElinux to permissive mode.
System->Administration->SELinux Management

* Remember to set template_c & cache writable for others

Quick install guide>>

Read More

Repaird Fedora 12 File System

Last time when i start my Laptop it was normally booted & worked well. while the working i saw there are several updates are available for fedora 12 so opened the terminal and logged as root. then run update command by giving
yum update -y
it start to update. during the update process is downloading updates just minimized it and worked same as normal. there are no unusual things happened that day.

but day after that day i start my laptop i it wouldn't boot
it gave following message & i gave root password for it.

*** An error occurred during the file system check.
*** Dropping you to a shell: the system will reboot
*** When you leave the shell.
Give root password for maintenance
(or type Control-D to continue):
bash: cannot set terminal process group (-1): Inappropriate ioctl for device
bash: no job control in this shell
(Repair filesystem) 1#


first i tried several times by pressing CONTROL-D. it restarted & gave same message
after that i found the problem it needs repair the file system. so i gave following command to repair file system (sda5)

fsck -t ext3 /dev/sda5

it takes a little time to repair file system

that's all after rebooting the laptop it was successfully booted to gnome desktop.

finally i got my desktop back
yepieeeeeee!

Read More

Fedora 12 වලදී භාෂා අතර මාරුවීමට තවත් යතුරක්

Fedora වලදී සිංහල-ඉංග්‍රිසි භාෂා අතර මාරු වීමට සාමාන්‍යයෙන් භාවිතා කරන්නේ Ctrl+Space යතුරු සංයෝජනයයි.
නමුත් තනි යතුරක් මගින් භාෂා අතර මාරු වීමට හැකියාව තිබෙනවා. ඒ තමයි දකුණු alt යතුර. එක් වරක් එබීමෙන් භාෂාව සිංහලට මාරු වන අතර තවත් වරක් ඉබීමෙන් ඉංග්‍රිසි බවට මාරු වේ.

Read More

Internet Explorer ලිනක්ස් තුල ස්ථාපනය

IE Linux තුල ස්ථාපනය කරන්න පුලුවන්ද කියල පැන නැඟුණු පැනයකට පිලිතුරක් සෙවීමට දැරූ උත්සහක් තමයි මේ සනිටුහන් කරන්න සූදානම. පහත පියවර අනුගමනය කිරීමෙන් ලිනක්ස් තුල ස්ථාපනය කරගත හැකියි.

ලින්ක්ස් තුල වින්ඩෝස් යෙදුම් ධාවනය කල හැක්කේ කෙසේද යන පැනයටද පිලිතුරු ලැබෙනු ඇත


පළමු පියවර ලෙස ලිනක්ස් මෙහෙයුම් පද්ධතියට exe ගොනු ස්ථාපනය කල හැකි ලෙස සැකසිය යුතු වෙනවා.
ඒ සඳහා මෙම විධානය ට'මිනලය තුල root පරිශීලක ලෙස ලබාදෙන්න.

yum -y install wine*
වයින් ගැන වැඩි දුර තොරතුරු සඳහා මවිසින් කොම්පුටරේ බ්ලොගයට ලියූ ලිපිය බලන්න.

ඊළඟට මෙම විධානය ලබාදෙන්න
yum -y install cabextract


දැන් exit විධානය ලබාදී ඔබගේ සාමාන්‍ය පරිශීලක ගිණුමට ප්‍රවේශ වන්න

ඊළඟ පියවර ලෙස IE ස්ථාපන ගොනු(Files) ඇති ස්ථානයෙන් ස්ථාපන ගොනු ලබාගත යුතුය. ඒ සඳහා wget විධානය භාවතා කල හැක.
wget http://www.tatanka.com.br/ies4linux/downloads/ies4linux-latest.tar.gz


මෙහිදී සිදුවන්නේ wget ඉදිරියෙන් දී ඇති ලිපිනයේ අඩංගු ගොනුව වත්මන් බහලුමට(Folder) එකට ලබාගැනීමයි.
හොදින් දිගුව(extension) දෙස බැලුවහොත් මෙම ගොනුව tar.gz නම් වර්ගයේ බව ඔබ‍ට පෙනෙනු ඇත. මේ ගොනු ආකාරයද සම්පීඩන(compress) ගොනු ආකාරයකි. දැන් මෙම සම්පීඩිත ගොනු දිගහැරීම සඳහා tar විධානය zxvf යන පරාමිතීන් සමඟ ලබාදෙන්න.
tar zxvf ies4linux-latest.tar.gz



එවිට එම ගොනුව තිබූ ස්ථානයේ බහලුමක් තැනී එයතුලට සම්පීඩිත ගොනු දිගහැරෙනු ඉහත රූපයේ පරිදි බහලුම ඇති ස්ථානයට පිවිසි විට දැකගැනීමට හැකියාව ලැබේ.
එම බහලුම තුලට ඇතුලු වීමට cd විධානය සමග බහලුමේ නම ලබාදෙන්න.
cd ies4linux-*

දැන් එය තුල වූ ස්ථාපනය කල හැකි ගොනුව ක්‍රියාත්මක කිරීමට පහත විධානය ලබාදෙන්න.
./ies4linux

එවිට මෙම කවුලුව පැන නගිනු ඇත.


එහි ඇති OK බොත්තම එබූ විට පහත පරිදි ස්ථාපනය ආරම්භ වනු දැකිය හැක.


**දෝශ මතුවේ නම් අවසන් විධානය නැවත ලබාදෙන්න.

මෙවැනි කවුලුවක් මතුවේ නම් Install මත ක්ලික් කරන්න.


එය අවසන් වූ පසු IE6 ආරම්භ වනු ඇත.

මේ Fedora තුල් ධාවනය කරන ලද IE6 හි තිර පිටපත් කිහිපයකි.






ඉතිං ඔන්න ඔහොමයි ලිනක්ස් ඇතුලේ Internet Explorer ස්ථාපනය කරන්නේ. කැමති අය ඉන්නවනං දාලම බලන්න.

Read More

වින්ඩෝස්හි පාලනය ලිනක්ස් නතු කිරිම

මේ සඳහා ජාලගත කරන ලද වින්ඩෝස් හා ලිනක්ස් මෙහෙයම් පද්ධති ඇති පරිගණක දෙකක් අවශ්‍ය වෙනවා. මා යොදාගත්තේ වින්ඩෝස් XP සහ ෆෙඩෝරා මෙහෙයුම් පද්ධති දෙක වේ.

වින්ඩෝස් ලිනක්ස් මගින් පාලනය කරන්නේ මෙහෙමයි.‍
වින්ඩෝස් පරිගණකයට VNC ස්ථාපනය කරන්න. දැන් එහි Options කවුලුවේ Authentication ටැබයට ගොස් මුරපදයක් යොදන්න.

ලිනක්ස් පරිගණකයෙ තුල vnc ස්ථාපනය කරන්න.
yum install vnc

එය ස්ථාපනය වූ පසු ප්‍රධාන මෙනුවේ අන්තර්ජාල සේවා යටතේ TigerVNC Viewer දැකගත හැකි වනු ඇත.
දැන් එය මගින් හෝ
<alt+f2> මගින් ලැබෙන යෙදුම් ක්‍රියාත්මක කිරීමේ කවුලුවේ vncviewer යන්න ලබාදීමෙන් ලැබෙන කවුලුව පහත පරිදි වේ








පෙර යෙදූ මුරපදය ලබාදී පාලනය භාර ගන්න.










පෙර ලිපියක සඳහන් කල පරිදි dynamic DNS බාවිත කිරීමෙන් එම වින්ඩෝස් පරිගණකය ලොව ඕනෑම තැනක සිට පාලනය කිරීමට හැකියාව ලැබෙනවා. කල යුත්තේ dynamic DNS ලිපිනය අගට 5800 port එක භාවිතා කරන එකයි. http://<dynamic DNS ලිපිනය>:5800

Read More

හන්තාන ලිනක්ස් මෙහෙයුම් පද්ධතිය එළි දැක්වේ

වසරකට අධික කාලයක් තිස්සේ කෙරුණු අත්හදා බැලීම්වලින් පසු හන්තාන ලිනක්ස් ව්‍යාපෘතියේ පළමු අදියර පසුගිය දා සම්පූර්ණ කෙරිණි. හන්තාන ලිනක්ස් මෙහෙයුම් පද්ධතිය දැන් සියලු පරිගණක පරිශීලකයින්ගේ භාවිතය උදෙසා අන්තර්ජාලය ඔස්සේත්, හන්තාන ප්‍රජාවේ ස්වේච්ඡා සම්පත් දායකයින් වෙතිනුත් ලබාගත හැකි ය.

හන්තාන ලිනක්ස් යනු කුමක් ද? එය කාට ද?

හන්තාන ලිනක්ස් යනු සුප්‍රකට Fedora මෙහෙයුම් පද්ධතිය සම්මිශ්‍රණය කරමින් සකස් කළ ලිනක්ස් මෙහෙයුම් පද්ධතියකි. අන්තර්ජාල පහසුකම් අඩු පරිශීලකයින්ට, පාසැල් සිසුන්ට හා ගුරුවරුන්ට සහ අවම තාක්ෂණ හුරුවක් ඇති අයට පවා ඉතා පහසුවෙන් තම පරිගණක වැඩකටයුතු ඉටු කරගැනිමේ අවකාශ විවර කර දීමේ අරමුණින් හන්තාන ලිනක්ස් මෙහෙයුම් පද්ධතිය සම්පාදනය කර තිබේ.

Fedora වෙතින් ලැබෙන සියලු පහසුකම්, මෘදුකාංග හා ගුණාංග සියල්ල හන්තාන පද්ධතිය සතු වෙයි. ඊට අමතර ව කාර්යාලයීය, අධ්‍යාපනික, බහුමාධ්‍ය හා ග්‍රැෆික් අවශ්‍යතා සපුරාගැනීමට අවශ්‍ය මෘදුකාංග ගණනාවක් හන්තාන සමග කෙලින් ම ඔබ වෙත ලැබේ. සාමාන්‍ය PC එනම් i686 අකෘති වර්ගයේ පරිගණක සඳහා සැකසූ සජීව තැටියක (Live CD) ස්වරූපයෙන් හන්තාන ඔබ වෙත එයි. දෘඪ තැටියෙහි ස්ථාපනය කිරීමට පළමු ව ඔබට කෙලින් ම මේ සජීව තැටිය මගින්, මෙම මෙහෙයුම් පද්ධතියේ සියලු පහසුකම් ක්‍රියාත්මක කර පිරික්සා බැලීමට පුළුවන.

Fedora වෙතින් ලැබෙන සියලු විශේෂ පහසුකම්වලින් සමන්විත හන්තාන, ඊට අමතර බහුමාධ්‍ය කේතක ගණනාවක් ද පෙරනිමියෙන් ම ඇතුළත් කරගනී. එහෙයින් (MP3 වැනි) ඕනෑ ම බහුමාධ්‍ය අන්තර්ගතයක් සේ ම DVD ආදිය ද කෙලින් ම ධාවනය කිරීමේ පහසුකම හන්තාන සතු ය. හන්තාන බාගැනීමේ දී ඔබට Fedora මෙහෙයුම් පද්ධතියේ නවතම නිකුතුව මෙන් ම RPM Fusion සහ Livna මෘදුකාංග කෝෂ්ටාගාර ද ලැබෙන හෙයින් වෙනත් අමතර පිරියම් කිරීමක් අවශ්‍ය නො වේ. සැකෙවින් කියතොත්, හන්තාන ස්ථාපනය කළ සැණෙකින් ඔබේ කාර්යාලයීය, බහුමාධ්‍ය, ග්‍රැෆික්, අධ්‍යාපනික හා විනෝදාත්මක යන සියලු අංශවල අවශ්‍යතා සපුරාලීමෙයි සමත් වෙයි!

හන්තාන වේගවත් හා සැහැල්ලු ඩෙස්ක්ටොප් පරිසරයක් වන XFCE භාවිත කරන හෙයින් අවම බලයක් සහිත පරිගණකයක් වුව ද වේගවත්ව ධාවනය කිරීමට සමත් වන අතර ඔබේ දෘඪ තැටියේ ඉඩකඩ ද සුරකියි.

හන්තාන ඔබ අතට පත් වනුයේ සපුරා ම නොමිලේ හා නිදහස් ව බැවින් එය පිටපත් කිරීමට හා අන්‍යයන් සමග බෙදාහදාගැනීමට ඔබට සම්පූර්ණ නිදහස හිමි වේ.

හන්තාන ප්‍රජාව

හන්තාන ලිනක්ස් මෙහෙයුම් පද්ධතිය සම්පූර්ණයෙන් ම ප්‍රජා නිෂ්පාදිතයකි. හන්තාන ව්‍යාපෘතිය වටා ගොනු වෙමින් තාක්ෂණික, භාෂාමය හා වෙනත් නානා විධ අංශයන්ගෙන් ස්වේච්ඡා දායකත්වය ලබා දෙන උද්‍යෝගීමත් ප්‍රජාව එහි ප්‍රධානතම ශක්තියයි. හන්තාන ලිනක්ස් භාවිත කරමින්, එහි සංවර්ධනයට පෙරළා දායක වෙමින් ඔබට ද එම ප්‍රජාවේ සාඩම්බර සාමාජිකයකු විය හැකියි!

හන්තාන ලිනක්ස් පිළිබඳ ඔබේ ගැටලුවලට විසඳුම් හන්තාන ලිනක්ස් ෆෝරමය, හන්තාන ලිනක්ස් ගූගල් සමූහය හා #hanthana irc චැනලය ඔස්සේ ඉතා ඉක්මනින් ලබාගැනීමට පුළුවන.

වැඩි විස්තර සඳහා දැන් ම ප්‍රධාන හන්තාන ලිනක්ස් වෙබ් අඩෙවිය hanthana.org පිවිසෙන්න.


හන්තාන ලිනක්ස් පාසල් වලට හදුන්වාදීම

හන්තාන ලිනක්ස් මෙහෙයුම් පද්ධතිය පළමුවෙන් පාසල් සිසුන්ට හදුන්වාදුන්නේ මෙම ව‍සරේ ජාත්‍යන්තර නිදහස් හා විවෘත මෘදුකාංග දින එනම් 2009 සැප්තැම්බර් 19 වන දින අම්බලන්ගොඩ ධර්මාශෝක විද්‍යාලයීයේ පැවැත්වූ අම්බලන්ගොඩ කලාපයේ පාසල් වලට පවත්වන ලද වැඩමුළුවේදීය.


2009 සැප්තැම්බර් මස 17 වන දින රුහුණු විශ්ව විද්‍යාලීය ඉංජිනේරු පීඨයේදී සිසුන් 100 දෙනෙකුට හන්තාන ලිනක්ස් ස්ථාපනය කරගැනීම සහ ඒමගින් සාමාන්‍ය කටයුතු කරගන්නා ආකාරය පිළිබඳ ප්‍රායෝගික පුහුණුවක් ලබා දෙන ලදි.


අතුරුලිය රතනසාර විද්‍යාලය - අකුරැස්ස, කළහේ ශ්‍රී සුමංගලෝදය - කලහේ, ශාරිපුත්‍ර විද්‍යාලය - අහංගම දැනට හන්තාන ලිනක්ස් භාවිතා කරන පාසැල් අතරින් කිහිපයකි.

මීට අමතරව ගාල්ල මධ්‍ය මහා විද්‍යාලයීය (ඕල් සෙන්ට්ස් විද්‍යාලය) තොරතුරු තාක්‍ෂණික කණ්ඩායම සංවිධානය කළ තොරතුරු තාක්‍ෂණ දිනයේදි ද හන්තාන මෙහෙයුම් පද්ධතිය හදුන්වා දීම සඳහා ආරාධනා ලැබුණි.

බෙලිඅත්ත මහපොල අධ්‍යාපනික ප්‍රදර්ශන භුමියේදි මෙම මෙහෙයුම් පද්ධතිය ප්‍රයෝගිකව අත්හදා බලා ලබා ගැනිමේ අවස්ථාව හම්බන්තොට ප්‍රදේශවාසීන්ට හිමිවිය.

Read More

Fedora 12 CONSTANTINE දාගතිමි

Fedora 12ත් ඇවිල්ල. මේක නම් කරල තියෙන්නේ CONSTANTINE කියල. සිකුරාද ඩවුන්ලෝඩ් කරගත්තට ගෙදර ගේන්න බැරි උනා. ඉතිං අද එමින් ගමන් ඩනිෂ්ක අයියගෙන් අරගෙන ඇවිත් දැම්මා.

දාල ඉවරඋනාම ඉඩගිහින් තිබුනේ මෙහෙමයි.

Filesystem	Size	Used	Avail	Use%	Mounted on
/dev/sda5	13G	3.0G	8.5G	26%	/
tmpfs	498M	420K	498M	1%	/dev/shm
/dev/sda3	197M	22M	165M	12%	/boot
/dev/sda7	3.6G	88M	3.3G	3%	/home

Gigabyte 13න් Gigabyte 3ක් විතරයි අරන් තියෙන්නේ.

ඉතිං කොනක ඉඳන් හදන්න එපැයි.
<ALT+F2>අරගෙන Gnome-ter ගහනකොට gnome-terminal කියල පෙන්නනවනේ එන්ටර් කරා
[tharaka@localhost ~]$ su
Password:
[root@localhost tharaka]#

පටන් ගත්ත
RPM Fusion මූලය පිහිටෙව්වා.
rpm -Uvh http://download1.rpmfusion.org/free/fedora/rpmfusion-free-release-stable.noarch.rpm
rpm -Uhv http://download1.rpmfusion.org/nonfree/fedora/rpmfusion-nonfree-release-stable.noarch.rpm
rpm --import /etc/pki/rpm-gpg/RPM-GPG-KEY-rpmfusion-*

වේගවත් මිරර් එපැයි ඒකත් දාගත්තා
yum install yum-fastestmirror
[root@localhost tharaka]# yum install yum-fastestmirror
Loaded plugins: presto, refresh-packagekit

Setting up Install Process
Resolving Dependencies
--> Running transaction check
---> Package yum-plugin-fastestmirror.noarch 0:1.1.24-2.fc12 set to be updated
--> Finished Dependency Resolution

Dependencies Resolved

================================================================================
Package Arch Version Repository Size
================================================================================
Installing:
yum-plugin-fastestmirror noarch 1.1.24-2.fc12 updates 16 k

Transaction Summary
================================================================================
Install 1 Package(s)
Upgrade 0 Package(s)

Total download size: 16 k
Is this ok [y/N]: y
Downloading Packages:
Setting up and reading Presto delta metadata
Processing delta metadata
Package(s) data still to download: 16 k
yum-plugin-fastestmirror-1.1.24-2.fc12.noarch.rpm | 16 kB 00:01
Running rpm_check_debug
Running Transaction Test
Finished Transaction Test
Transaction Test Succeeded
Running Transaction
Installing : yum-plugin-fastestmirror-1.1.24-2.fc12.noarch 1/1

Installed:
yum-plugin-fastestmirror.noarch 0:1.1.24-2.fc12

Complete!
[root@localhost tharaka]#


අපි සිංදු අහන්නනැද්ද mp3 වැඩ නෑනේ
දැම්ම gstremer

yum install gstreamer-plugins-ugly audacious-plugins-freeworld-mp3


ෆ්ලෑෂ් ප්ලේයර් එක

rpm -Uvh http://linuxdownload.adobe.com/adobe-release/adobe-release-i386-1.0-1.noarch.rpm
yum install flash-plugin
mozilla-plugin-config -i -g -v




ඔය දේවල් ස්ථාපනය වෙන අතරතුරේ
echofun එක දාගත්තා
https://addons.mozilla.org/en-US/firefox/addon/5081

ආ තව EnSiTip එකත්

https://addons.mozilla.org/en-US/firefox/addon/7846

දැනට ඇති වගේ. තව දාගන්න දේවල් නම් තියේ :)

Read More

Print demo text on OpenOffice Writer

to print demo text on OpenOffice Writer follow these steps

1. type dt
2. press F3 key

that's enough you will see demo text on your writer.

Read More

Pidgin එකට මූණුපොතේ චැට් එක හදන්නේ මෙහෙමයි.

මූණු පොතේ චැට් එක pidgin එකට හදාගන්න මුලින්ම මේක බාගත කරගන්න.
ටර්මිනලය විවෘත කරගෙන ගොනුව බාගත කරන ලද ස්ථානයට cd විධානය මගින් පිවිසෙන්න. උදාහරණයක් ලෙස Download ෆෝල්ඩරයට බාගත කලේ නම්
$cd /home/පරිශීලක නම/Download
ලෙස ලබාදීමෙන් Download ෆෝල්ඩරයට පිවිසිය හැක.

දැන් එය පහත විධානය මගින් විසුරුවාගන්න.
$tar -xvzf pidgin-facebookchat-1.60.tar.bz2
එවිට ඔබ දැන් ප්‍රවේශ වී සිටින ෆෝල්ඩරය තුල usr නමින් අලුතින් ෆෝල්ඩරයක් තැනෙනු ඇත.
එය තුල වූ usr/lib/purple-2 ෆෝල්ඩරයට පහත විධානය ලබාදී ඇතුලු වන්න.
$cd usr/lib/purple-2
දැන් එය තුල වූ libfacebook.so ගොනුව /usr/lib/purple-2 යන ස්ථානයට පිටපත් කරන්න.
#cp libfacebook.so /usr/lib/purple-2

දැන් pidgin නැවත අරඹා නව ගිණුමක් තනන්න.
එහිදී protocol ඉදිරියෙන් Facebook ලෙස අලුතින් කල එක් කිරීම තේරීමෙන් Facebook ගිණුම pidgin වෙත එක් කරගන්න. දැන් පහසුවෙන්ම Facebook චැට් වෙතට බ්‍රවුසරය විවෘත කිරීමෙන් තොරව පිවිසිය හැක.

pidgin දැන් video චැට් පහසුකමද 2.6 අනුවාදනයේ සිට ලබා දී ඇත.

pidgin හරහා ඔබගේ Facebook Status යාවත්කාල කළ හැක.

Read More

My first scanning experience with fedora 11 (Leonidas)

I used Scanning Tool fist time today. hmm not bad. It is very easy.
First i connected Scanner to Laptop.

Then starts Scanner Tool form
Application-->Graphics-->Scanner Tool like bellow

Need Drivers???
Mmm, No Need to install drivers. I could access the scanner dirctly.

I just put document in scanner and watched a preview then set up margins and resolution. After that press install. just it

While the scanning...

I scanned 6 pages.
There are meny file type supports to Scanner Tool and it also provide OCR. But this time i couldn't try it. (Next time wanna try).

This is how i scaned a document with fedora 11 first time & it was successfull.

Read More

වින්ඩෝස් මත සිටම ලිනක්ස් අත්හදා බලන්න

ඔය ලිනක්ස් දාල බලන්න බය අයට මෙන්න කරල බලන්න පුලුවන් වැඩක්. Sun VirtualBox ගැන කට්ටිය දන්නවනේ. මීට කලින් අපේ හයබූසා තව ඇඳුරුතුමා එහෙම ලියල තිබුණනේ. ඉතිං සයිබර් දාපු පෝස්ට් එක බලද්දී මටත් හිතුන මේක වින්ඩෝස් වල කරල බලන්න. ඔක්කොම ලියල තිබුනේ උබුන්ටු වල ඉදන් කරපු විදියනේ.

Install VirtualBox
ඉතිං VirtualBox x86 එක Download කරල වින්ඩෝස් වලට ස්ථාපනය කරා. හරි වැඩේ ගොඩ VBox එක ධාවනය කරන්න පුලුවන්. ධාවනය කරන්න New එකෙන් ගිහින් OS එක තෝරල HardDisk එකක් එහෙමත් දාල (වෙනම HardDisk ඕන නෑ. .vdi ෆයිල් එකක් තමයි හාඩ් එක. :D ) Virtual Machine එකක් හදාගෙන වැඩ පටන් ගත්ත.

ඉතිං ෆෙඩෝරා ‍DVD එකක් තියේනම් ඒකෙන් හරි නැත්නම් ඒකට වියදම් කරන්න අකමැතිනම් නිකංම ISO එක mount කරලත් කරන්න පුලුවන්. ISO එකෙන් දාන එක ඉක්මන්.

ISO එක mount කරන්න ඕනෙ නම් කරන්න තියෙන්නේ. Virtual Machine එක ධාවනය කරල
Devices-->Mount CD/DVD-ROM-->Mount CD/DVD-ROM image.. කියන තැනින් ISO එක හොයල දෙන එකයි.

Boot From Image
ආයිම Machene-->Reset කරල නැවත පණගන්වන ගමන් Boot Device එක තෝරන්න F12 යතුර ඔබන්න කියල එයි. එතනදි F12 යතුර ඔබල CD/DVD-ROM එකෙන් පණගන්වන්න c යතුර එබුවම නිකංම Image එකෙන් Boot වෙන්න ගන්නවා.

ඉතිං එන Instruction කියවන්නෙත් නැතුවම Next කරගෙන කරගෙන ගියා. හාඩ් ඩිස්ක් එක ෆයිල් එකක් නිසා කිසි අවුලක් නෑනේ. (අනික ෆෙඩෝරා මට නුපුරුදු දෙයක් නෙවෙයිනේ). හාඩ් ඩිස්ක් පාටිෂන් ගැන වද වෙන්න දෙයක් උනෙත් නෑ.

එච්චරයි වින්ඩෝස් ඇතුලෙ ලිනක්ස් අත්හදා බලන්න පුලුවන්.
ඉතිං එච්චරයි නේ වැඩ කරන්න ඕන වෙන්නේ.

පසු වදන
මං ඉතිං සයිබර් ඔය වැඩක් නෑ කියන seamless-mode එක මොකක්ද බලන්න කියල Guest-Addon එකත් ISO එකත් Download කරල දාල බැලුවා.

ෆෙඩෝරා 10 දානවනම් 2.6.27 kernal Version එක හෝ ඊට වැඩි Version එකක් සහ kernel-headers kernel-devel අවශ්‍ය වෙන නිසා පහත විධාන අග්‍රයේ root ලෙස ලබාදී kernal එක අලුත් වෙලුමට යාවත්කාල කරගන්න. ෆෙඩෝරා 11 නම් ප්‍රශ්නයක් වෙන එකක් නැහැ.
yum update kernel
දැන් kernel-headers kernel-devel ස්ථාපනය කරන්න
yum install kernel-headers kernel-devel
දැන් VBoxGuestAddon ISO එකත් අර විදියටම Mount කරගෙන අග්‍රයෙන් ධාවකයේ Path එකට පැමිණ
# sh VBoxLinuxAdditions-x86.run විධානය ලබාදෙන්න

[root@fedora10 VBOXADDITIONS_2.2.4_47978]# sh VBoxLinuxAdditions-x86.run

එවිට VBoxහි තිරය සම්පූර්ණ තිරය මතට ගත හැකිවාසේම Seamless-mode එකටද සහයෝගය දක්වනු ඇත.

Read More

Fedora 11හි ALT+CTRL+BACKSPACE සක්‍රිය කිරීම

ෆෙඩෝරා 11 වල පෙරනිමියෙන් ALT+CTRL+BACKSPCAE වලින් X-server terminate කරන්න එන්නෙ නෑ.
ඒක සක්‍රිය කරන්න ඕන නම් පද්ධතිය-->අභිප්‍රේත-->Keyboard හි Layout ටැබයේ Layout Options බොත්තම එබුවිට ලැබෙන ලැයිස්තුවෙන් Key Sequence to Kill the X-server එක යටතේ තියෙන Control+Alt+Backspaceඉදිරියේ තියෙන කොටුව සලකුණු කරන්න.

Read More

ලිනක්ස්හි ඇති බහලුමක් ජාලය හරහා වින්ඩෝස් වලට Share කිරීම

මේක "වින්ඩෝස්හි ඇති බහලුමක් ජාලය හරහා ලිනක්ස් වලට Share කිරීම" ලිපියෙන් සඳහන් කල එකේ අනිත්පැත්ත. ඒකට කරපු සම්බා සැකසුම් ටික ඒ විදියටම මේකට යොදාගන්න නිසා එය මුලින් කියවන එක වඩා සුදුසුයි.

ෆෙඩෝරා පරිගණකයේ සැකසුම්
පද්ධතිය --> කළමණාකරණය --> සම්බා හරහා සම්බා සේවාදායකය මානකරණයට පිවිස (පිවිසීමට root මුරපදය ලබාදිය යුතුය) +පොදුවක් එක්කරන්න මත ඔබන්න.

මුලින්ම සම්බා භාවිතා කිරීමට පරිශීලකයෙක් සාදන්න.ඒ සඳහා රුච් අරුචි-->සම්බා පරිශීලකයන්
හරහා සම්බා පරිශීලකයන් කවුලුව විවෘත කරගෙන පරිශීලකව එකතු කරන්න බොත්තම ඔබන්න.
දැන් නව පරිශීලකයකු සාදන්න කවුළුව විවෘත වනු දැකිය හැක. එහි unix පරිශීලක නාමය ලෙස පද්ධතියේ සිටින පරිශීලකයන් පෙන්වා ඇති අතර ඔබේ පරිශීලක ගිණුම එහිදී තෝරන්න.
windows පරිශීලක නාමය යන ස්ථානයට වින්ඩෝස් වලදී පිවිසීමට හැකි ලෙස වෙනත් නමක් ලබාදිය හැක. එයට කැමති නමක් ලබාදෙන්න. පසුව windows මගින් සම්බන්ධතාව ගොඩනැගීමේදී විමසීමක් සිදුකලහොත් ලබාදිය යුතු ව්නනේ මෙම නාමය බව මතක තබාගන්න. මුරපදය සඳහන් කර තහවුරු කරන්න. හරි බොත්තම ඔබා පරිශීලක සාදාගැනීම අවසන් කරන්න

දැන් සම්බා හවුලක් සෑදීමට බහලුම අඩංගු ස්ථානීය ලිපිනය ලබාදීම හෝ සැරිසරන්න බොත්තම හරහා ගොස් අදාල බහලුම තේරීම මගින් හෝ බහලුම තෝරාගන්න. හවුලේ නමට ඔබ කැමති නමක් ලබාදෙන්න. එය බහලුම ජාලය තුල පෙන්වන නාමය වේ.(බහලුමේ නම එතනට ස්වයංක්‍රීයව ගනු ඇත). කැමති නම් විස්තරය යන ස්ථානයට එය හදුනා ගැනීමට විස්තරයක් වුවද සදහන් කළ හැක.

දැන් මෙම බහලුම ජාලයේ අනෙකුත් පරිගණක වල පෙන්විය යුතුද ලිවීමට ඉඩදිය යුතුද යන්න තීරණය කර ඒ අනුව පහල ඇති කොටු සලකුණු කිරීම කරන්න.

ප්‍රවේශය ටැබයට පිවිස නිර්දේශිත පරිශීලකයන් හට පමණක් ප්‍රවේශ වීමට ඉඩහරින්න තෝරා සාදාගත් පරිශීලකනාමයද එතනින් තෝරාගන්න. හරි බොත්තම ඔබා සැකසුම් සුරක්ෂිත කරන්න.

දැන් ෆෙඩෝරා පරිගණකයේ සැකසුම් කර අවසන්. නමුත් වින්ඩෝස් පරිගණකයකින් ප්‍රවේශ වීමට ෆයර්වෝලය මගින් අවසර ලබාදිය යුතුය.
මේ සඳහා පද්ධතිය --> කළමණාකරණය --> ෆයර්වෝල් වෙත පිවිසෙන්න. එහි samba-client සහ සම්බා තෝරා සළකුණු කරන්න.

දැන් වින්ඩෝස් පරිගණකය හරහා ෆෙඩෝරා පරිගණකයට පිවිස බලන්න

Read More

‍Fedora 11 වෙළුම නිකුත් වූ වගයි.

ඔන්න ‍Fedora 11 නිකුත් වෙලා. ඉතිං ගන්න කැමති අය මෙතනින් ගිහින් අරගන්න.
වැඩිවිස්තර සඳහා නිකුත් සටහන් බලන්න.
‍fc10 Startup එකට තත්පර 30කින් ගියාට මේක තත්පර 20කින් Startup , Boot & Shutdown වේගවත් , තව හොද හොද වැඩ තියෙනව වගේ දාලම තමයි බලන්න ඕන.

Processor and memory requirements for x86 Architectures

The following CPU specifications are stated in terms of Intel processors. Other processors, such as those from AMD, Cyrix, and VIA that are compatible with and equivalent to the following Intel processors, may also be used with Fedora. Fedora 11 requires an Intel Pentium or better processor, and is optimized for Pentium 4 and later processors.

• Recommended for text-mode: 200 MHz Pentium-class or better
• Recommended for graphical: 400 MHz Pentium II or better
• Minimum RAM for text-mode: 128MiB
• Minimum RAM for graphical: 192MiB
• Recommended RAM for graphical: 256MiB

Processor and memory requirements for x86_64 architectures

• Minimum RAM for text-mode: 256MiB
• Minimum RAM for graphical: 384MiB
• Recommended RAM for graphical: 512MiB

Hard disk space requirements for all architectures

The complete packages can occupy over 9 GB of disk space.

Read More

වින්ඩෝස්හි ඇති බහලුමක් ජාලය හරහා ලිනක්ස් වලට Share කිරීම

මේක කරල බලන්න නම් පරිගණක Network Environment අවශ්‍ය වෙනවා. තව වින්ඩෝස් සහිත පරිගණකයක් සහ ෆෙඩෝරා සහිත පරිගණකයක්ද අවශ්‍යයි.

Network Environment එකක් ගෙදර කොයින්ද .
පරිගණක දෙකක් හෝ ඊට වැඩි සංඛ්‍යාවක් එකිනෙක සම්බන්ධ වෙනවනම් ඒක Network එකක්නේ. ඉතිං වින්ඩෝස් තියෙන පරිගණකයකුයි. ලිනක්ස් තියෙන පරිගණකයකුයි Cross-over කේබල් එකක් අරගෙන Ethernet port වලින් එකිනෙක සම්බන්ධ කරල ගත්තම ඒකත් Network එකක් තමයි.

ෆෙඩෝරා පරිගණකයේ සැකසුම්
මේකට සම්බා අවශ්‍ය වෙනවා. (හාල් නෙවයි. ) ඒක ස්ථාපනය කරගන්න අග්‍රයේ root ලෙස පහත විධානය දෙන්න
# Yum install samba

දැන් පද්ධතිය --> කළමණාකරණය --> සම්බා අනුගමනය කර සම්බා සේවාදායකය මානකරණයට පිවිසෙන්න. එහිට පිවිසීමට root මුරපදය ලබාදිය යුතුය. දැන්
රුචි අරුචි-->සේවාදායකයේ පරිස්ථිතයන් වෙත ගොස් පහත විස්තර ලබාදෙන්න.

සේවා කණ්ඩායම workgroup
විස්තරය Fedora

එම කවුළුවේම ඇති ආරක්ෂාව ටැබයට පිවිස
අනන්‍යතාවය තහවුරු කරගන්නා ආකාරය පොදුව
රහස් පදයන් සංකේත වලට හරවන්න ඔව්
ආගන්තුක ගිණුම පරිගණකයට ප්‍රවේශවන නාමය හෝ සකස්කරගත් පරිශීලක නාමය
ලබාදී හරි බොත්තම ඔබන්න. ෆෙඩෝරා පරිගණකය සූදානම් කර අවසන්.

දැන් වින්ඩෝස් ඇති පරිගණකයේ MyComputer මත මවුසයේ දකුණු බොත්තම ඔබා properties ලබාගන්න. එහි Computer Name ටැබයෙන් Change --> Name and workgroup ලබාදෙන්න.
Name windows
Workgroup workgroup

තවද User account එකට Password එකක් ලබාදෙන්න (ජාලය තුල හාවිතයට මුරපද අවශ්‍යෙ වේ.

ජාලය සූදානම් කර අවසන්.

දැන් වින්ඩෝස් වල ඇති Folder එකක් Share කරන්න. ඉන්පසු ෆෙඩෝරා පරිගණකයෙන්
ස්ථාන-->සේවාදායකයට සම්බන්ධවන්න මගින් සේවාදායකටය සම්බන්ධවන්න කවුළුව විවෘත කරගන්න. එහි පහත පරිදි සැකසුම් ලබා දෙන්න.

සේවා වර්‍ගය Windows Share
සේවාදායකය windows (වින්ඩෝස් පරිගණකයට ලබාදුන් නම)
බහලුම Share කරන ලද Folder එකේ නම(Share කරද්දී ලබාදුන් නම)
පරිශීලක නම වින්ඩෝස් හි User Name
කලාප නම workgroup
දැන් සම්බන්ධවීම මත එබූ විට මුරපදය විමසා සිටිනු ඇත. එවිට වින්ඩෝස් පරිශීලකට අදාල මුරපදය ලබාදෙන්න.

එවිට ලබාදුන් පරිශීලක නාමය මුරපදය හා කලාප නම නිවැරදි නම් නව කවුලුවකින් වින්ඩෝස් මගින් share කරන ලද Folder එක තුල අඩංගු සියල්ල පෙන්වනු ඇත.

Read More