සඳ නැති ලෝකයක්

මුළු ලෝකයම එළිය කරමින්
සඳ එළිය දසත විසිරෙන්න,
ලස්සනට පිරුණු සඳ පායල තියෙද්දී.
මොහොතකට ඇස් දෙක පියාගත්තෙ
ඒ ලස්සන හිතින් විඳගන්නයි.
ඒත් ඇස් ඇරල බලද්දි,
මගේ ලෝකයම එලිය කරමින්
ලස්සනට අහසෙ පායල තිබුණු සඳ,
පෙනෙන්නට තිබුනෙ නැහැ.
වලාකුළු පෙරළමින් සෙව්වත්
ඒ සඳේ ඡායාවක් වත් පෙනෙන්නවත් නැහැ.
කවුරුන් හෝ ඇසිපිය හෙලන සැනින්,
ඒ සඳ මගේ අහසෙන් හොරකම් කරල.
ආයෙමත් ලස්සනට පායල තියෙනව දකින්න
ආස උනත් ඒ අහසෙ ඉතිරි වෙලා තිබුනෙ
දුබල ලෙස ආලෝකය පතුරන්නට වෙහෙසෙන
පුංචිම පුංචි තාරකාවන් කිහිපයක් විතරයි.
ඒත් කොපමණ උත්සහ කලත් ඒ තරුවලට
ගණදුර දුරු කරන්න බැරි උනා.
ඇසිල්ලකින් මුළු ලෝකයම අඳුරෙන් වැහිල ගියා.

ඡායාරූපය: Google ඇසුරින් සොයාගත්තකි